Te fundit
Neymar shpreson të jetë pjesë e Brazilit në botërorin e vitit 2026
21 Dhjetor 2025, 14:52Sport
TEMA
Pavarësisht se nuk e ka veshur fanellën e Brazilit që nga 18 tetori 2023, Neymar nuk heq dorë nga ëndrra për të qenë pjesë e Kupës së Botës. Ylli brazilian i dërgoi një mesazh të drejtpërdrejtë trajnerit Carlo Ancelotti, teksa përveçse i kërkoi ndihmë italianit për t’i drejtuar drejt titullit, bëri edhe një premtim të guximshëm, duke pranuar se do të shënonte gol nëse do të arrinin në finale.
Brazili nuk e ka fituar Kupën e Botës prej më shumë se 23 vitesh, që nga triumfi i vitit 2002 në Japoni dhe Korenë e Jugut, dhe shpresa për një rikthim në majë mbetet e gjallë për tifozët.
Megjithatë, pjesëmarrja e Neymarit në Botëror mbetet e pasigurt. Trajneri italian Carlo Ancelotti ka qenë i qartë në deklaratat e tij, duke theksuar se do ta thërrasë sulmuesin vetëm kur ai të jetë në formën e tij maksimale, diçka që ende nuk ka ndodhur te Santos. Lëndimet e shumta kanë ndikuar ndjeshëm në karrierën e futbollistit pothuajse 34-vjeçar, i cili së fundmi ka luajtur edhe i dëmtuar për të ndihmuar klubin e tij të shmangë një rënie tronditëse nga kategoria.
Kontrata e Neymarit me Santosin skadon në fund të këtij muaji dhe, sipas mediave lokale, palët po punojnë për një zgjatje gjashtëmujore. Qëllimi është t’i jepet lojtarit mundësia për të luajtur rregullisht dhe për të rritur shanset për një rikthim në kombëtare. Para kësaj, megjithatë, Neymar pritet t’i nënshtrohet një ndërhyrjeje kirurgjikale për të riparuar një menisk të këputur në gjurin e majtë, një tjetër pengesë në rrugën e tij drejt Botërorit.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Do të ishte më mirë që ky evgjiti egoist të mos thirrej më. Protagonizmi i tij është i pa vlerë veçanërisht në një ndeshje botërori, vonon lojën, mban topin si të ishte në cirk dhe krijon nervozizëm në gjithë ekipin. Brazili po kërkon të gjejë rrugën për tu përballur me ritmin e shpejtë dhe presjonin intensiv të skuadrave evropiane dhe po vazhdojë të shoresojë se zgjidhja është Neimar karagjozi më mirë të mos shkojnë fare në botëror.