Bien çmimet e banesave në Prishtinë, një metër katror edhe 550 euro

Ka filluar të bjerë çmimi i banesave në kryeqytet, raporton KTV. Besohet se për momentin në Prishtinë janë rreth 8 mijë banesa boshe, që po presin të shiten.

Kjo madje besohet se është njëra ndër arsyet pse çmimi po bie nga 10 deri në 30 përqind.

Ata që merren me shitblerje thonë se tani në kryeqytet ka shumë më pak fuqi blerëse.

Bashkim Ajdini nga agjencia ‘Omega’ thotë se ka krizë financiare dhe tani ka më shumë banesa se sa blerës, pasi nuk ka më interesim nga diaspora.

Mati 1, që njihet si lagje me plan rregullues, së fundmi është ngarkuar me ndërtime.

Nëse këtu banesat janë shitur nga 700 euro metri katror e më shumë, tani mund të bëni pazar me 550 euro për metër katror.

Kjo mbase nëse i sheh videot reklamuese të tyre me hapësira gjelbëruese e rrugë të asfaltuara, mund të zhgënjehesh kur në realitet aty nuk ka asnjë lloj infrastrukture.

Edhe vetë ndërtuesit e pranojnë që janë në krizë.

Durim Prishtina, kryetar i Shoqatës së Ndërtuesve në kryeqytet, thotë se banesat po ndërtohen por jo edhe rrugët, kanalizimi e pjesët tjera të infrastrukturës të cilat po ndikojnë që çmimi të bie.

Këtij lajmi i është gëzuar i pari i Prishtinës, Shpend Ahmeti, i cili ka thënë se e di që shumë banesa kanë ngelur pa u shitur, prandaj po bën politika që çmimi të ulet edhe më shumë.

Por, nëse drejtoria e urbanizmit e udhëhequr nga Liburn Aliu, i bllokon lejet e ndërtimit, sipas ndërtuesve çmimet mund të rriten prapë./KD

Moschopoulos: Njohja e Kosovës do të jetë moment shumë i veçantë për Greqinë

18:15 Rajoni

Engel: I gabuar paralelizmi mes Krimesë dhe Kosovës

17:49 Rajoni

Shqipëri-Kosovë, konsullata të përbashkëta në Milano dhe Kamberra

17:11 Rajoni

Marrëveshja për detin/ Venizelos: Kemi biseduar me palën shqiptare, shpresojmë të hyjë në fuqi

11:48 Rajoni

Qosja: Akademikët kosovarë, antikombëtarë, duan standard gegërisht

10:03 Rajoni

Ndërhyrje me dhunë në një stacion policie në veri të Kosovës

20:40 Rajoni

Ramadan Muja dënohet me 2 vjet me kusht

18:31 Rajoni

Shërbimi sekret serb nxit shqiptarët të shkojnë në Siri?

15:00 Rajoni

Merkel: Situata në Ukrainë s’mund të krahasohet me Kosovën

11:31 Rajoni 1 koment

EULEX zbulon dëshmitarin e mbrojtur

11:28 Rajoni