Te fundit
Japonezë, afrikanë e australianë në 1/8 e finaleve: Tre “të mëdha” të eliminiara, sa befasi në Katar 2022
2 Dhjetor 2022, 16:11Sport
TEMA
Raundi i 1/8 i Kupës së Botës Katar 2022 po përgatitet në mënyrë gjithnjë e më të paparashikueshme. Emra të mëdhenj si Gjermania, Belgjika dhe Danimarka dalin jashtë. Ndërsa Japonia, Maroku dhe Australia shkojnë përpara. Bie në sy edhe kualifikimi i Polonisë në dëm të Meksikës dhe ai i Shteteve të Bashkuara në vend të Uellsit. Pothuajse çdo grup tregoi një histori surprizë.
E Uruguai dhe Serbia janë ende në rrezik të madh. Pasojat e Botërorit të parë dimëror në histori?
E fundit, të paktën në rend kronologjik, është ajo e Japonisë, e cila gjithashtu ka vlerë të dyfishtë. Aziatikët jo vetëm arritën të kalojnë në një grup që llogariste Spanjën dhe Gjermaninë. Eliminuan gjermanët dhe mundën e i morën vendin e parë Spanjës në grupin E. Rezultat i një organizimi taktik deri maniakal të japonezëve.
Skuadra e Moriyasu nuk tregoi gjëra të shkëlqyera në aspektin e lojës, por qendroi gjithnjë në lojë me përkushtim. Ata shfrytëzuan në maksimum rastet ofensive edhe duke qëndruar shumë të tërhequr.
Ka nga ata që mendojnë se skuadra e Luis Enrique, pasi mësoi se Kosta Rika nuk mund t’i parakalonte më në renditje, uli ritmin. Pastaj edhe komoditeti i vendit të dytë për të shmangur Kroacinë në fazën e 1/8, por përballja me Marokun sigurisht që nuk do të jetë një shëtitje në park.
SURPRIZAT E MËDHA TË KATARIT
E pikërisht ndeshja mes kombëtares së Regragui dhe Spanjës premton të jetë një nga më të bukurat e fazës së ardhshme të Katar 2022. Afrikano-veriorëve thuajse asnjëherë nuk u mungonte talenti, më shumë është cështje e disiplinës taktike dhe kohezionit në grup. Elementë që trajneri 47-vjeçar ka mundur t’i përziejë mirë deri tani.
Natyrisht edhe i ndihmuar nga frymëzimi i Ziyech, Hakimi dhe Mazraoui. Maroku e përfundoi grupin në vendin e parë, duke lënë pas Kroacinë, me Belgjikën të eliminuar. E pastaj padyshim Australia, më pak e kuotuara e grupit.
Ata arritën të përsërisin rezultatin historik të vitit 2006 kur u eliminuan në 1/8 me një penallti në minutën e 95 nga Italia. Të kesh mbajtur Danimarkën pas nuk është një çështje e parëndësishme. E tani do të sfidojnë Argjentinën e Messit në fushë.
Vlen të përmendet edhe Polonia, e cila ndonëse pa frymë, shpengon vendin e fundit në fazën e grupeve të Rusisë 2018. Polakët lanë Meksikën në shtëpi, e cila përkundrazi arriti në 1/18 katër vjet më parë. Më në fund, Shtetet e Bashkuara të cilat rikuperojnë dështimin për t’u kualifikuar në Rusi dhe tani duan ato çerekfinale që mungojnë që nga viti 2002.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
" Bie në sy edhe kualifikimi i Polonisë në dëm të Meksikës dhe ai i Shteteve të Bashkuara në vend të Uellsit." uau,ky koqja që e ka shkruar me siguri është ekspert futbolli!! si polonia e SHBA janë më të fuqishme se meksika e uellsi,do ishte një e papritur nëse do të ishin kualifikuar meksika e uellsi,e jo e kundërta!! "E Uruguai dhe Serbia janë ende në rrezik të madh."për uruguain dhe dy kupat e tij prehistorike di pak,po sa për sërbinë!? të mos harrojmë se zvicra është skuadër më e mirë,dhe sidomos me rrezultatet e katër viteve të fundit si në botrorin e '18 e më shumë në europianin e vitit të kaluar,është ajo favoritja për të kaluar në raundin tjetër me brazilin dhe jo sërbia!! i habitshëm do të ishte eleminimi i zvicrës dhe jo ai i sërbisë!!