Te fundit
Bejko takim me banorët e ‘Misto Mames’: Do të ulen taksat me 50% dhe do të hiqet taksa e infrastrukturës shkollore dhe sportive
5 Maj 2023, 18:31Politika
TEMA
Kandidati i Partisë Demokratike për Bashkinë e Tiranës, Roland Bejko, zhvilloi një takim me qytetarët në zonën e Misto Mames.
Duke iu prezantuar pikat e programit për kryeqytetin, Bejko u kërkoi atyre se nëse do ta votëbesojnë më 14 maj, do të ulë të gjitha taksat vendore me 50%.
Bejko tha se me atë në krye të bashkisë Tiranë, do hiqen kthetrat e korrupsionit dhe qyteteraët do jenë të qetë se askush s’do vijë t’ua prishë pronën, duke shtuar se edhe shpronësimet do të bëhen me çmimet e tregut.
Bejko vijoi se do të ulen taksat me 50%,dhe do të hiqet taksa e infrastrukturës shkollore dhe sportive.
“Programi im për Tiranën është një program ambicioz, jo me premtime të bujshme. Gjëja e parë që do bëj për Tiranën është që do heqim kthetrat e kësaj klase të korruptuar politikanësh dhe oligarkësh. Me mua kryetar bashkie nuk do të kenë shans ata që të komandojnë se kush i fortë apo kush oligarkë do të marrë çfarë nga prona publike. Me mua në krye të Bashkisë së Tiranës, qytetarët e Tiranës do të jenë të qetë se askush nuk do vijë t’ua prishë pronën me një rusp natën duke u zënë edhe plaçkat e shtëpisë brenda, investimin e jetës brenda, djersën e ballit, mundin e fëmijëve në emigracion. Nuk ka për të ndodhur. Nëse do të ketë shpronësime të pronave të tyre, shpronësimet do bëhen me vlerën e tregut. Me vlerën reale të tregut sot, për metër katrorë, jo vetëm banesë, por edhe oborri apo kopshti që ka nëse do duhet të prishen. Unë do jem kryetari i bashkisë së Tiranës me transparent dhe bashkëpunues me këshillin e bashkisë.
Ne do të ndërtojmë shkolla, çerdhe, kopshte, do t’i japim akses prindërve që t’i edukojnë fëmijët në mjedise komode. Këta e pengojnë ndërtimin e shkollave sepse një shkollë që ndërtohet me të njëjtat parametra në Itali me 1 mln euro, po ta sjellësh në Tiranë kushton 3 mln euro. Po 2 mln euro ku shkojnë, i ndajnë me njëri tjetrin, me oligarkët, oligarkinë politike dhe me firmat e klanit të tyre që kryejnë punimet. Prandaj jemi pa shkolla, kopshte, pa çerdhe. 15 minuta larg banesës do ta keni kopshtin, çerdhen, shkollën dhe qendrën shëndetësore.
Do të ulim taksat me 50%, do të heqim taksën e infrastrukturës shkollore dhe sportive. Duke ulur taksën me 50% do të bëjmë që të rritet baza e tatimpaguesve. 50% sot është ekonomi informale. Do t’i ulim taksat dhe do të kërkojmë që të gjithë qytetarët të paguajnë taksat dhe kështu do të futen në arkën e bashkisë 50-60 mln euro të tjera që mungojnë sot. Me këto do të bëjmë shkolla, kopshte, çerdhe etj.
Do zgjidhim problemin e ujit të pijshëm në Tiranë. E rriti çmimin tre herë Erion Veliaj në Tiranë me pretekstin se tha do të kemi ujë 24 orë. Nuk e bëri dot kurrë këtë,, ndërmarrja kaloi në faliment edhe pse paguajmë 30 mijë lek për ujin e pijshëm, paguajmë 40 mijë lekë për të blerë ujë në dyqan Pra, Tirana është e rrethuar nga burime ujore, Shqipëria është vend i pasur me ujë dhe brenda mandatin tonë do sigurojmë ujë 24 orë që 32 vjet vazhdojmë si në ’90 ku sa dilni në fushata elektorale kërkoni rrugë, ujë drita”, tha Bejko.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ky kokeshpulla nuk te le me "vdek" perseri mbledhje ne klub, por qenka klub surrogato shikoni cfare tavolinash kane ne podium. o Bejko ore koke qip.
ore Bejko, do na e besh shtet pa taksa keshtu, po parate me te cilat mbahet shteti, rrogat, etj etj ku do i gjesh? apo te ka lene plaku ndonje qyp me flori ? apo me parate e hashasit te Lazaratit? Avash derman se u bere me keq se Belua...
Votoni Z. Bejko , mbeshtesni PD zyrtare, duam opoziten qe nuk i ka duart me gjak dhe nuk ka asnje njolle korrupsioni mbi supe . Populli pret opoziten qe do te largoj Ramen . Respekte Z. Bejko! Te gjitha votat per Ty dhe PD zyrtare . Shpresa rilindi ……. ne ju mbeshtesim , me shume cdo dite do tju suportojne dhe ju do rriteni cdo dite e me shume . Votoni njerezit qe i duhen ketij vendi te ndryshoj .
O Ani-KATRANI. do uli taksat 50% !!!!!!!!!!!!!!!!!!!!!!!!! Si në kohën e sali QENIT që spaguaje drita e ujë. Ju të PD një MUT(maloku) jeni të gjithë. Autobus pa lekë !!!!!!!! Funerale pa lekë !!!!!!!................... Shqipëria si Katari me një ndryshim se ka burime MUTI shumë. Ju të PD do i shfrytëzoni deri fund për popullin. BRAVO