Ish-presidenti dhe Zonja e Parë dënohen me 15 vjet burg për pastrim parash

Një gjykatë në Peru ka shpallur fajtor ish-presidentin Ollanta Humala për pastrim parash dhe e ka dënuar me 15 vite burg. Sipas vendimit të gjykatës, Humala kishte pranuar fonde të paligjshme nga kompania braziliane Odebrecht për të financuar fushatat e tij elektorale në vitet 2006 dhe 2011.

Edhe bashkëshortja e tij, Nadine Heredia, bashkëthemeluese e Partisë Nacionaliste të Perusë, u shpall po ashtu fajtore për pastrim parash dhe u dënua me 15 vite burg. Ministria e Jashtme e Perusë njoftoi se Heredia ka marrë azil në Brazil dhe do të ketë kalim të sigurt për të udhëtuar atje bashkë me djalin e saj.

Prokuroria kishte kërkuar 20 vite burg për Humala dhe 26 vite e gjysmë për Heredian, por gjykata vendosi një dënim më të ulët pas një procesi gjyqësor që zgjati më shumë se tre vite. Humala, 62 vjeç, ishte i pranishëm në sallën e gjyqit gjatë shpalljes së vendimit, ndërsa bashkëshortja e tij e ndoqi seancën përmes video-lidhjes.

Të dy ata i kanë mohuar akuzat përgjatë gjithë procesit.

Humala është një ish-oficer i ushtrisë peruane që u bë i njohur në vitin 2000 kur udhëhoqi një rebelim të shkurtër ushtarak kundër presidentit të atëhershëm, Alberto Fujimori. Në vitin 2006, ai kandidoi për president dhe u afrua politikisht me presidentin e atëhershëm të Venezuelës, Hugo Chávez. Prokurorët pretendojnë se edhe Chávez i kishte dhënë fonde të paligjshme Humalës për të mbështetur fushatën e tij.

Ky rast është një tjetër goditje për klasën politike të Perusë, e cila prej vitesh është përfshirë në skandale korrupsioni të lidhura me kompaninë braziliane Odebrecht.

Evropa nuk mund të jetë një “vasale e përhershme e sigurisë” së SHBA-së

09:11 Bota 4 komente

Franca nën alarm pas sulmeve në burgje: Akte terroriste, do të përgjigjemi pa mëshirë

22:25 Bota 3 komente

"Jo propozimit të BE për tarifat zero" - Trump paralajmëron Kinën: Duhet të bëjë një marrëveshje me ne, Pekini bllokon blerjen e Boeing

21:50 Bota 3 komente

Debate për financimin e projektit "Kurani Europian"

21:10 Bota 7 komente

Nga Franca në Korenë e Jugut, Trump gati të mbyllë 30 ambasada dhe konsullata amerikane

19:40 Bota 18 komente

Koreja e Veriut i dërgoi Rusisë mbi 15,800 kontejnerë me municione në 18 muaj

19:00 Bota 1 koment

Plani trehapësh i opozitës turke për t’u përballur me Erdogan

18:40 Bota

Hakmarrja e BE-së ndaj SHBA, përfshin edhe... letrën higjenike

18:31 Bota 2 komente

Hamasi refuzon propozimin izraelit për armëpushim

18:22 Bota 1 koment

Avionët rusë pranë brigjeve të Alaskës

17:51 Bota 3 komente