Anëtarët e PDK-së denoncojnë partinë e tyre për parregullsi

Partia Demokratike e Kosovës, e cila doli e para në zgjedhjet e 12 dhjetorit, duket se, nuk ka telashe vetëm me rivalët e saj lidhur me rezultatin në Skenderaj.

I pakënaqur me procesin atje është edhe Gani Koci, kandidat i PDK-së, i cili ka deponuar një ankesë në Panelin Zgjedhor për Ankesa dhe Parashtresa. Koci ka thënë se këtë e bëri për ta mbrojtur votën e tij.

Koci nuk është i vetmi. Ankesa për parregullsi në Skenderaj ka edhe kandidati tjetër për deputet i PDK-së nga Skenderaj, Murat Musliu, i cili akuzoi partinë e tij për manipulim me vota dhe parregullsi gjatë procesit zgjedhor në këtë komunë.

Musliu tha se është i gatshëm të argumentojë përmes xhirimeve filmike, se komisionerët në disa vendvotime në këtë komunë, votat e kandidatëve të PDK-së, nuk i kanë numëruar fare, por i kanë vënë në formularë, sipas një liste të imponuar nga persona të fuqishëm dhe zyrtarë të lartë të pushtetit lokal në Skenderaj dhe të PDK-së.

Musliu ka folur edhe për një marrëveshje të fshehtë mes PDK-së dhe LDD-së që është bërë me qëllim që LDD të marrë vota përmes votimit të shumëfishtë nga komisionerët e PDK-së me qëllim që kjo parti të arrijë pragun zgjedhor. /Telegrafi/

Një aktivist homoseksual merr post në partinë e Millosheviçit

12:02 Politika

Shkodra me sytë nga malet, shkrirja e dëborës rrezikon sërish zonën

22:31 Politika

“The Guardian”: Në një vendvotim në Drenicë votuan 149 %

22:29 Politika

Opozita rinis sot protestat

22:23 Politika

Haxhinasto: Klinton më tha se opozita s’duhet të bojkotojë Kuvendin

22:21 Politika

BE sugjeron heqjen e imunitetit të politikanëve

22:19 Politika

Dokumenti i Bankës Botërore: E ardhmja ekonomike e Shqipërisë do jetë e vështirë

17:40 Politika

Ambasada amerikane: Zgjedhjet në Kosovë, proces efikas, me përjashtime serioze

17:16 Politika

Presidenti Topi dekreton buxhetin e kundërshtuar nga opozita

17:11 Politika

Berisha: Rama kërkoi të sabotonte vizat

13:49 Politika