Te fundit
Bukoshi jashtë parlamentit, Arben Gashi i treti në LDK
15 Dhjetor 2010, 20:41Rajoni
TEMA
Sipas të dhënave nga numërimi i deritashëm i votave, del se shumë pretendentë për deputetë të Kuvendit të Kosovës, por edhe deputetë të legjislacionit të fundit do të ndahen të zhgënjyer nga votimet e 12 dhjetorit.
Siç ka raportuar në ditarin qendror Klan Kosova, Bujar Bukoshi, ish-ministër i Shëndetësisë në Qeverinë Thaçi, para disa javësh edhe një ndër kandidatët për kreun e LDK-së, që më pastaj formoi “Listën Ibrahim Rugova” dhe iu bashkëngjit AAK-së në koalicion për zgjedhje, nuk ka fituar vota të mjaftueshme për të qenë deputet në legjislacionin që do të dalë nga zgjedhjet e 12 dhjetorit. Thuhet se vota të mjaftueshme nuk kanë fituar as Ahmet Isufi dhe Naim Maloku të AAK-së, ndërkohë që të sigurt nga kjo parti dhe “Lista Ibrahim Rugova” janë Ramush Haradinaj dhe i vëllai Dauti, Ukë Rugova, Donika Kadaj-Bujupi, etj.
Nga PDK-ja merret vesh se nuk kanë fituar vota të mjaftueshme ish-gazetarët Ilir Mirena dhe Petrit Selimi, ndërkohë që Berat Buzhala është shumë pranë të qenit deputet.
Në LDK, po sipas të dhënave nga numërimi i votave, del se Arben Gashi është një ndër më të votuarit, përkatësisht ai ka fituar më së shumti vota pas Isa Mustafës dhe Sabri Hamitit.
“Koha Ditore”
1 komente në “Bukoshi jashtë parlamentit, Arben Gashi i treti në LDK”
Comments are closed.
Lini një Përgjigje
Më të lexuarat
24 oret e fundit
Javen e fundit
Blog Tema
Bukoshi mos eshte ai qe Vodhi 3% e Kosovareve ne Mergim , apo eshte ai qe do Vinte me 200 trupa ushtarake te Pushtonte Vloren ne Vitin 97 ,
Nese keto jane te Verteta ,Bravo Kosova qe se keni Votuar kete Njeri .