Kur të mbetet vetëm policia e garda

Nga Enton Palushi

Ambasadorja e Gjermanisë në vendin tonë, në një intervistë dhënë për radion “Deutsche Welle” disa ditë përpara 21 janarit, deklaroi se është e nevojshme që të arrihet një kompromis politik që njerëzit të mos humbasin besimin tek politika. Ishte një rrëfim i sinqertë për atë që po ndodhte e që mund të jepte fryte më vonë.

Ditën e protestës ambasada amerikane lëshoi një paralajmërim për qytetarët e saj duke thënë se nuk duhej të qëndronin në zonat ku do të mbahej mitingu i opozitës për shkak se ai mund të bëhej i dhunshëm. Gjithashtu në paralajmërim thuhej se demonstrata mund të përhapej në qytete të tjera. Ambasada shkruante se nuk kishte informacione se mund të kishte dhunë, por druhej se situata do precipitojë. Ishte një mënyrë për të thënë se dhuna nuk do ishte e orkestruar, por nuk mund të parashikohet shpërthimi i njerëzve të mllefosur.

Si për t’i vënë kapakun, The Economist në një shkrim të sajin thoshte se për më shumë se 1 vit e gjysëm situata kishte zier. Tani do shpërthente pasi politika nuk i kishte hequr kapakun tenxheres.

Çfarë ka ndodhur? Politika ka dalë jashtë loje. Mesazhet e mësipërme janë mëse të qarta. Kryeministri Sali Berisha, edhe pse thotë se emri i dytë i tij është kompromisi, nuk ka bërë për asnjë moment politikë. Pazare, vjedhje e dhunë po!

Gjithçka nisi me zgjedhjet e kontestuara të qershorit 2009 e më pas kulmoi me bashkëpunimin mes Metës e Berishës. Është e paktë që të thuhet se janë armiq politikë, se armiq politikë ka në çdo demokraci. Por ishte një bashkëpunim mes dy njerëzve që e kanë quajtur dhe kanë prezantuar njëri- tjetrin si mafiozë e vrasës. Por disa ligjësi në demokraci nuk bien kurrë. Asnjë betejë për votën nuk është humbur e po ashtu asnjë koalicion pazaresh nuk ka rezistuar.

Ekonomia

Pak më sipër vendit ku u bë demonstrata e 21 janarit ndodhet Hotel Dajti. Nuk ka lidhje të drejtpërdrejtë me demonstratën, por indirekte po. Të gjithë e mbajmë mend kur ai iu shit Bankës së Shqipërisë, e cila nxori 30 mln dollarë nga arka, ia dha qeverisë së mbetur pa qindarkë dhe tha se do bëjë zyrat aty. Në të vërtetë rikonstruksioni i Bankës po mbaron por tek Hotel Dajti nuk ka lëvizur asgjë.

Po ashtu para pak ditësh një agjenci kineze (pak e habitshme) raportonte se Berisha po u bën presione kompanive të telefonisë celulare e bankave për të ulur çmimet. Sipas agjencisë kineze, kjo bëhet në prag të fushatës së zgjedhjeve lokale të 8 majit. Berisha, shkruante “Xinhua” kërkon të marrë flamurin e mbrojtjes së konsumatorëve.

Edhe pse agjencia kineze të paktën hodhi një dyshim mbi një skandal të qeverisë, çka nuk e bëri asnjë media në Shqipëri, e vërteta ishte më ndryshe. Sërish, e mbetur pa para, qeveria kërkon të taksojë kompanitë e telefonisë e bankat, e jo për hir të konsumatorëve (kush e beson që rritja e taksave do ulë çmimet?!), por për të pasur ca para në arkën e shkretuar të shtetit.

Pasi po rrezikon edhe ekuilibrat makro-ekonomikë të Shqipërisë, siç ka paralajmëruar Komisioni Europian, asgjë nuk ka më rëndësi për këtë qeveri. Mirëpo gjithçka bëhet për ekonominë.

Është interesante të shohësh se si personat që u vranë në protestë kishin lidhje me emigracionin. Ishin të dështuar në emigrim e të dështuar në Shqipëri. As në ajër, as në tokë.

Ndërsa po u flisja prindërve të mi për rritjen galopante të çmimit të naftës, njëri prej tyre më tha se dy fqinjët po u kërkojnë që të paktën gjellën e tepruar të mos e derdhin, por t’ua japin atyre sepse nuk kanë bukë për të ngrënë. Madje edhe makaronat janë bërë të papërballueshme për ta.

Kurrë nuk do e kisha përmendur këtë detaj që gjithkush mund ta dëgjojë e hasë në jetën e tij, po të mos ishte struktura e këtyre familjeve që më bën të mendoj. Secila ka nga një fëmijë në emigracion, që pasi ka dërguar para për vite e vite në shtëpi, i ka ndërprerë ato për dy arsye: së pari sepse kërkojnë të vijojnë jetën e tyre normale në emigracion me familjet e tyre të reja; dhe së dyti sepse paratë që kanë dërguar kanë bërë vetëm një vrimë në ujë, kanë shkuar vetëm për bukë, ilaçe e në një pjesë të madhe për korrupsionin. Dhe ta mendosh se janë miliarda euro që kanë shkuar në këtë mënyrë, pa u investuar për të sjellë një të ardhme më të mirë. Më e shumta janë harxhuar në dyqane e diploma kioskash universitare.

E pra, gjithçka ka lidhje me ekonominë.

Institucionet

Pas demonstratës së 21 janarit, të gjithë sytë e veshët ishin nga Perëndimi, arbitri ynë i ndershëm. Deri më tani deklaratat kanë qenë pa ngjyrë, të njëjta me ato deklarata që e kanë çuar situatën në këtë pikë. Vetëm një njohës i mirë i çështjeve të Ballkanit nga Gjermania, diku kishte artikuluar se një skenar i mundshëm do ishte ndonjë dorëheqje në qeveri, për të vijuar më pas diskutimet politike për zgjedhjet. Më atë dorëheqje ai sigurisht nënkuptonte më së paku largimin e Ministrit të Brendshëm.

Por qëndrimi i Berishës ka qenë në ekstremin e imagjinuar nga çdokush. Në listën e sulmit ai ka përfshirë çdo institucion të këtij vendi. Tashmë rreziku është i dukshëm. Pasi ka nxjerrë jashtë loje politikën, ka shkatërruar ekonominë dhe nuk njeh asnjë institucion, ai është i qartë vetëm në diçka: që atij i duhet vetëm garda, policia e ushtria. Çfarë mund të presin shqiptarët kur kryeministri beson vetëm tek ato?

Gazetari: Gardisti më qëlloi me plumb

20:20 Politika

Apeli i bashkëfshatares së Berishës nga Viçidoli: Thirri mendjes sa nuk është vonë

19:19 Politika

Të hetohet si vepër penale me vete, hapja e zjarrit dhe dhuna mbi gazetarët për shkak të detyrës

17:51 Politika

Kryekulla e Ngujimit

17:24 Politika

Berisha: Nuk do e lejoj Ramën të më marrë zyrën. Nuk do zbatoj kurrë urdhrat e arrestit për gardistët

17:12 Politika

Topi: Bashkëpunim mes institucioneve për të hetuar 21 janarin. Institucionet e shtetit janë të paprekshëm

15:06 Politika

Rama: Vrasesit fshihen nën sqetullën e shtetit antidemokratik. Më 28 janar, demonstrim paqësor

14:30 Politika

Zabit Deda: "Shteti që më vrau vëllanë, të më presë të premten"

13:43 Politika

Gjykata e liron, kishte çadër, policia e arrestoi sikur kishte pistoletë në protestë

13:09 Politika

Berisha takon policët: Kryeministria nuk mund të merrej kurrë

12:53 Politika