Te fundit
Babai i Angelina Jolie uron pavarësinë e Kosovës
15 Mars 2011, 15:30Lifestyle
TEMA
Angelina Jolie në Prizren
Aktori Amerikan, Jon Voight, ylli i kinematografisë holivudiane, flet për bashkëpunimin e tij me aktorët shqiptarë, Jon dhe Jim Belushi.
Babai i aktores së mirënjohur Angelina Jolie, e cila ka ecur pikërisht në gjurmët e të atit, rrëfen si dhe uron pavarësinë e Kosovës si shteti më i ri i Evropës. “Jam i gëzuar për shqiptarët”, ka thënë aktori i njohur amerikan, Voight.
Voight: Aktori i njohur shqiptar Jon Belushi, i dha dritë kinematografisë botërore
Aktori i njohur amerikan Jon Voight ka dhënë shumë për filmin botëror, një jetë të tërë, sidomos kinematografisë së viteve ’70. Karriera e tij nis në mjuzikëllat e Broadway-t për të vazhduar në vitet ’60-të me serialet televizive, për të kaluar më pas me filmat e ekranit të madh dhe me rolet prej protagonisti.
Është aktori Jon Voight, babai i aktores tepër të njohur, bukuroshes Angelina Jolie, e cila ka ndjekur gjurmët e të atit duke iu kushtuar kinematografisë.
Për herë të parë, aktori Jon Voight prononcohet për një media shqiptare. Fituesi i çmimit “Oskar” në vitin 1978 si aktori më i mirë, për filmin “Duke u kthyer në shtëpi”, por edhe i çmimit “Golden Globe” e “Palma e Artë” në po të njëjtën kategori, rrëfen për “Presheva Jonë” bashkëpunimet e tij me aktorët shqiptarë.
“Unë kam pasur fatin të njihem, por edhe të interpretoj me aktorë shqiptarë, me të cilët kam aktruar në filmin e Tom Cruis ‘Mission impossible’ të vitit 1996. Jam i mendimit se shqiptarët janë aktorë të shkëlqyer. Mjafton që të përmend emrin e aktorit të ndjerë, të madhit Jon Belushi, i cili u nda nga ne kolegët dhe ju shqiptarët në marsin e vitit 1982, pastaj vëllanë e tij James Belushin, i cili vazhdon të jetë një aktor i suksesshëm”, tregon aktori Jon Voight.
“E di se ju shqiptarët keni humbur një aktor të jashtëzakonshëm, por ne kemi humbur një koleg dhe mik të madh. Por kjo nuk do të thotë se me të marrin fund aktorët e suksesshëm shqiptarë. Sot Shqipëria e Kosova ka shumë Belusha të tjerë”, shton babai i aktores holivudiane Angelina Jolie.
Aktori i njohur amerikan Jon Voight duket i thjeshtë në komunikim, duke e bërë bisedën më të ngrohtë e më interesante. Sigurisht që i njeh shqiptarët, Shqipërinë e Kosovën, për shkak të aktorëve të njohur, kolegë të tij, James e Jon Belushi, por edhe për shkak të luftës së madhe të shqiptarëve të Kosovës për pavarësi.
“Unë i njoh shumë mirë shqiptarët. E kush nuk i njeh shqiptarët, kush nuk e di se ku ndodhet Kosova? E di mirë dhe e njoh luftën e shqiptarëve liridashës për ta parë Kosovën të pavarur… Kosova sot ka fituar statusin të cilin e ka merituar. Jam i gëzuar kur sot në Kosovë shqiptarët dhe mbarë qytetarët e saj jetojnë në paqe dhe liri. I përgëzoj ata dhe uroj nga zemra pavarësinë e shtetit më të ri në Evropë”, thotë i qeshur ai, duke i ofruar gazetarit të NOA-s një foto të bijë së tij, Angelina Jolie, e cila e kishte bërë kohë më parë në Prizrenin tonë të bukur.
Jon Voight, një yll i kinematografisë botërore, aktor i njohur dhe i dashur
Jon Voight, ky aktor i suksesshëm në vitet ‘70, më pas do ta humbiste shkëlqimin e dikurshëm. I prezantuar në historinë e kinematografisë si një prej yjeve të para antikonformiste, u transformua më pas në një aktor pre e teprimeve të tij.
Të duket sikur në historinë e kinemasë ka dy Jon Voight: i pari është një nga ata aktorët e rrallë, të bukure të talentuar të gjeneratës së re të viteve ’70 në Amerikë dhe i dyti, gati i panjohur pas një heshtjeje nisi të shfaqet sërish, edhe pse më rrallë në filmat e fillimviteve ’90. Jon Voight është më shumë i njohur për publikun shqiptar me filmin “Kampioni”.
Emri i tij i vërtetë është Jonathan Vincent. Ai ka lindur më 29 dhjetor 1938. Është aktor, regjisor dhe producent i kinematografisë amerikane. Në vitin 1973 lidh kurorë për herë të dytë me Marcheline Bertrand, me të cilën ka edhe dy fëmijë që do të ndjekin gjurmët e tij në botën e kinemasë: James Haven dhe Angelina Jolie.
Për një periudhë të gjatë kohe, Voight nuk ka komunikuar me të bijën, Jolie, pasi ajo e fajësonte për tradhtitë jashtëmartesore dhe vuajtjet që i ka shkaktuar të ëmës./zëri/
2 komente në “Babai i Angelina Jolie uron pavarësinë e Kosovës”
Comments are closed.
Lini një Përgjigje
Më të lexuarat
24 oret e fundit
Javen e fundit
Blog Tema
filmin ” ANAKONDA” e ka qa fare ky VOIGHT
Angelina,
nese nuk ke provue piskavicat dhe suxhuket e Prizerenit ke humb kenaqesine me te madhe te jetes ?