Kosova, iluzioni i shtrenjtë i Serbisë

Institucionet e Republikës së Serbisë që nga paslufta kanë shpenzuar afro gjashtë miliardë euro në Kosovë, në përpjekje për të ruajtur praninë e tyre në mjediset e banuara kryesisht me serbë. Madje ata konsiderojnë se lidershipi serb i detyron qytetarët e vet që të paguajnë çmim të lartë për ruajtjen e mitit se “Kosova është Serbi”. “Absolutisht qëndron fakti se Beogradi zyrtar ndan mjete të mëdha për një territor në të cilin nuk ka kontroll, prej nga nuk mbledh të hyra tatimore dhe që nga viti 1999 është de fakto shtet tjetër. Për qytetarët e Serbisë është shumë shtrenjtë që të paguajnë gjysmë miliardi në vit për ruajtjen e iluzionit se Kosova do të jetë Serbi”, i ka thënë “Kohës Ditore” Dragan Popoviq, drejtor i Qendrës për Politika Praktike me seli në Beograd. Kjo qendër në baza ditore grumbullon të dhëna që kanë lidhje me investimet serbe në Kosovë. Sipas përllogaritjeve të fundit të publikuara në ueb faqen e kësaj organizate, Serbia nga viti 1999 ka harxhuar afro gjashtë miliardë euro për Kosovën, ani pse kishte humbur administrimin mbi këtë territor pas fushatës së dhunës së ushtruar kundër popullatës shqiptare që kishte detyruar NATO-n të ndërmerrte intervenimin e parë ushtarak për arsye humanitare dhe më pas OKB-në të vendoste një administratë të përkohshme.
Në vitin 2008, Kosova ka shpallur pavarësinë nga Serbia, duke u bazuar në planin e ish-presidentit finlandez, Marti Ahtisaari, i cili si ndërmjetësues kishte paraparë disa dispozita me të cilat Beogradi mund të investonte në komunat dhe lokalitetet me shumicë serbe në Kosovë. Mirëpo Serbia e kishte refuzuar këtë plan, duke minuar edhe pavarësinë e Kosovës, e cila ende ballafaqohet me sfidën e ekzistimit të strukturave paralele serbe brenda territorit të saj.
“Pjesa më e madhe e parave të Qeverisë së Serbisë shkon në të ashtuquajturat struktura paralele. Para së gjithash këto janë mjete të Ministrisë së Arsimit, Shëndetësisë, Punës dhe Mirëqenies Sociale dhe të ngjashme. Po ashtu mjete të konsiderueshme ndahen për pagat e punëtorëve të ndërmarrjeve publike të cilat nuk jetojnë dhe nuk punojnë në Kosovë, por në mënyrë fiktive paraqiten se janë të punësuar atje”, i ka deklaruar Popoviq për “Kohën Ditore”. Si njërin prej shembujve me eklatant ai veçon faktin se “Elektro-Ekonomia e Serbisë” ua paguan rrogat e rregullta punëtorëve që kanë punuar në termocentralin e Obiliqit dhe objektet e tjera të saj. Ndërsa si absurditet ai përmend pagesën e borxhit të jashtëm të Kosovës. “Pika më e madhe dhe më e veçantë është natyrisht pagesa e borxhit të jashtëm të Kosovës që shkon deri në 100 milionë euro në vit, të cilën Serbia e bën për arsye absurde, që ta mbajë fiksionin se Kosova është ende pjesë e Serbisë”, është shprehur Popoviq. Sipas tij, nuk është racionale që shteti që është para krizës së borxheve dhe në të cilin në tre vjetët e fundit 400 mijë njerëz kanë mbetur pa punë, të investojë shuma të mëdha parash në Kosovë, territor të cilin Beogradi nuk e kontrollon nga viti 1999.  “Veçanërisht është iracionale edhe fakti se nuk ekziston asnjë kontroll i shpenzimit të këtyre mjeteve, kështu që ka dyshime bazike se shuma të konsiderueshme shkojnë në xhepat privat të liderëve të serbëve të Kosovës”, ka konstatuar aktivisti serb.
Ndërkaq Sonja Biserko nga Komiteti i Helsinkit për të Drejtat e Njeriut ka theksuar se Serbia harxhon mjete të shumta në Kosovë për ruajtjen e institucioneve paralele, veçanërisht në veri. Sipas saj, pavarësisht që raportet ndërmjet Serbisë e Kosovës po relaksohen shkaku i presionit të BE-së, përsëri qëllimi i lidershipit serb mbetet shkëputja e veriut. “Udhërrëfyesi evropian për të dyja vendet parasheh bashkëpunimin e ndërsjellë. Por është fakt se prania e Beogradit në veri ende jep dëshmi të konsiderueshme për atë që tanimë nuk fshihet se qëllimi përfundimtar është ndarja e Kosovës”, ka thënë ajo. Biserko ka pohuar se ky skenar është kundërshtuar nga SHBA-ja dhe BE-ja, por edhe serbët në Kosovë sidomos ata që jetojnë në jug./kohaditore/

Policia e Kosovës raporton për qindra raste të dhunës së grave ndaj meshkujve

20:16 Rajoni

Në përleshje me policinë, plagosen edhe Kurti e Konjufca

17:59 Rajoni

Vetëvendosje bllokon hyrjen e Qeverisë

12:36 Rajoni

Azem Syla: Urdhërova vrasjen e Gecit gjatë luftës

10:55 Rajoni

Gani Geci akuzon Azem Sylën për atentat

12:38 Rajoni

Popullsia e Serbisë po ulet gjithmonë e më shumë... por ka një zgjidhje: gratë shqiptare

11:38 Rajoni

Kosova, e preferuara e britanikëve për ta vizituar

10:22 Rajoni

EULEX non-grata

13:34 Rajoni

Belgjikë dhe Suedi: Shqetësime për azilkërkuesit nga Serbia e Maqedonia

12:19 Rajoni

Vdekja e Bin Laden kthen vëmendjen tek Ratko Mlladiç

12:16 Rajoni