Ambasadori hollandez: Duhet President konsensual

Rikthim i situatës post-zgjedhore në vitin 2001 kur për të kompensuar problemet që kishte procesi zgjedhor me zbatimin e skemës së “Dushkut” u kërkua një president konsensual nga ndërkombëtarët. E njëjta tezë ka dalë në dritë tani pas zgjedhjeve të 8 majit, të cilat sipas vlerësimeve të huaja nuk i arritën standardet. Mandati i kryetarit të Bashkisë së Tiranës nuk është legjitim sipas opozitës dhe sipas kritikave të forta të ndërkombëtarëve për procesin që shoqëroi nxjerrjen e rezultatit. Në këtë pikë një nga diplomatët perëndimorë më aktivë në vend, ai hollandez  Van del Dool ka hedhur idenë që Presidenti të jetë jo politik. Deklarata vjen një ditë pas sulmeve që kryeministri Sali Berisha ndërmori ndaj presidentit aktual Bamir Topi dhe deklaratës së tij se nuk do të pranojë ndryshime kushtetuese për presidentin e ardhshëm.  Por diplomati i Hollandës ka kërkuar ashtu si dhe kolegët e tij të vendeve të tjera të BE-së e SHBA-së që palët të ulen në tryezë. Sipas  Van Den Dool tashmë që kapitulli për kryebashkiakun e Tiranës është i mbyllur, Sali Berisha dhe Edi Rama duhet të ulen në një tryezë për plotësimin e 12 kushteve të BE.  “Roli i ndërkombëtarëve në nxitjen e dialogut mes opozitës dhe mazhorancës është mbështetës. Unë di që vitin e kaluar nisi një tryezë mes partive politike, por që u la përgjysëm. Ne duam që kjo tryezë mes mazhorancës dhe opozitës të rifillojë sërish për 12 hapat e integrimit të BE. Raporti i ODIHR-it do të dalë në muajin shtator. Polarizimi politik ka bërë që të ngadalësohet integrimi në Bashkimin Europian”- tha Van Den Dool.

Ai flet për konsensus kur vjen fjala tek votimi i presidentit të ardhshëm. Nga rikthimi i opozitës në parlament në muajin shtator, ambasadori Van Den Dool thotë se pret nga dy partitë e mëdha që të ketë një konsensus për votimin e ligjeve, mes tyre edhe zgjedhjen e presidentit të Republikës në vitin 2012.  “Duhet që presidenti i ri të mos jetë një zgjedhje politike. Opinioni im është që presidenti të mos jetë politik. Zgjedhja e tij në vitin 2012 duhet të jetë me mazhoritet të madh dhe të përmbushë disa kritere”- tha Van Den Dool.

Ai sqaron dhe një herë se çdo gjë mbetet në dorën e shqiptarëve sepse roli i ndërkombëtarëve është mbështetës.  Përsa i takon ndryshimeve kushtetuese të paralajmëruara nga opozita, ambasadori i Hollandës në Tiranë kërkon që për këtë çështje duhet të vendosë një shumicë e madhe njerëzish.  Zgjedhja e kreut të shtetit sipas Kushtetutës bëhet me 84 vota në dy raundet e para dhe në të tretin me 71 vota, pra me mazhorancë të thjeshtë.

Tani edhe Apple ka më shumë para cash se qeveria amerikane

19:32 Politika

INTERVISTA/ Basha: Do zbatojmë ligjin për shembjen e Piramidës. Nuk do bëj spastrime politike

18:28 Politika

Grabiten dhe rrihen barbarisht dy turistë çekë në Dibër

17:57 Politika

Konfirmohet vdekja e 17-vjeçares kosovare në masakrën e Oslos

16:33 Politika

Ja cilat janë ndryshimet kushtetuese që kërkon PS

15:30 Politika

Vritet në pritë Sokol Doçi, i afërt me "te fortët" e PD

14:37 Politika

Manjani: Kërkesa e PS-së për koalicion me LSI-në, e shpifur. Ta kenë për nder të bëjnë koalicion me ne

13:52 Politika

Shkëlzeni shkon në Hollivud... (JA SKENARI)

13:20 Politika

FOTO LAJM: Viktimat e një djalli

12:49 Politika

Vlerësohet me mirënjohje konsulli grek Theodhoros Ikonomu

11:59 Politika