Te fundit
Java e katërt e grevës së urisë në Bulqizë
16 Gusht 2011, 11:42Sociale
TEMA
Nga Besar Likmeta, Balkan Insight
Një grup minatorësh kanë hyrë në javën e katërt të asaj që drejtuesit e sindikatave e quajnë një grevë urie në minierën e Bulqizës në veri të Shqipërisë.
Drejtuesit e sindikatave thanë se 10 nga 13 minatorët që kanë nisur një grevë urie 22 ditë më përpara janë zëvendësuar me 10 minatorë të tjerë.
Minatorët janë të pozicionuar 1.400 metra nën sipërfaqe në një nga galeritë e minierës.
Kur Balkan Insight vizitoi minierën javën e shkuar, një ambulancë ishte e pranishme, megjithatë na u refuzua aksesi në personelin e ambulancës për të pyetur në lidhje me shëndetin e minatorëve.
Miniera drejtohet nga një kompani e quajtur ACR, që është degë nën pronësi të plotë të kompanisë së minierave në Austri DCM DECOmetal.
Taft Koleci, kreu i Federatës Shqiptare të Bashkimit të Sindikatave, pretendon se drejtuesit e ACR dhe DCM DECOmetal nuk kanë treguar vullnet për të negociuar me minatorët grevistë.
Ai akuzon: Ata punojnë njësoj si mafia italiane. Sipas tij, kompania nuk ka përmbushur premtimet e bëra më përpara. “Ne i bëjmë thirrje kompanisë që të plotësojë kërkesat tona, ose të largohet,” shton Koleci.
Kontaktet mes drejtuesve të kompanisë dhe drejtuesve të sindikatës kanë dështuar në arritjen e një zgjidhje për pagesat.
Një takim në Tiranë të premten mes drejtuesve të DECOmetal dhe sindikatave nuk arriti një rezultat të dukshëm.
Drejtuesit e ACR thonë se janë të hapur për të plotësuar kërkesat e minatorëve grevistë, por akuzojnë drejtuesin e sindikatave, Koleci, se ka një axhendë të fshehtë.
Kompania thotë se ka ngritur padi ndaj Kolecit dhe kreut të Federatës së Sindikatave Shqiptare, duke i akuzuar ata për bastisjen e zyrave të tyre në Bulqizë në korrik.
Sindikatat i mohojnë këto akuza.
Ndërkohë, pronarët e minierës hedhin poshtë akuzat për menaxhim të dobët dhe insistojnë se pagat e investimet janë rritur që kur ata kanë marrë kontrollin mbi minierën në vitin 2007.
Në një intervistë të shpërndarë për median vendase më 7 gusht, një nga bashkëpronarët e DCM DECOmetal thotë se kompania i ka rritur pagat me 70 përqind në katër vitet e shkuara dhe ka investuar më shumë se 30 milion euro në Shqipëri, kryesisht në fabrikën e ferrokromit në qytetin industrial të Elbasanit.
Sipas ACR, minatorët në Bulqizë marrin një pagë mesatare prej 49.600 lekësh.
2 komente në “Java e katërt e grevës së urisë në Bulqizë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Personalisht , vleresoj heroizmin e minatoreve te Bulqizes qe po bejne nje sakrifice subleme…jo vetem per veten e tyre, por per te gjithe armaten e minatoreve dhe metalurgeve te vendit tone.
Po habitem dhe jam shume i indinjuar per qeverritaret tane duke filluar nga Kryeministri, ministri i ekonomise e me rradhe qe te pakten te mendojne se keta nuk jane as ”miza” dhe as skllever qe dergjen ne erresiren dhe lageshtirene plote te nentokes ku kjo nentoke permban te fshehur nen xhepat e saj ate thesar qe e shfrytezojne mafiozet e huaj , sebashku me eliten e mafies pushtetare te vendit tone.
Gjithashtu me cudit shume fakti , se perse kjo opozite nuk e kryen aspak funksionin e saj… te pakten disa prej deputeteve, te mos themi te gjithe , duhet te ishin solidarizuar fizikisht deri ne ngujim perbri ketyre HERONJVE. Ky duhet te ishte momenti me solidar ku opozita duhet te bente detyren e saj qe i takon!
Dhe pse ndodhemi larg Atdheut tone te dashur , por te masakrruar nga vjedhesit pushtetare, ne bijte e vendit tone solidarizohemi me vellezerit tane minatore dhe shprehemi me virtytin tone: kurajo vellezer , kurajo dhe vetem kurajo…. me mendje dhe me zemer jemi prane jush!
O kallo po ti se ke kuptuar o burre se opozita ka vdekur, e kur themi pastaj se keta shkerdhata kerkojne vota ncncncncnccn ore te ishte Saliu ne opozite do ta kishte shfrytezuar kete greve deri sa te kishte rrezuar qeverine, ndersa keta kane vdekur me te vertete o vlla, une nuk votoj me kurre per pederastet e PS, te pakten Saliu i mban njerezit e tij deri ne njefare menyre po keta si llogarisin fare njerezit o vlla as edhe nje fjale ncncncnccncn……….