Te fundit
Manipulimi i shifrave, qeveria e vendos vetë sa e ka borxhin
31 Tetor 2011, 13:52Politika
TEMA
Qeveria shqiptare e vendos vetë sa do jetë borxhi publik. Në një shkrim të publikuar nga e përditshmja Shqip, thuhet se qeveria e bën një gjë të tillë duke manipuluar vlerësimin për nivelin e PBB. Të gjithë jemi dëshmitarë se si kryeministri e cakton sipas humorit të tij se sa do jetë rritja ekonomike në vend. “Tavani ligjor i borxhit publik është përcaktuar me ligj në masën 60 për qind të PBB-së, por se sa është Prodhimi i Brendshëm Bruto përcaktohet nga vetë Ministria e Financave, dhe në të shkuarën ka raste të dokumentuara se llogaritë janë manipuluar për të fshehur të vërtetën. Në këtë pikë, tavani i borxhit publik në formën e tij aktuale rezulton një masë pothuajse e padobishme në mungesë të një institucioni të pavarur për matjen e PBB-së dhe kryerjen e llogarive që duhet të nxjerrin nëse qeveria e ka shkelur këtë limit apo jo, thonë ekspertët,” shkruan Gjergj Erebara tek e përditshmja Shqip.
“Në të shkuarën ka të dhëna tërësisht të dokumentuara se vlerësimi i PBB-së nga ana e Ministrisë së Financave është manipuluar nën presionin e kryeministrit. Kështu, në gusht 2009, qeveria miratoi vendimin nr 915, ku deklarohej se për vitin 2008 Shqipëria pati rritje ekonomike 8 për qind dhe PBB nominale prej 1,086 miliardë lekësh. Por nëse shikon dokumentin e Ministrisë së Financave me të njëjtin titull dhe të përditësuar në prill 2009, rritja ekonomike e vitit 2008 është 7.2 për qind, ndërsa PBB nominale është 1,090 miliardë lekë. Shkurt, ballafaqimi i dy dokumenteve vë në pah se ndërsa rritja ekonomike reale e vitit 2008 u shtua nga 7.2 për qind në 8 për qind, PBB nominale u ul nga 1090 miliardë lekë në 1,086 miliardë. I njëjti fenomen u përsërit edhe në shifrat e publikuara për Produktin e Brendshëm Bruto për vitin 2009. Ministria e Financave pati parashikuar rritje ekonomike 4.8 për qind dhe PBB nominale prej 1,174 miliardësh në prill, por në gusht e rishikoi, duke thënë se ekonomia pritej të rritej me 5.8 për qind, ndërsa PBB nominale pritej 1,176 miliardë.”
11 komente në “Manipulimi i shifrave, qeveria e vendos vetë sa e ka borxhin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Para disa javesh pati nje ide te disa njerezve te Zotit si Ben Blushi,Kastriot Islami dhe Andis Harasani qe ne kushtetute do te ishte e nevojshme vendosja e limitit te borxhit publik ne mase deri ne 60 % te PBB. Pati replika te ndryshme, mbaj mend ate te “plakut” te cilit ju pergjigja se qeveria edhe sikur ta kete borxhin publik 180%, ate do ta vendose ne mase 59,99999%.
Profecia si duket me doli.
“Lum” ajo qeveri qe do ta marre ate shtet pas Berishes.
Eshte koha qe te ngrihen padi te rrepta penale ndaj ketyre funksionareve qeveritare dhe bankare se keto masakra qe po ndodhin me parate e popullit asnje shtet ne bote, qofte edhe me kriminali, nuk ka patur guximin te luaj keshtu me financat shteterore sic luan Berisha, Bode dhe Fullani.
Eshte tmerr kur lexon lajme te tilla.
Claus,
Konfirmoj katersiperisht ato qe thua ti. Fatkeqesisht ty te doli fjala.
Une personalisht nuk kisha menduar se nje qeveri te genjeje keshtu sheshit. Claus, dje ne nje program te “phönix” ku u fol per krizen ekonomike, nje borsian gjerman me emrin Dick Müller ( autor librash per ekonomine )tha se, ai personalisht nuk beson se italia ka nje borxh prej vetem 1.800miljon Euro. Ai kishte mendimin se, kjo gje do vertetohet ne se ne Itali do behen se shpejti zgjedhjet paraprake ( ato te rregulltat duhet te behen ne 2013 ). Pra sic duket edhe Sala yne ka mesuar nga Berlusconi dhe qeveria greke e vitit 2001.
Claus, uroj ( bej shaka ) qe radhes tjeter te mos jesh me KASANDRA.
Pershendetje mik.
Nga ajo qeveri mund ti presesh te gjitha. Ata te genjejne sy me sy, o mik. Kujto zgjedhjet e fundit. Nuk e kane per gje te manipulojne, te genjejne, te mashtrojne, te vrasin dhe te shfaqen perseri si te mire dhe te ndershem.
Si nuk kane pranuar nje gabim, se faj jo e jo, ketu e 20 vjet?
Aq te ndershem jane valle?
Meqe shikon shpesh stacionin Phönix, e them me bindje se ai eshte nga me te miret persa i perket anes informative.Gjithashtu ne keto kohe ka marre nje revansh politikania nga partia e Gysi-it Sahra Wagenknecht. Dje ne Talk-Show-n e Günther Jauch-t kishte shkeqlyer me oratorine e saj. Por efekte te forta pati edhe ish-Kancelari Helmut Schmidt kur foli po ne Talk-Show po te Günther Jauch-t para dy javesh. Permbajtjet e tyre jane vetem mesim.
Ruaj ne memorie po nga Phönix fjalen ne Bundestag mbi borxhin e Gjermanise mbajtur ne vitin 1979 nga Franz Josef Schtrauß (politikan qe e adhuroj). Akoma e qeshura nuk me ka dale. Nje pjese te fjales se tij do ta sjell si koment tek Tema ne nje moment te caktuar.Pershendetje.
Claus,
Emisjonin e te djeles (30 tetor 2011) me Sara Wagenknecht dhe emisjonin para nje jave ( date 23 tetor 2011) me ish kanzelarin Helmut Schmidt i kam pare te dy live ne programin e Günter Jauch ne ARD.
Ke shume te drejte kur thua se permbajtjet e tyre jane vetem mesim. Claus, po te tregoj nje sekret te vogel. Une i shof keto programe live ne ARD dhe pastaj (ose ne phönix ose ARD) i shof perseri diten tjeter me laps dhe leter ne dore. Kopjoj pjeset interesant duke ndaluar videon dhe pasi kam bere shenimin ve videon perseri ne levizje. Claus, une kam nje problem te madh se nuk marr vesh nga ekonomia.Me qe ra fjale per Wagenknecht kjo vajze ka mesuar permendesh komplet Faustin e Gethes. Ne fakt eshte shume e majte dhe me sa di une ka edhe nje grade shkencore dhe bile ka shkruar nje liber ( nuk e di se per cfare ).Pershendetje.
lexon ne xhdo artikull qe borxhi eshte kaq perqind e pbb e plls pss etje etje cfare analistesh ekonomik ka kjo tema .nje pytje ju lutem sa eshte borxhi qe ka shqiperia sot ne euro ose ne dollare.
Albanian gov’t is over!
Duket qe ne foto qe po i bejne karshillek shqiptarve,jo ore jo nuk i genjen dot shqiptaret me o Sal,haroje se kan mbajtur syte nga ty 20 vite dhe moren QENIN E NGORDHUR….
Dy idiote sillen edhe si komike. Pika b…
ketij do ja veme emrin jo Sal Berisha por Hal Berisha
Krimi (jo loja) me shifrat e ekonomise eshte deshmia me sinjifikative e ketij shteti bandit si piramide e paster ne ekonomi.Jam e shqetesuar nese njerzit e kuptojne sa te rrezikuar jane (me zi se ne 1997-en )e nese po i marrin masat vetmbrojtese.Po ta kuptonin,do t’ja kishin mbyllur me kohe rubinetin krim-qeverisjes se
krim-ministrit.
Floket e lepire te Ridit akoma ne ngjyre te zeze, mundet edhe te bojatisura jane njelloj si floket e lepire te Sales tashme te thinjura.
Nje stil, nje humor, nje pamje njelloj zengjine te rinj qe edhe baben e vet mund te vrasin.