Ekspertët e videos Meta- Prifti shpjegojnë punën e tyre me Ajnshtajnin e Da Vinçin

-Ekspertët: Probabiliteti i ndërhyrjeve është i lartë, probabiliteti i gabimeve tona është zero absolute

Pas një seance të tejzgjatur me pyetje e përgjigjje mes palëve, si dhe oratorisë së pasur me një fjalor ku nuk mungoi as Leonardo da Vinci dhe as Ajnshtajni, Gjykata e Lartë vendosi ta mbyllë kapitullin e ekspertëve shqitarë, duke pranuar aktekspertizën e tyre dhe duke e administruar si provë në procesin ndaj ish-zv.kryeministrit Ilir Meta.

Kjo do të thotë se të hënën e ardhshme në orën 10, në seancën e radhës do të dëshmojë në gjykatë dëshmitari kryesor, ish-ministri i Ekonomisë Dritan Prifti, së bashku me tre shtetas të tjerë.

Me pranimin e ekspertizës shumë të diskutueshme shqiptare, Gjykata e Lartë rrëzoi edhe kërkesën e prokurorit Bujar Sheshi për riekspertim të videos, këtë radhë nga ekspertë të huaj nga vendet e BE-së.

Prokurori deklaroi se ekspertët i kanë mbështetur konkluzionet në probabilitet, dmth mundesi dhe jo në fakte shkencore.

Por më herët, ekspertët shqiptarë Pollo, Rrahmani dhe Beqiri iu përgjigjën pyetjeve të prokurorisë dhe avokatëve mbrojtës të Metës mbi disa paqartësi të tyre mbi aktekspertimin.

Pyetjes më delikate në këtë aktekspertizë, orën, nëse ishte apo jo objekti me të cilin ishte kryer regjsitrimi duke qenë se dëgjohen tik-taket e saj, ekspertët i mëshuan faktit se ekziston mundësia që mjeti regjistrues të ketë qenë një orë cfarëdo, por shtuan se nuk mjafton ky tik-tak për të përcaktuar nëse ishte orë apo jo.

E përkthyer me fjalë të thjeshta për publikun, edhe pse dëgjohet tik-taku i orës, videoja edhe është regjistruar edhe nuk është regjistruar nga një pajisje orë-regjistruese.

Prokurori argumentoi se ekspertët nuk i dhanë përgjigje pyetjes kryesore, nëse ka apo jo ndërhyrje në videon provë materiale dhe nëse po, ku konsistojnë ato, cka sipas tij, është tregues i qartë i dështimit të këtij ekspertimi.

Prokurori parashtroi se konkluzionet e ekspertëve janë teorike, të përgjithshme dhe të mbështetura në probabilitet, pa dhënë ndonjë fakt shkencor. Ai shtoi se nuk ka asnjë paragraf ku të thuhet se ka tjetërsim apo ndryshim të pamjes dhe të zërave të bashkëbisdeuesve.

Ekspertiza, me terma nga Da Vinci dhe Ajnshtajni

Përvec termave juridikë, seanca gjyqësore ishte e pasur me citime nga shkencat ekzakte dhe arti. Sipas ekspertëve, termi “probabiliteti i lartë” shpjegohet ashtu si edhe teoria e Albert Ajnshtajnit, që ka hedhur poshtë shumë të tjera.

Ndërsa gjeniu Leonardo da Vinci u përdor si argument për pyetjen se pse nuk ishte bërë i mundur procesi i filtrimit të zërit nga zhurmat.

Eksperti Ardian Pollo tha se filtrimi i zërit do të ndikonte në cilësinë e video-regjistrimit, sikurse një pikture të Da Vincit do t’i hiqeshin elementët dhe do t’i liheshin vetem sytë. Në këtë rast, sipas ekspertit, piktura do të humbiste bukurine dhe s’do të ishte më një kryevepër.

Megjithatë, pyetja më e bukur dhe me nënkuptim ishte ajo e relatorit të cështjes Ardian Dvorani, i cili ndoshta referuar frazës së ekspertëve kur shprehen se, probabiliteti i ndërhyrjeve është i lartë, i pyeti sa është probabiliteti shkencor i gabimit tuaj në këtë aktekspertizë nëse do i referoheshim termit “probabilitet”?

Dhe të tre ekspertët u përgjigjen vec e vec me përgjigjen: “probabiliteti i gabimit është zero absolute”, një përgjigje kjo që për herë të parë ishte e prerë dhe jo relative./TCH

Fullani dhe dy tropojanë po shpëtojnë Ilir Metën

20:41 Politika

Ambasadorja britanike: Drejtësia është në themel të vlerave të BE, pa të nuk ka integrim

19:58 Politika

Media si target i drejtësisë

19:56 Politika

Kontroll faktesh: Buxheti i 2012-ës, më keq se në 2005-ën?

18:48 Politika

Berisha: Pata një drekë të shijshme me kryeministrin norvegjez. I kërkova ndihmë për pyllëzimin

18:14 Politika

Gjykata e Lartë rrëzon prokurorinë për ekspertizë të re për video-skandalin, Meta drejt pafajësisë

17:25 Politika

Prokuroria shpall të dështuar ekspertët e Metës: Duhet ekspertizë zyrtare perëndimore!

17:00 Politika

Kërcënimi i ekstremit të djathtë mbi Europë

14:21 Politika

A ishte shpërthimi në Iran paralajmërimi i diçkaje më të madhe?

14:07 Politika

PS-PD arrijnë marrëveshje për reformën zgjedhore dhe parlamentare

14:00 Politika