Gjiknuri: PS është për korrektim të sistemit zgjedhor nga proporcional rajonal në kombëtar

Një ditë pas miratimit të Komisionit për Reformën Zgjedhore flet një nga anëtarët e kësaj strukture të re parlamentare deputeti socialist Damian Gjiknuri. Në një intervistë për ps.tv, Gjiknuri tregon pse nis puna për reformën zgjedhore më shumë se një vit e gjysmë para zgjedhjeve, si do të funksionojë ky komision, cilat janë çështjet që PS do kërkojë domosdoshmërisht të adresohen. Gjiknuri i jep përgjigje edhe pyetjes së çfarë qëndrimi do mbajë PS lidhur me sistemin zgjedhor duke deklaruar dëshirën e kësaj partie për korrektimin e proporcionalit nga rajonal në kombëtar.

Komisioni i ri për reformën zgjedhore është ngritur duhet thënë shumë herët para zgjedhjeve të pritshme, ndërkohë që jemi mësuar t’i shohim këto reforma vetëm 3 muaj para zgjedhjeve?

Ky është një sukses për reformën zgjedhore falë shumë rekomandimeve të ndërkombëtare. Në mënyrë që t’i lëmë kohë masave implementuase të paktën 1 vit para zgjedhjeve. Kemi një afat konkret që përkon me pranverën e vitit tjetër që ti lihet kohë një vit administratës në implementimin e reformës zgjedhore. Zgjidhja më e mirë që është bërë për këtë gjë.

Si do të funksionojë ky komision?

Komisioni i reformës zgjedhore në përgjithësi në praktikat e 15 viteve të fundit ka qenë një komision bipartizan, me pjesëmarrje në mënyrë të barabartë të dy partive të mëdha, duke synuar një vendimmarrje konsensuale, duke i dhënë partive kryesore një lloj të drejte pak më shumë se të tjerat në vendimmarrjen e komisionit. Por ne jemi treguar të kujdesshëm që edhe këtë element negativ, ose për shkak të kritikave që ka thithur për punën e vendimmarrjes së dy partive të mëdha ta zbusim duke u lënë hapësirë partive të tjera që të konsultohen e të jenë në korrent të reformës zgjedhore, pa të drejtë vote. Janë mbi 10-12 parti që do të konsultohen në mënyrë të përhershme për çdo vendimmarrje. Ata do të kenë aksesin e vazhdueshëm për reformën, do të jenë aty, por pa të drejtë vote. Por peshën kryesore për vendimmarrjen do ta kenë dy partitë e mëdha dhe partitë që janë pjesë e këtij komisioni për reformën zgjedhore.

Çfarë çështjesh do të adresojë reforma zgjedhore?

Probleme që janë identifikuar në mënyrë të posaçme në dy zgjedhjet e fundit, në vitin 2009 e 2011. Ka një brum të mjaftueshëm nga ku mund të fillohen amendimet e ndryshme të kuadrit ligjor për procesin zgjedhor, siç janë votimi familjar, votimi fiktiv, problemet me listat e zgjedhësve që janë pranuar dhe në rekomandimet e OSBE-ODIHR-it. Mbi të gjitha rekomandimet për përmirësimin e administratës zgjedhore, jo vetëm të Komisionit Qendror të Zgjedhjeve, por dhe në administratën lokale, pasi të gjithë e dimë se politizimi i saj dhe roli politik i KQZ minoi zgjedhjet dhe thithi kritikat e vëzhguesve ndërkombëtarë në këtë drejtim. Rekomandimet e tyre do të adresohen në mënyrë të tillë që të depolitizohet dhe të jetë larg kthetrave të politikës administrata zgjedhore. Pa u adresuar këto rekomandime s’do të kemi zgjedhje të lira e të ndershme.

A do të prekë kjo reformë sistemin zgjedhor dhe cili është qëndrimi i Partisë Socialiste për ndryshimin e mundshëm të sistemit zgjedhor?

Sistemi zgjedhor është debat i hapur, nuk ka rekomandime konkrete për standardet e sistemit zgjedhor, por mbetet një debat i hapur. Sistemi aktual ka probleme të mëdha, përsa i përket proporcionalitetit të votës. Një sistem zgjedhor duhet të synojë që vota e hedhur të jetë në proporcion me mandatin e prodhuar. Ka një deklaratë dhe nga ana e zoti Berisha, i cili tha se jam i hapur për të ndryshuar sistemin zgjedhor. Ne presim që ai ta bëjë realitet këtë premtim kur të vijë puna tek diskutimi për sistemin. Partia Socialiste është e hapur, janë shumë parti të vogla që kanë kërkuar këtë dhe kjo është pjesë e tryezës sonë që të dëgjojmë të gjitha pretendimet. Për ta thënë fare qartë, ne jemi të hapur që të diskutojmë mbi formën e korrektimit kombëtar duke ruajtur elementë të rëndësishëm të përfaqësimit rajonal, në një mënyrë që edhe partitë që kanë një lloj peshe në elektorat të ndihen të përfaqësuara.

PS fton qytetarët të aplikojnë online për kandidat për Avokat të Popullit

22:02 Politika

Erjon Braçe: Iliri s’mund të ketë një mundësi të dytë me PS-në

21:16 Politika

Unioni i Gjyqtarëve: Politika të mos na sulmojë, por të kujdeset për qeverisje më të mirë

21:00 Politika

Dogjën shtëpitë e romëve, gjykata: Janë të pafajshëm, nuk përdorën asnjë ‘fjalë apo shkrim’ racist

20:21 Politika

'Kurban' i Ramës zbret nesër në Durrës

20:10 Politika

Iliri kundër Metës

19:45 Politika

Ambasada amerikane: Udhëheqësit politikë të ruajnë këtë hov pozitiv

19:10 Politika

Fier, situatë e tensionuar mes simpatizantëve për kreun e Qarkut

17:33 Politika

Berisha heziton të sulmojë Leskajn, frikë se ia voton grupi

16:33 Politika

Rama i përgjigjet Berishës: Shqipëria do shpëtojë nga kënga e gjelit majë plehut

15:24 Politika