Te fundit
Mërgim Bajraktari, një tjetër talent shqiptar drejt Këlnit
27 Dhjetor 2011, 13:19Sport
TEMA
Klubi i 1. FC Këln, duket se ka në plan të kthehet një”strehë” për futbollistët e talentuar shqiptarë. Pasi ka afruar Odise Roshin gjatë merkatos së verës, skuadra që bën pjesë në Bundesligën 1, po mendon t’i japë shansin një tjetër talenti shqiptar, mesfushorit të kombëtares U-19 të Shqipërisë, Mërgim Bajraktari.
Sipas gazetës prestigjioze “Bild”, lojtari ka deklaruar për mediat shqiptare se do të jetë në provë te Këlni gjatë muajit janar dhe se shpresonte që gjithçka të shkonte mirë. Gazeta gjermane ka arritur të konfirmojë interesimin e klubit të Bundesligës për mesfushorin shqiptar nëpërmjet vetë drejtorit sportiv të klubit në fjalë, Volker Finke.
Mërgim Bajraktari, ndonëse vetëm 18 vjeçar, është nën vëzhgimin e shumë klubeve të tjera si në Gjermani (Fraiburg, Karlsruhe), Zvicër (Bazel, Grasshopers, Sant Galen) apo Itali (Lacio, Vareze). Futbollisti me origjinë kosovare, i cili është pjese ekipit të dytë të FC Thun, shpërtheu në arenën ndërkombëtare falë ndeshjeve të tij të shkëlqyera me kombëtaren U-19.
Në 3 ndeshjet e luajtura me përfaqësuesen, mesfushori realizoi një gol dhe dha një asist, duke treguar një cilësi të lartë loje dhe duke marrë vlerësimet e ekspertëve të futbollit. Pavarësisht moshës së tij të re, ai vlerësohej nga ish-trajner i përfaqësues Josip Kuzhe, si një nga futbollistët më të talentuar të këtij brezi. Për këtë arsye, pritet që ai së shpejti të aktivizohet edhe me kombëtaren U-21 të Shqipërisë. / lajme shqip
1 komente në “Mërgim Bajraktari, një tjetër talent shqiptar drejt Këlnit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
keni edhe lojtare te tjere edhe me te mire e me te forte qe nuk i kane thirr ne komtare.po shkon kush pagun ma shume.komplimenti.se ju interesojne vetem ata lojtare si dojne ata e jo talentet si jane neper skuadra edhe me te njoftuna qe lozin ne itali e vende te tjera.shpresojme qe do vine koha qe personeli e dirigjenca e federates do te zgjohen prej gjumit.Te mendojne per te miren e futbollit shqiptar. e jo me mushe xhepat me pare.pershendetje.