Vrasja e arkëtares, e njëjta armë qëlloi argjendarin

Arma me të cilën u vra dje arkëtarja e filialit të “NBG Bank”, Leonora Kaloçi, është përdorur edhe në vrasjen e argjendarit Rrapo Sinanaj, ngjarje e regjistruar në 21 tetor të vitit të shkuar në rrugën Ferit Xhajko në kryeqytet.

Ekspertiza balistike e plumbave të gjetur dje në vendin e krimit ka nxjerrë në pah faktin se është e njëjta armë me të cilën është vrarë 61-vjeçari 5 muaj më parë. Burime të sigurta policore bënë me dije se krahasimi balisitik ka nxjerrë të dhëna të sakta, çka hedh dyshime se autori është i njëjtë në të dyja ngjarjet që kanë shënuar dy viktima.

Burime policore thanë për “Ora News” se tashmë pista mbi të cilën po hetohet është përqëndruar në këtë fakt dhe po verifikohen shumë persona të dyshuar. Vetëm gjaatë orëve të fundit janë shoqëruar rreth 50 persona, shumica dëshmitarë, por edhe të dyshuar për këtë ngjarje.

Pistën për një autor në të dyja ngjarjet e përforcon edhe skema që është përdorur si në vrasjen e argjendarit, ashtu edhe në vrasjen e arkëtares. Hyrje e dhunshme në brendësi të objektit dhe hapja zjarr në momentin e parë që është refuzuar dhënia e parave. Policia nuk ka dhënë shumë detaje, por deklaroi se po punohet në disa drejtime operacionale duke ndërtuar edhe një identikit të autorit, i cili është parë nga roja që mbeti i plagosur.

Edhe vrasja e Rrapo Sinanit mbetet ende e pazbardhur dhe autori nuk është vënë në pranga, megjithëse u ndalua një shtetas nga Kosova, që më pas rezultoi i pafajshëm. Tashmë pista se bëhet fjalë për të njëjtin vrasës në të dyja rastet e grabitjeve është përforcuar nga elementi balistik që tregon se arma e përdorur në të dyja rastet është e njëjtë./ora-news

Topi viziton familjen Blloshmi: Krimet e komunizmit nuk duhen harruar

13:36 Politika

Zbardh financimet e gruas tënde, pastaj fol për autizmin

12:48 Politika

Moody’s: Shqipëria, në rrezik falimentimi

12:25 Politika

Berisha: 20 prilli, dita e Shqipërisë së pastër, dilni të gjithë të pastrojmë

12:04 Politika

Braçe: Kur vret kryeministri si kriminel, atëherë krimineli ndjen se ka të drejtë të vrasë

11:40 Politika

Gjinushi: Nuk mund të ketë zgjedhje me këtë qeveri

10:35 Politika

“Berisha do paguajë tetë vite qeverisje”

10:22 Politika

Shoqëruesi i Berishës, i kërkuar nga Interpol. Ali Evsen: S’jam në kërkim. S’kam nënshtetësi shqiptare

10:14 Politika

Vangjel Dule: Nuk ka në Greqi njësi administrative me emrin Çamëri

10:01 Politika

“Shtet mizerje, shiko si e masakruan” (VIDEO)

21:41 Politika