Serbët pushtojnë stacionet policore në veri të Mitrovicës, policia premton rikthimin

Grupet kriminale serbe, kanë shkatërruar kontejnerin e  Policisë së Kosovës, i vendosur në zonë e ‘Tre rrokaqiejve’ në veri të Mitrovicës, si pikë statike. Burime nga Mitrovica I thanë shtypit të Kosovës se ngjarja ka ndodhur rreth orës 13: 00. Grupet kriminale serbe fillimisht lëshuan alarmin në veri e më pastaj në këtë pikë statike të policisë u mblodhën rreth 200 serbë, të cilët demoluan në tërësi kontejnerin e vendosur sot. Dy policë të Kosovës, që ishin aty e patën të pamundur të parandalojnë turmën e madhe të serbëve.
Grupi prej 200 serbëve është udhëhequr nga Zharko Veselinoviq, vëllai i kapos së krimit të veriut të Kosovës, Zvonkos. Po ashtu këto burime theksojnë se kontejner, si pikë statike e Policisë së Kosovës, në atë vend iu ka penguar strukturave paralele serbe, për arsye se ishte i vendosur në mesë të Tre rrokaqiejve dhe objektit ku funksionon administrata e komunës paralele serbe dhe UNMIK-ut.
Kontejneri i Policisë së Kosovës, si pikë statike, në atë vend është vendosur me urdhër të ministrit të Punëve të Brendshme të Kosovës, Bajram Rexhepit. Një natë më parë në njërën nga tre rrokaqiejt në një sulm terrorist me eksplozive është vrarë Selver Haradinaj si dhe janë plagosur katër persona të tjerë.

Ministri i Punëve të Brendshëm, Bajram Rexhepi ka deklaruar se kjo çka ka ndodhur sot në veri është diçka që grupet kriminale serbe  të udhëhequr nga strukturat e MUP-it  kanë vazhduar ta bëjnë gjëra të tilla tash e shumë kohë.
“Policia është shumë këmbëngulëse dhe do të vazhdojë të tentojë që t’i bindë serbët e kësaj pjese se vendosja e rëndit dhe ligjit është në të mirë të gjithë qytetarëve”, ka deklaruar Ministri Rexhepi. Ai ka thënë se këtë do ta bëjnë në bashkëpunim me KFOR-in dhe EULEX-in.
Rexhepi po ashtu ka thënë se shpërthimi i së shtunës mbrëma ka qenë i kryer nga ndonjë profesionist dhe për këtë ka thënë se tash është duke i kryer hetimet departamenti kundër terrorizmit në kuadër të Policisë së Kosovës.
Ministri i brendshëm ka takuar në Mitrovicë drejtorin e policisë Shpend Maxhunin dhe shefin e AKI-së, Bashkim Smakaj.
Situata në veri të Mitrovicës tek zona e Tre rrokaqiejt është tensionuar shumë pas demolimit në orët e pasditës të kontejnerit, që ishte vendosur nga Policia e Kosovës si pikë statike. Janë parë edhe banorë shqiptarë, që për shkak të situatës së tensionuar kanë lëshuar pjesën veriore dhe janë shpërngulur në jugë të Mitrovicës. Këtë e kanë bërë kryesisht persona shumë të moshuar dhe të sëmurë,  kanë thënë banorë të tri ndërtesave për “Koha Ditore”.
Burimet pohojnë po ashtu se në thyerjen e kontejnerit të Policisë së Kosovës kanë marrë pjesë edhe tre serbë, banorë të ndërtesës S1, pra ndërtesa në të cilën një natë më parë u vra Selver Haradinja. Si më aktivi në këtë thyerje ka qenë serbi, që ka banesën në katin e parë, pikërisht  mbi banesën e Selver Haradinajt. Banorët kanë shtuar se janë parë duke hyrë në ndërtesë edhe serbë të maskuar.

Serbia pajtohet me vendimin e UNMIK-ut për zgjedhjet

12:38 Rajoni

Sërish grafite “Vdekje shqiptarëve” në Shkup

11:20 Rajoni

Veriu po vret

10:08 Rajoni

Daçiç: Nuk e sakrifikoj Kosovën për BE-në

16:36 Rajoni

Roberts: Të ndahet Kosova

16:07 Rajoni

Të nënshtruarit e pushtetit

15:59 Rajoni

Kokulur dhe për gjynah

10:33 Rajoni

Malazezët e kroatët insistojnë të hyjnë në Kushtetutë

10:32 Rajoni

“Ringjallet” pacientja pas 47 ditësh në komë

16:52 Rajoni

Thaçi: Kosova është një tregim suksesi në çdo drejtim

13:06 Rajoni