Te fundit
Siti fiton derbin e Mançesterit dhe merr kreun. Titulli një hap larg
30 Prill 2012, 23:25Sport
TEMA
Një gol me kokë i kapitenit Vinsent Kompani ka dërguar Mançester Sitin në kreun e kampionatit anglez të futbollit dhe ka vënë skuadrën e drejtuar nga Roberto Mançini në një pozicion të favorshëm për të fituar titullin kampion pas suksesit 1-0 ndaj Mançester Junajtid në stadiumin “Etihad”.
Ndeshja nuk kishte shumë ritëm por Siti arriti të merrte kryesimin në kohën shtesë të pjesës së parë. Kompani u tregua më i shkathët në lojën në ajër duke mundur Kris Smalling për të dërguar me kokë topin në rrjetë pas një goditje nga këndi të David Silvas.
Tensioni i lartë i kësaj sfide u përjetua edhe nga pankinat ku fillimisht Ferguson protestoi ashpër për një faull të Kompani ndaj Runit, e më pas u zu me Roberto Mançinin pas një ndërhyrje të De Jong ndaj Uellbek. U desh ndërhyrja e stafeve teknikë të dy skuadrave dhe e gjyqtarit të katërt që dy trajnerët të ndaheshin nga njëri-tjetri, ndërsa nuk kursyen fyerje të rënda.
Pavarësisht tentativave të Junajtid, situata nuk ndryshoi dhe Mançester Siti fitoi ndeshjen dhe kreun e kampionatit. Tashmë ekipi i Mançinit ka dy ndeshje që duhet të fitojë për të shpresuar që të sjellë në shtëpi titullin që i mungon prej sezonit 1967-68. /lajmeshqip
Situata
Mançester Siti: 83 pikë, diferenca e golave +61
Ndeshje të mbetura: Njukasëll-Mançester Siti (06/05), Mançester Siti-QPR (13/05)
Mançester Junajtid: 83 pikë, diferenca e golave +53
Ndeshje të mbetura: Mançester Junajtid-Suonsi (06/05), Sandërlend-Mançester Junajtid (13/05)
http://youtu.be/hUzZRH2HfVE
http://youtu.be/B7vjpuigg6M
Lini një Përgjigje
Më të lexuarat
24 oret e fundit
Javen e fundit
Blog Tema
