Pamundësia e familjarëve të Gërdecit për të ngritur padi, hapet rruga për t’iu drejtuar Kushtetueses

Tani Kushtetuesja do të shqyrtojë kërkesën e ardhur pas shqetësimit të familjarëve të viktimave të Gërdecit se nuk paguanin dot tarifën prej 3 përqind për ngritjen e padive. Një kërkesë e ngjashme është drejtuar dhe më parë në Kushtetuese nga një gjyqtar

Gjykata e Tiranës ka vendosur sot të pranojë kërkesën e qendrës Res Publica, për t’iu drejtuar Gjykatës Kushtetuese në çështjen Alhasa vs Ministri e Mbrojtjes, në lidhje me pagesën e taksës për ngritjen e padisë sipas ligjit. Në rastin konkret, paditësi Dilaver Alhasa, banor i Gërdecit, është në pamundësi pagese për detyrimin prej 3%, ndaj si ai, edhe familjarët e tjerë të viktimave të Gërdecit rrezikojnë që të mos kenë asnjë të drejtë për t’u dëgjuar nga gjykata nëse kjo e fundit nuk do të pranojë kërkesën për t’i përjashtuar ata nga detyrimi për të paguar taksën (tarifën) e ngritjes së padisë.

Kërkesa drejtuar Gjykatëses Enkela Bajo (Vlora) u bazua në parimin për të siguruar akses në drejtësi për të gjithë.

“Ky parim është i mbrojtur fuqimisht nga Konventa Europiane e të Drejtave të Njeriut dhe nga praktikat e Gjykatës Europiane për të Drejtat e Njeriut në Strasburg. Çështja bazë që është trajtuar nga kjo gjykatë është Kreuz kundër Polonisë, aplikimi nr. 28249/95, gjykim i datës 19-06-2001. Në këtë rast Gjykata konsideroi që autoritetet gjyqësore nuk kishin arritur të siguronin një baraspeshë të duhur ndërmjet, në njërën anë, interesit të Shtetit në mbledhjen e taksave gjyqësore dhe, në anën tjetër, interesit të kërkuesit në vendimin e pretendimit të tij përmes gjykatave. Pagesa e kërkuar ndaj aplikantit me veprimin e tij ishte e tepruar dhe rezultoi në pushimin e gjykimit mbi pretendimin e tij duke mos u dëgjuar nga një gjykatë, e cila, sipas mendimit të Gjykatës, ka dëmtuar thelbin e të drejtës së tij për akses në gjykatë. Vendimi i Gjykatses Enkela Bajo është në njëjtën linje me kërkesën e bërë disa ditë më parë nga gjyqtari Klodian Rado, i cili ju drejtua Gjykatës Kushtetuese me të njëjtin shqetësim,” thuhet në një njoftim të Res Publica.

Skandali me gërryerjen e lumenjve, “çamët” distancohen nga sekseri, republikanët thonë se do marrin masa

19:05 Sociale

Berisha përkujton Holokaustin: Hebrenjtë, racë fisnike. Kryeministri sulmon Iranin

18:49 Sociale

Media perëndimore kryqëzon vëllain azer të Berishës, ne u stërvitim trupat komando

17:54 Sociale

Meksi: Perandorëve u pëlqen që populli feston

10:49 Sociale

FOTO LAJM: “Çiljeta është opium për popullin”

19:11 Sociale

Ditë feste apo proteste? (VIDEO)

17:25 Sociale

1 maji, dita për të kujtuar

12:25 Sociale

Vetëm 143 mijë të papunë në Shqipëri?

11:29 Sociale

Hidhet nga ballkoni për t’i shpëtuar burrit, e rrahu barbarisht pse i kërkoi dhuratë për ditëlindje

10:22 Sociale

Ajo ka mbështetje politike...

18:22 Sociale