Swoboda: Duhet një president mbi palët. Edi Rama: Qeveria po minon integrimin

Kryetari i Partisë Socialiste Edi Rama zhvilloi një vizitë në kryeqytetin grek, ku mori pjesë në një ekspozitë arti me temë “Arti përmirëson të ardhmen” si dhe në forumin “Europa mes meje dhe teje”. Në ekspozitën e organizuar nga Bashkia e Athinës me mbështetjen e Ambasadës Austriake në Athine ku merrnin pjesë artistë të shquar grek, u paraqitën edhe disa piktura të Edi Ramës, Hannes Swoboda dhe Fate Velaj.

Gjatë forumit “Europa mes meje dhe teje”, referuesit Edi Rama, Hannes Swoboda – kryetar i grupit parlamentar socialist dhe demokrat në Parlamentin Europian si dhe Stavros Lambrinidis – ish ministri i jashtëm grek, vunë theksin tek roli i Bashkimit Europian për vendet si Shqipëria dhe Greqia si edhe nevojën imediate të Shqipërisë për të marrë sa më shpejt statusin e vendit kandidat.

“Qeveria dhe kryeministri nuk po i përgjigjen as kërkesës së natyrshme publike për ta pasur statusin e kandidatit në vjeshtë, as thirrjeve të Parlamentit Europian, as thirrjeve të Komisionit Europian, as thirrjeve të opozitës për t’i bërë ato reforma që janë përcaktuar si kusht. E gjëja që duhet të ndodhte duhet të ishte që klasa politike shqiptare pikërisht në 100 vjetor t’i jepte Shqipërisë mundësinë që të merrte statusin e kandidatit për Bashkimin Europian”, tha ndër të tjera kreu socialist gjatë takimit.

Ndërsa kryetar i grupit parlamentar socialist dhe demokrat në Parlamentin Europian Hannes Swoboda duke folur për zgjedhjen e Presidentit të ri theksoi se kjo është një çështje shumë e rëndësishme dhe se duhet një kandidat që të jetë mbi palët e që të ketë besimin e të dyja palëve politike.

“Unë mendoj se politikanët shqiptarë kanë nisur të bashkëpunojnë mbi çështje themelore të cilat po ashtu janë të domosdoshme për integrimin e vendit në Bashkimin Europian apo së paku për të nisur bisedimet. Unë mendoj se zgjedhja e Presidentit është një çështje shumë e rëndësishme sidomos në vende ku ende ka shumë dallime dhe ndarje, është shumë e rëndësishme për tu përpjekur për të shkuar bashkë në zgjedhjen e një kandidati i cili është mbi politikën dhe që ka besimin e të dyja palëve, të qeverisë dhe të opozitës.”

Swoboda nënvizoi gjithashtu se është shumë e rëndësishme që të bëhet një reformë e përbashkët zgjedhore në përputhje me standardet europiane.

“Në të gjitha zgjedhjet e përgjithshme në Shqipëri ka pasur probleme kështu që duhet të ishte bërë me kohë një reformë zgjedhore e cila të ishte gjerësisht e pranueshme në vend dhe gjithashtu në përputhje me standardet ndërkombëtarë europiane. Mesazhi nga Europa është shumë i qartë se pa pasur zgjedhje të ndershme, të lira, transparente dhe korrekte nuk do të jetë e mundur për Shqipërinë të vazhdojë me kërkesën e saj për të nisur bisedimet me Bashkimin Europian, ndaj unë mendoj se është shumë e rëndësishme të bëhet së bashku një reformë e përbashkët zgjedhore në përputhje me standardet europiane.”

Brokaj: Berisha ose do pranojë president konsensual, ose shkon në zgjedhje të parakoshme

16:57 Politika

Zgjedhja e Presidentit ribën PD-në e nesërme

16:48 Politika

Berisha para dy zgjedhjeve: President konsensual, ose mocion mosbesimi

16:39 Politika

PD: Skafo - deputetët socialistë me porosi direkte të mafias kërkojnë anulimin e ndalimit të skafeve

16:04 Politika

Kur qytetet moderne shkretohen

14:39 Politika

Presidenti Topi vizitë dy ditore në Kuvajt

14:33 Politika

Bode, kandidati përfundimtar i PD-së për president?

14:30 Politika

Takimi Patozi-Ruçi, Rama: 28 Nëntori pa status të ri në BE do qe TURP

14:24 Politika

Dështon takimi PD-PS. Ruçi propozon 4 pika, Patozi: Ps kërkon rrëzimin e qeverisë

14:20 Politika

Rona shkëlqen në Eurovizion, renditet e PESTA

21:53 Politika 2 komente