“Pa TVSH dhe KKRT të pavarur nuk ka mjedis ku media të jetë e lirë”

Përfaqësuesja e OSBE-së për Lirinë e Medias, Dunja Mijatoviç, në tre ditë qëndrimi në Tiranë ka përsëritur me forcë disa mesazhe, që përfaqësuesi i OSBE në Tiranë, Eugen Volfart, nuk i ka zënë ndonjëherë në gojë. Në fund të vizitës së saj në Shqipëri, Mijatoviç doli përpara mediave me një deklaratë për shtyp. Sërish shumë televizione kanë theksuar faktin se ajo po shprehet kundër dhënies së reklamave shtetërore vetëm për mediat pranë qeverisë. Por Mijatoviç ka përcjellë edhe mesazhe të tjera.

“Moszbatimi i plotë i ligjeve për median, presioni ekonomik, klientelizmi dhe partishmëria e pronarëve të mediave, si dhe kushtet e këqija të punës për gazetarët (shumica e të cilëve punojë pa kontratë), një transmetues publik dhe një rregullues transmetimesh të dobët e me vështirësi të mëdha financiare, si dhe fusha e parregulluar e transmetimeve dixhitale janë sfidat më të mëdha, veçanërisht për gazetarinë investiguese në Shqipëri,” tha Mijatoviç.

Sipas saj, nëse nuk ka një TVSH dhe KKRT të pavarur, nuk ka mjedis për media të lirë. “Pa një transmetues publik dhe një rregullues transmetimesh të pavarur politikisht dhe financiarisht do të jetë e pamundur të krijohet një mjedis kur media të jetë e lirë dhe e gjallë. Është nevoja të reformohet RTSH-ja, si dhe KKRT-ja, në mënyrë që ato të mbrohen nga ndikimi politik si dhe të sigurojnë financimin e tyre, veçanërisht tani kur Shqipëria po i drejtohet dixhitalizimit”, tha Mijatoviç.

Mijatoviç mirëpriti vendimin e kohëve të fundit për të hequr dënimin me burg për akuzat për shpifje nga Kodi Penal i Shqipërisë, si dhe gatishmërinë e shprehur të qeverisë për të shkuar akoma më tej e për ta depenalizuar plotësisht shpifjen së shpejti.

“Gjithashtu, ligji për të drejtën e informimit për dokumentet zyrtare duhet të zbatohet në mënyrë të plotë,” tha ajo.

Mijatoviç theksoi rëndësinë që ka interneti i hapur dhe e lavdëroi Shqipërinë që vazhdon ta mbajë të lirë mjedisin online.

Tragjedia e Himarës, një prej studenteve në koma drejt zgjimit

18:07 Politika

Dopingu, Erkand Qerimajt i hiqet titulli Kampion Europe dhe pezullohet 4 vjet

16:32 Politika

Shemsi Prençi fiton betejën në Prokurorinë e Përgjithshme kundër trafikut të kromit

16:27 Politika

Nano u bën thirrje deputetëve të PS: "Bëhuni dalëzotsa, më mbështesni për të garuar". Nesër raundi i tretë

14:51 Politika

Meta: Zaganjori ka gjetur konsensus të përgjithshëm, nuk tërhiqemi nga ai

14:21 Politika

Berisha: Kandidatura e Zaganjorit është konsensuale, ka mbështetje të gjerë politike dhe publike

13:43 Politika

Balla-Berishës: Sqaro lidhjet me Ali Evsen dhe Fazlliç. Topalli: Mos fol marrina. Rama ka fillu me këndu Zhak Brelin

13:01 Politika

Shqipëria në krizë? Ardian Fullani merr 45 mijë lekë në orë, ose 360 mijë lekë në ditë

12:14 Politika 1 koment

Erdhi Sanino...

11:43 Politika

Tavo: Do vazhdojmë të sakrifikohemi për hir të integrimit

11:36 Politika