Te fundit
"The Economist": Gërdeci, incidenti më i sikletshëm për Berishën. Rrëzoi sloganin e tij "Me duar të pastra"
14 Qershor 2012, 17:07Politika
TEMA
Vendimi i gjykatës së Tiranës për tragjedinë e Gërdecit nuk ka kaluar pa vëmendjen edhe të mediave ndërkombëtare. Njësia ekonomike e inteligjencës, pjesë e britanikes “The Economist”, në raportin e saj tre mujore analizon se vendimi i dhënë për të akuzuarit, jo vetëm që irritoi familjaret e viktimave, por mbi të gjitha i hodhi më shumë karburant skepticizmit të përhapur mbi pavarësinë e gjyqësorit, raporton Vizion Plus. Në këtë raport shpërthimi i Gërdecit është evidentuar si incidenti më i sikletshëm për qeverisjen e kryeministrit Berisha.
“Gjykata e Tiranës përfundoi një nga gjykimet më të ndjeshme në vitet e fundit, pak para përvjetorit të katërt te tragjedisë së Gërdecit, vendimi i cili është konsideruar i butë për shume individë. Prokuroria tha se ajo do të çojë çështjen në Gjykatën e Apelit. Dënimet për fajtorët e tragjedisë së Gërdecit indinjuan familjarët e viktimave, por nga ana tjetër dhe i shtoi karburant skepticizmit të përhapur në lidhje me pavarësinë e gjyqësorit. Gërdeci është incidenti më i sikletshëm për zotin Berisha”, shkruan prestigjiozia The Economist”.
Sipas “The Economist”, për sytë e shume njerëzve, kjo tragjedi ishte një kthese e fortë për zotimin e Berishës, i cili erdhi në pushtet me sloganin: “Me duar të pastra”, me qëllim për të luftuar korrupsionin.
“Pas incidentit të Gërdecit, zoti Berisha filloi një sulm mbi Prokurorinë e Përgjithshme duke hartuar ligjin për lustracionin, me qëllim për të larguar nga detyra ata që kishin shërbyer si prokurorë apo gjykatës gjatë epokës komuniste”, vijon “The Economist”.
Gjykata e Tiranës vendosi 18 vite burg për Ylli Pinarin, ish-drejtori i MEICO dhe po aq për Dritan Minxollin, administrator i fabrikës se demontimit ne Gërdec. Ndërkohe që për Mihal Delijorgjin, pronari i kompanisë “Albademil”, gjykata dha 10 vjet burg. Prokuroria kishte kërkuar burgim të përjetshëm për këta shtetas, ndërkohë që ka apeluar vendimin.
3 komente në ““The Economist”: Gërdeci, incidenti më i sikletshëm për Berishën. Rrëzoi sloganin e tij “Me duar të pastra””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shteti Anglez ka bërë mjaft per shqiperin tani i dime të gjitha.
Shume qenkan lodh keto gjykates.Po ti kesh gjyqtaret e gjykatave nga ato te plepave ne DR keto vendime japin.Nga roje ke dera ke fabrika e qumeshtit beje gjyqtar ne moshen 30 vjec,ose nga shtepiake me zor ka mbaruar te mesmen beje gjyqtare.Mjere ato te shkrete qe iken
Gerdici, Berisha dhe Rama!
Sikur te qe vetem Gerdeci, Berisha jo vetem qe nuk do te ishte ne pushtet, dhe per me teper me i fuqishem se ndonjehere tjeter ne Shqiperi gjate ketyre 20 vjeteve, por ai, Shkelzeni dhe Fatmir Mediu do te ishin ne burg dhe do te kisdhin kryer kater vitet e para te denimit. Por, ja doli Rama, shkoi ne vendngjarje, u tmerrua dhe pastaj duke u larguar i perkedheli lehte shpinen duke i nenkuptuar: “Mos ca bythen Z. Berishe. Me ke mua ketu!” Dhe aq deshi Berisha dhge familja e tij. Por jo vetem kaq, ndodhi edhe 21 Janari 2011. U vrane 4 njerez dhe bota mendoi se kaq e pati Berisha, por jo! Berisha u be me i forte se c’qe, u emertua “Burre Shteti” nga disa minj katakombesh, vodhi Bashkine e Tiranes me ndihmen e ambasadorve, dhe tani emeroi dhe presidentin mercenar. Tani, me thoni, cfare duhet te beje tjeter Berisha? Doni qe te djege perseri Shqiperine qe te marre ndonje dekorate, se edhe per kete e mbrojten Fatos Nano dhe te te tijte e Nanos.