Nikoliç: Me kënaqësi do të merrja përsipër zgjidhjen e çështjes së Kosovës

Presidenti i Serbisë, Tomislav Nikoliç, ka deklaruar se nga publiku është fshehur një pjesë e marrëveshjeve me Prishtinën në Bruksel, dhe se me këto “zgjidhje në dukje të parrezikshme”, Beogradi vetë “po e çon Kosovën ka pavarësia”.

“Është fshehur për shembull se në tavolinë para shqiptarëve mund të qëndrojë vetëm tabela me Kosovën me yll, por pa fusnotë. Pastaj se serbët në veri të Kosovës nuk duhet të marrin tabela të regjistrimit, por kusht për këtë është që të nënshkruhen si shtetas të Kosovës”, ka thënë ndër të tjera Nikolic në një intervistë për Veçernje Novostin.

Ai ka bërë pyetjen se ç’do të bëhet kur të flitet për statusin, ndërkohë që ekzistojnë një mori dokumentesh, sipas të cilave, Kosova praktikisht është shtet.

Presidenti i ri serb, në një intervistë për Veçernje Novostin, ka thënë se pas formimit të Qeverisë do të mbledhë të gjithë figurat e rëndësishme për të gjetur një platformë për dialogun për Kosovën, si dhe do të insistojë që në “bisedimet politike për Kosovën, përveç BE-së të përfshihet edhe OKB-ja”.

Ai ka thënë se Kosova nuk është problem i vetëm një njeriu dhe për këtë arsye kërkon konsensus.

“Me kënaqësi do ta merrja këtë përgjegjësi historike (për zgjidhjen e çështjes së Kosovës)”, ka thënë Nikolic, duke thënë se pas arritjes së paltformës së përbashkët mund të shkohet në biseidme.

Ai ka vlerësuar se arma më e fuqishme e Serbisë është lufta për ruajtjen e integritetit territorial dhe se nuk do të lejojë që shteti i Kosovës të bëhet anëtar i OKB-së.

“Nëse për këtë e bindim edhe Prishtinën edhe bashkësinë ndërkombëtare, e në veçanti ata që na bëjnë presion, atëherë bisedimet do të shkojnë më lehtë. Jam i gatshëm që të bëjë propozime siç është statusi i gjermanëvee në Belgjikë”, ka thënë Nikoliç, i pyetur nëse ka ndonjë plan konkret për Kosovën.

Nikoliç ka vlerësuar se po qe se Kosova bëhet kusht i Serbisë për hyrje në BE, atëherë e njëjta gjë duhet bërë edhe për pesë vendet e BE-së, që nuk e kanë njohur Kosovën.

“Nëse nuk del nga BE një anëtar që nuk e ka njohur Kosovën, atëherë duhet të pranohet edhe tjetri që nuk e ka njohur. Ky kusht joformalisht qarkullon në ajër, dhe në këtë këmbëngulin zyrtarët e shteteve që e kanë njohur Kosovën”, ka thënë ai, duke shtuar se për të Kosova është pjesë e Serbisë./REL

Thaçi dhe Cërvenkovski zyrtarizuan bashkëpunimin

21:31 Rajoni

Presidenti Rompuy nuk di si shqiptohet emri i presidentes Jahjaga (VIDEO)

17:50 Rajoni

Tito ka helmuar Stalinin?

13:06 Rajoni

Edhe ministri Bajram Rexhepi aksidentohet në "Rrugën e Kombit"

10:52 Rajoni

Koalicioni PDK-AAK, në shtator

10:36 Rajoni

Ramush Haradinaj kthehet në Kosovë

17:15 Rajoni

Maqedonia nis ndërtimin e katër kullave 42- katëshe

10:50 Rajoni

Në veri të Kosovës operojnë 2000 agjentë të Serbisë

10:44 Rajoni

Vetëvendosje- turqve: Larg duart nga KEK-u

19:24 Rajoni

Barnat serbe të Hemofarm, vdekjeprurëse

19:21 Rajoni