Basketbollisti Ndoja, rekord të zi në ndeshjen me Zvicrën

Paraqitja e njërit prej basketbollistëve kryesorë të Kombëtares së Shqipërisë, Klaudio Ndoja, në ndeshjen me Zvicrën, e ka bërë të qesh kapitenin e Serbisë, Nenad Kërstic, ka raportuar të enjten sajti “blic.rs”. Shqipëria, të mërkurën mbrëma në Tiranë, u mposht nga Zvicra me rezultatin 76:51, në ndeshjen e parë eliminatore për “Eurobasket 2013”. Shqipëria ka pritur shumë nga Ndoja që bën karrierë në Itali. Por, shkodrani dështoi plotësisht. Ai shënoi vetëm dy pikë, nga po aq tentime nga gjuajtja e lirë. Nga loja nuk qëlloi asnjëherë. Pati plot 17 tentime. Dështoi të shënonte në tetë tentime për dy pikë dhe në plot nëntë tentime për tri pikë. Megjithë formën e dobët të Ndojës 27-vjeçar, përzgjedhësi Roland Avrami e la atë në parket më së gjati, plot 38 minuta. Durimi i Avramit e ka çuditur edhe Kërsticin, që aktualisht luan për CSKA Moskën, ndërsa më herët ka bërë karrierë edhe në NBA.

“Ndoja i Shqipërisë pati gjuajtje nga loja 0-17 për 38 minuta… Çfarë durimi i trajnerit”, ka shkruar Kërstic në rrjetin social “Twitter”, përcjell “blic.rs”.

Në ndeshjen me Zvicrën, Ndoja (198 cm) pati katër kërcime, një asistim e dy topa të rrëmbyer. Shqipëria luajti dobët dhe asnjëherë nuk rrezikoi fitoren e Zvicrës që u paraqit pa lojtarin më të mirë të saj, Thabo Sefolosha. Te Shqipëria lojtari më efikas ishte boshnjaku nga Mali i Zi, Ersid Luca që ndeshjen e mbylli me 12 pikë e shtatë kërcime. Luca që luan në pozitën e qendrës ka bërë karrierë në të gjitha skuadrat e forta kosovare, ndërsa ka luajtur më herët edhe për përfaqësuesen e Kosovës.

“Ndeshja ishte e fortë. Ne prisnim të fitojmë për shkak të përvojës së mëhershme me këtë përfaqësuese. Nuk ishim me fat, por shpresojmë që të përmirësohemi në ndeshjen e radhës”, ka thënë përzgjedhësi Avrami pas takimit.

Në të vërtetë Shqipëria vlerësohet ndër përfaqësueset më të dobëta në Evropë. Thuajse vazhdimisht përfundon e fundit në grup në eliminatore.

Klaudio Ndoja ka shtetësi të Shqipërisë e të Italisë. Njihet me nofkën “gladiatori”. Është kapiten i skuadrës italiane Enel Brindisi që u promovua në Serie A, pasi edicionin e kaluar fitoi plejofin e kategorisë së dytë.

Ferguson: Kam sulmin më të fortë në Europë

21:18 Sport

Van Persi, kontratë prej 100 milionë euro te Junaited

20:31 Sport

Telenovela Real-Modriç merr fund, kroati mbërrin në Madrid

13:15 Sport

Ebue sulmon Van Persin: Gomar holandez

13:01 Sport

Mesi-Barça, një kontratë të përjetshme

12:18 Sport

De Biasi në telashe: Nuk kam organizator

11:56 Sport

Ouen: Nuk i çoj fëmijët në stadium

10:43 Sport

Shqiptarëve të Zvicrës u kërkohet të këndojnë himnin zvicerian

16:56 Sport

Për fat, Mesi ka gjithmonë Ksavin në krah. Argjentinasi në gjendje të dehur (FOTO)

11:56 Sport

Riberi dhe Benzema do të gjykohen për marrëdhënie seksuale me minorenen

11:27 Sport