Dëm sistemit bankar, procedim disiplinor 5 gjyqtarëve

Ministria e Drejtësisë ka kërkuar procedim disiplinor për 5 gjyqtarë pasi akuzohen se kanë pezulluar ekzekutimin e kredive të këqija me pasojë dëmtimin e rëndë të sistemit bankar. Sipas një deklarate të Ministrisë së Drejtësisë, “5 gjyqtarët e gjykatave të shkallës së pare akuzohen për shkelje të rënda procedurale në çështjet civile”.

Sipas ministrisë, 1 gjyqtar ushtron veprimtarinë pranë Gjykatës së Rrethit Gjyqësor Tiranë, 3 gjyqtarë pranë Gjykatës së Rrethit Gjyqësor Durrës dhe 1 gjyqtar pranë Gjykatës së Rrethit Gjyqësor Mat.

Këto procedime bazohen në rezultatet e 2 inspektimeve të kryera nga Drejtoria e Përgjithshme të Çështjeve të Drejtësisëtë cilat janë zhvilluar për verifikimin e çështjeve gjyqësore me të paditur apo person të tretë Bankat e Nivelit të Dytë, ku gjyqtarët e proceduar kanë pezulluar ekzekutimin e kredive të këqija, me pasojë dëmtimin e rëndë të sistemit bankar. Sipas ministrisë shkeljet e ligjit të kryera nga gjyqtarët kanë favorizuar debitorët e bankave të nivelit të dytë.

Në deklaratën e saj, Ministria e Drejtësisë shprehet se mbetet e vendosur të vijojë veprimtarinë e saj inspektuese pranë gjykatave dhe agjencive ligjzbatuese me qëllim evidentimin e rasteve të devijimit të ligjit, rivendosjen e drejtësisë dhe parandalimin e shkeljeve të ligjit në të ardhmen.

“Në këtë mënyrë realizohet mbrojtja e dinjitetit, e të drejtave dhe lirive themelore të njeriut, mbrojtja e interesit publik, si dhe e interesave të ligjshëm të personave fizikë dhe juridikë. Ministria e Drejtësisë, falenderon ankuesit për bashkëpunimin e tyre nëpërmjet ankesave drejtuar asaj për çdo rast të devijimit të drejtësisë nga ana e sistemit të drejtësisë” përfundon deklarata e Ministrisë së Drejtësisë.

Krimi nuk ka të ndalur, vritet pronari i një marketi në Tiranë

23:35 Politika

Fushata për zgjedhjet e 2013-s, Rama mbledh në Korçë bashkëpunëtorët e afërt

21:28 Politika

Krimi godet sërish, dy vëllezër qëllohen për gjakmarrje në Shkodër

20:50 Politika

SHBA, shqiptari që tentoi Kongresin arrestohet për fajde

19:54 Politika

Malaj: Jemi të rrezikuar nga borxhet, Shqipëria mund të përfundojë si Greqia

16:59 Politika

Zeneli: Qeveria kërkon të shpikë marrëveshje për kufirin detar me Greqinë

16:35 Politika

Pashaj: Greqia nuk pranon marrëveshje tjetër për kufirin, përveç asaj të 2009-s

14:22 Politika

INTERVISTA/ Bugajski: E habitshme që shqiptarët kur votojnë, nuk nisen nga ekonomia

13:37 Politika

Tjetër vrasje në Fier, ekzekuton ish-vjehrrin, më pas vetëvritet

12:32 Politika

Vritet në qendër të Athinës emigranti shqiptar

12:20 Politika