Murinjo: Madrilenët duhet të vdesin në fushë

Zhoze Murinjo ka përfituar nga pauza për ndeshjet e kombëtareve për të shpjeguar situatën e Real Madrid dhe për të bërë një bilanc të punës së deritanishme. Ai ka filluar duke deklaruar se kishte mbështetjen e plotë të tifozëve të skuadrës,

“Ky është klubi më i mirë në botë për arsye të ndryshme. Historia e tij tregon që ka një diferencë të ndjeshme me të tjerët. Mendoj se madridizmi në përgjithësi më do. Ndoshta disa persona jo, por kjo është normale. Por ndjej se madrileni i vërtetë, ai që mban shallin në qafë edhe rrugëve të qytetit, më beson. Njerëzit vlerësojnë që kam dhënë maksimumin që në ditën e parë këtu”, tha Murinjo.

“Unë në historinë e klubit nuk jam askush, ose shumë i vogël, pasi kam fituar vetëm një kampionat dhe një kupë. Por unë e ndjej aq shumë këtë klub, edhe pse shpesh për arsye të personave të tjerë, konceptet e mia janë shfaqur në mënyrën e gabuar. Mendimi im është se një lojtar i Real Madrid duhet të vdesë në fushën e lojës”, tha tekniku portugez.

“Unë për vete nuk pranoj që ekipi im të luftojë për Ligën e Kampioneve dhe për këtë arsye të jetë 15 pikë larg kryesuesve të kampionatit. Nuk e konceptoj të dhuroj Kupën e Mbretit. Ekipi im i dëshiron të gjitha turnetë. Kjo është përgjegjësia e këtij grupi, është emblema e identitetit të tij”, tha ai duke iu referuar faktit se pret nga skuadra të luftojë për çdo trofe të mundshëm në këtë sezon.

Në fund, Murinjo i ka paralajmëruar të gjithë kritikët e tij që të mos kalojnë asnjëherë në sferën personale debatet rreth skuadrës.

“Kritikat sportive i pranoj. Një opinion i ndryshëm nga i imi është normal dhe e respektoj. Nëse hyjnë në sferën personale, kam vendosur bashkë me familjen time që do të kundërpërgjigjem apo do të përfundoj në gjyqe. Kam fëmijë dhe gruan të cilët vuajnë për gjëra të cilat në të vërtetë nuk duhet të ndodhin”, tha Murinjo.

Ndeshja në Shkup, tifozat serb rrihen me shqiptarët

16:48 Sport

Në stadium duhet të kesh gjithmonë kujdes nga topi (VIDEOT)

12:36 Sport

Kapiteni i Ishujve Faroe sulmon Ibrahimoviç: Desh më rrahu dhe fliste gjithë kohën sa para fitonte

11:30 Sport

Blatterin e "prek shumë" çështja e Kosovës

10:48 Sport

Kasano: Kam refuzuar 3 herë Juventusin

10:40 Sport

De Biasi i nervozuar: Shqipëria nuk ka as Mesi e as Iniesta

19:15 Sport

Blindohet Shkupi, frikë nga huliganët serb

17:50 Sport

Iniesta zbulon futbollistin ideal

17:25 Sport

Një libër me imazhet më të bukura të futbollit (FOTO)

13:07 Sport

Mesi: Kazijas është ndër më të mirët në botë

13:02 Sport