Reagon Komiteti i Helsinkit: Pengimi i grevës, shkelje flagrante e së drejtës kushtetuese

Komiteti Shqiptar i Helsinkit(KSHH) ka reaguar për të tretën herë lidhur me grevën e urisë që po zhvillojnë, prej 28 ditësh, një grup ish të përndjekurish politikë. KSHH, që ka premtuar ndihmë juridike për të përndjekurit, thotë se ky tubim po tentohet të shpërndahet me mjete të paligjshme.

“Si edhe më parë, ne vazhdojmë të bëjmë thirrje për dialog konstruktiv midis këtij grupi qytetarësh dhe qeverisë, sepse ky është mjeti më i përshtatshëm për mirëkuptimin midis tyre dhe zgjidhjen e kërkesave të ligjshme. Me keqardhje konstatojmë se Kryeministri dhe përfaqësues të organeve të ndryshme të shtetit jo vetëm janë pozicionuar, kategorikisht, kundër dialogut, por duke përdorur një gjuhë fyese dhe denigruese ndaj grevistëve, por edhe mjete e ndërhyrje të formave të ndryshme për të ndikuar në shpërndarjen e këtij tubimi, pa vullnetin e lirë të pjesëmarrësve, acarojnë situatën dhe përshkallëzojnë gjendjen, e cila është tashmë tepër e rënduar,” thuhet në deklaratën e KSH.

Sipas tyre, e drejta e tubimit është një nga liritë dhe të drejtat politike themelore të shtetasve dhe garantohet shprehimisht nga neni 47 i Kushtetutës.

“Si e tillë ajo është një mjet i rëndësishëm  që u mundëson qytetarëve të bëjnë prezent përpara shtetarëve të tyre, vërejtjet, kërkesat ose të protestojnë për zgjidhjet që u janë dhënë dhe që ata i konsiderojnë të padrejta ose të papërshtatshme. Nga ana tjetër dialogu me manifestuesit, protestuesit, dëgjimi i zërit të tyre dhe shqyrtimi i kërkesave është detyrim për shtetin demokratik, në radhë të parë për organet e qeverisjes, të cila janë mandatur për të qeverisur në emër të të gjithë shtetasve të tyre. Kur shtetasit tubohen e manifestojnë do të thotë se nuk u ka mbetur më mjet tjetër për të bërë publike dhe për të përcjellë shqetësimet e tyre jetësore tek organet e shtetit të tyre,” thekson deklarata.

KSH për më tepër thotë se vendimi i Gjykatës së Tiranës për shpërndarjen e grevës ka parregullsi të rënda.

“Jemi të mendimit se një dialog konstruktiv me grevistët mund të parandalonte dhe tentativat për flijim, që janë ndërmarrë nga disa grevistë, për të cilat KSHH gjen me vend të përsëritë se veprime të tilla të tejskajshme nuk duhen përdorur, sepse jeta është e shtrenjtë dhe shumë e vlefshme për cilindo.

KSHH, si i gjithë opinioni publik, u njoh me vendimin e Gjykatës së Rrethit Gjyqësor Tiranë, datë 17.10.2012, me anë të të cilit urdhërohej shpërndarja e grevës në fjalë. KSHH konstaton parregullsi të rënda procedurale dhe materiale në këtë vendim, prandaj, mbështetur në kërkesën e grevistëve, ka marrë përsipër të ofrojë shërbimin ligjor falas për mbrojtjen e të drejtave të tyre të cenuara nëpërmjet këtij vendimi absurd. Ne e përzgjodhëm mbështetjen tonë me ndihmë ligjore falas për këtë konflikt gjyqësor, sepse në themel të saj qëndron tentativa e organeve të administratës publike për të cenuar të drejtën kushtetuese dhe konventore të shtetasve për tubim e manifestim. E themi këtë edhe për faktin se nëpërmjet kërkesës së paraqitur, si dhe vendimit të nxjerrë nga gjykata, Policia e Shtetit ka kërkuar, në kundërshtim me sa i ngarkon Ligji “Për tubimet”, të transferojnë përgjegjësinë e vet tek pushteti gjyqësor dhe të kërkojë prej tij një vendim gjyqësor për të ruajtur rendin publik, detyrë kjo që i përket këtij organi ekzekutiv të shtetit dhe jo juridiksionit gjyqësor. Ne jemi të mendimit se precedentë të tillë janë të rrezikshëm dhe me pasoja të dëmshme për funksionimin e shtetit të së drejtës, dhe që duhet të mënjanohen”.

Perikli Shqevi: E vërteta e shtëpisë sime në Korfuz

11:11 Sociale

Myftiu i Tiranës: Norja ngre alibi për fenë, Medreseja nuk ka ndikuar keq tek Aishja

09:36 Sociale

BKTF: Të gjithë ne jemi fajtorë për vrasjen e Aishes. Të ndalojmë këto fenomene të frikshme

19:56 Sociale

Protestë në Kamëz kundër Bashkisë: Fëmijëve u kërkohet qendra e votimit e prindërve

19:02 Sociale

Greva e urisë, Volfarth: Demokracia kërkon dialog, duhet zgjidhur situata

14:20 Sociale

Skënder Tufa: Veprimet ndaj koordinatorëve, politike. Keqardhje për opozitën dhe shoqërinë civile

11:43 Sociale

Amnistia, nis greva e urisë nëpër burgje

10:15 Sociale

Named and shamed/ Ja drejtorët që lejuan Berishën të abuzojë me fëmijët e shkollave të tyre

12:56 Sociale

Ish-të përndjekurit: Do e vazhdojmë grevën në vend tjetër. Duam dialog ose do ketë kufoma

10:51 Sociale

Hapet në Durrës ekspozita me hartat shqiptare ndër shekuj

18:30 Sociale