Gazetaria e devijuar nga synimi i saj është shantazh - thotë Ombudsmani francez. Në ABC News

Dominique Baudis është Sekretar i Përgjithshëm i Shoqatës së Ombudsmanëve Frankofonë. Ndodhet në Tiranë këto ditë në kuadër të Konferencës Ndërkombëtare të Ombudsmanëve dhe Mediatorëve të Frankofonisë, organizuar nga Avokati i Popullit i Shqipërisë. Z.Baudis i diplomuar për studime politike ka qenë deputet, kryebashkiak i Tuluzës dhe anëtar i Parlamentit Europian. Ka një karrierë të mëparshme edhe në media, si gazetar, president i “Le Figaro” dhe president i Këshillit Vizual Francez. Postin e Mbrojtësit të të Drejtave (Ombudsmanit) në Francë e mban prej 2011-s.

Në një interviste televizive me gazetaren Sonila Meco në ABC News, ai prek edhe problemin e TV publik. Tha Baudis: “Problem është edhe si të arrihet të ruhet pavarësia në një televizion publik; që të mos jetë një televizion qeveritar, por një media publike që t’u përkasë të gjithëve dhe jo vetëm atyre që qeverisin, pra të ruajë një farë paanësie. Nuk duhet që një televizion publik të jetë nën urdhrat e qeverisë, siç nuk duhet që mediat private të jenë nën urdhrat e atyre që japin publicitete…”

Si mund të arrihet kjo në media publike e private? Baudis nuk e sheh zgjidhjen tek palë të tjera, por brenda vetë gazetarisë:

“Pavarësia është thelbësore për punën e gazetarit dhe për këtë duhet të kujdesen vetë gazetarët. Liria dhe përgjegjësia, cili duhet të jetë raporti? Sa më e madhe është liria, aq më e madhe është përgjegjësia. Unë e njoh botën e mediave në disa këndvështrime. Kam qenë gazetar dhe kam drejtuar Këshillin e Lartë Audio-Vizual, i cili shpërndan frekuencat për radiot dhe televizionet dhe mbikëqyr përmbajtjen e emisioneve. Ne jetojmë në vende ku shtypi është i lirë, prandaj duhet të kujdesemi që kjo liri të jetë reale, efektive dhe e garantuar. Liria e shtypit shoqërohet me përgjegjësi nga ana e vetë gazetarëve. Unë mendoj se i përket vetë këtij mjedisi profesional, vetë gazetarëve të përcaktojnë rregullat, deontologjinë, etikën e tyre, natyrisht që nuk duhet të jetë një pushtet tjetër që të kufizojë lirinë e gazetarëve. Duhet që gazetarët të organizojnë vetë disiplinën e profesionit të tyre, rregullat që duhen ndjekur në mënyrë që ky profesion të ruajë kredibilitetin tek qytetarët, të jetë një profesion i nderuar. Është e vërtetë se nëse gazetaria devijon nga synimi i saj, mund të transferohet në një mjet presioni, apo shantazhi”.

http://respublica.al/artikuj/2012/10/26/gazetaria-e-devijuar-nga-synimi-i-saj-eshte-shantazh-thote-ombudsmani-francez-ne

Leskaj: Një 100 vjetor i improvizuar është një akt i pafalshëm

17:51 Sociale

Rama në Maminas: Njerëzit këtu vazhdojnë ende të mbushin ujë me gomar

13:47 Sociale

Motra e presidentit amerikan: E di që shqiptarët e duan shumë Obamën

11:11 Sociale

Eshtrave të Isa Boletinit do u bëhet analiza e ADN-së

10:46 Sociale

Tregtarët-Ramës: Fuqia blerëse ka rënë në mënyrë dramatike

19:10 Sociale

FOTO REPORTAZH/ “Krenar që jam këtu duke u lutur për Zotin”

19:04 Sociale

Neonazistët e “Agimit të Artë” kundër mësimit të shqipes, kërcënojnë kryebashkiakun

11:26 Sociale

“Nuk dua të më vijnë për kafe, por as nuk hakmerrem ndaj tyre”

11:15 Sociale

Edi Rama: Do realizojmë hartën e rajonizimit të prodhimit bujqësor kur të vijmë në pushtet

20:49 Sociale

Të përndjekurit i shkruajnë Berishës: Të ulemi e të bisedojmë si qytetarë

18:07 Sociale