Te fundit
Dorëhiqet ministri i Financave, Bedri Hamza
14 Janar 2013, 12:49Rajoni
TEMA
Bedri Hamza ka dhënë dorëheqje nga pozita e ministrit të Financave. Kështu bëjnë të ditur burimet e gazetës “Zëri”, sipas të cilave, ekzekutivi i vendit tashmë e ka miratuar dorëheqjen e tij.
“Ministri i Financave, Bedri Hamza, ka dhënë dorëheqje nga posti. Gjatë kësaj jave pritet ta bëj publik këtë vendim. Edhe qeveria e ka pranuar dorëheqjen e ministrit”, ka deklaruar burimi.
Sipas këtij burimi, pas dorëheqjes nga posti i rëndësishëm në kuadër të Qeverisë, për Bedri Hamzën janë në dispozicion dy poste të larta institucionale. Ai pritet në emërohet përfaqësues i Kosovës në Fondin Monetar Ndërkombëtar në Uashington, ose guvernator i Bankës Qendrore të Kosovës(BQK), të cilën pozitë aktualisht është duke e ushtruar Gani Gërguri.
“Pas miratimit të buxhetit 2013 nga Kuvendi i Kosovës, Bedri Hamza e ka kryer punën kryesore që i takon në krye të Ministrisë së Financave, prandaj ka qenë i lirë të ofrojë dorëheqje”, ka sqaruar burimi.
Megjithatë, burimet e “Zërit” nuk kanë mundur të përmendin arsyet e vërteta të dorëheqjes së Bedri Hamzës nga njëra prej pozitave më të rëndësishme në kuadër të Qeverisë së Kosovës.
Gazeta “Zëri” gjatë ditës së diel disa herë ka tentuar ta kontaktoj ministrin Bedri Hamza nëpërmjet telefonit të tij, mirëpo një gjë e tillë nuk ka qenë e mundur, pasi që ai muaj më parë kishte bërë të ditur se ka hequr dorë nga mbajtja e telefonit personal.
Para se të zgjidhet ministër i Financave, Bedri Hamza, ka qenë zëvendësministër i Financave, në kohën kur në krye të kësaj Ministrie ishte Ahmet Shala.
2 komente në “Dorëhiqet ministri i Financave, Bedri Hamza”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ne artikull thuhet se Guvernator i Bankes Qendrore te Kosoves eshte Gani Gërguri.
Mos behet fjale per ate Gani Gërgurin qe therriste Arjan Cani ke emisioni “Zone e LIre” per te parashiku motin ?
Se po te jete ai, i bie qe edhe ai jetimi Ilir Meta qe therret tani ne emision, te zere vendin e Baba Likes ne LSI
Ne artikull thuhet se Guvernator i BQK eshte Gani Gërguri.
Mos eshte fjala per ate Gani Gërgurin qe parashikonte motin ke Zona e Lire e Arjan Canit ?
Po te jete ai, besoj se edhe Ilir Meta (jo baba likja i LSI-se) ai jetimi qe fton tani ne emision Arjan Cani, coc do te behet neser.