Prokuroria dorëzon kërkesën për ekstradimin e Arben Frrokut

Prokuroria ka dorëzuar kërkesën për ekstradimin e Arben Frrokut dhe Jak Jakut nga Greqia.

Bëhet me dije se Prokuroria e Krimeve të Rënda dhe ajo e Tiranës kanë dorëzuar dosjet në zyrën për marrëdhëniet me jashtë të Prokurorisë së Përgjithshme. Do të jetë kjo zyrë e cila brenda pak ditësh do të përpilojë dosjen për autoritetet greke. Në kërkesë do të jenë të renditura të gjitha provat, si dhe dyshimet që janë ngritur mbi Frrokun dhe Jakun. Ndërkohë që edhe masat e marra në Gjykatën e Krimeve të Rënda për biznesmenin Frroku dhe në Gjykatën e Tiranës për Jak Jakun, do të jenë pjesë e provave për ekstradimin.

Ndërsa Prokuroria e Përgjithshme pritet të dorëzojë brenda javës dosjen në Ministrinë e Drejtësisë dhe do të jetë kjo e fundit që do t’ia përcjellë autoriteteve greke në Selanik. Dosjet për dy të dyshuarit për vrasjen e komisar Dritan Lamajt, janë hartuar nga Prokuroria e Krimeve të Rënda dhe ajo e Tiranës. Frroku po hetohet për vrasjen e ish shefit të komisariatit numër 6 në Tiranë, ndërsa masa ndaj tij u mor nga Gjykata e Krimeve të Rënda në mungesë. Kurse hetimet për Jak Jakun dhe vëllain e tij Ndue Jakun, po i kryen Prokuroria e Tiranës dhe dy vëllezërit akuzohen për armëmbajtje pa leje dhe prodhim dhe shitje të lëndëve narkotike, pasi në shtëpinë e tyre në Domje të Tiranës u gjet një arsenal armësh dhe një sasi e konsiderueshme drogash.

Arben Frroku dhe Jak Jaku u arrestuan mëngjesin e 25 Shkurtit në Selanik të Greqisë dhe u lanë në burg për 40 ditë nga gjykata greke për armëmbajtje pa leje dhe posedim lëndësh narkotike. Ndërsa e gjithë kjo kohë do të shfrytëzohet nga autoritet shqiptare për ekstradimin e tyre dhe vënien para drejtësisë.

Abuzimi seksual nga “bamirësit” britanikë, minoreni kërkon dëmshpërblim

10:13 Kronika

Masakron me hunj fqinjen 88-vjeçare pse… pulat e saj i dëmtojnë të mbjellat

09:41 Kronika

Të rinjtë djegin foton e Gruevskit në Tiranë

21:33 Kronika

Arratiset nga spitali i burgut në Greqi, gjendet i vdekur emigranti shqiptar

15:01 Kronika

Tiranë, qëllohet me armë kryeplaku i fshati Domje, Agim Daçi

14:24 Kronika

Ministri i policisë, Saliu dhe turshitë

21:01 Kronika

Mirash Kolaj: 21- vjeçarja qëndronte me dëshirë tek unë

13:17 Kronika

Shpërthimi i tritolit në Gjirokastër rrezikoi jetën e dy policëve

11:22 Kronika

MJAFT reagon ndaj Halimit: Thashethemexhi kafenesh, ka gjunjëzuar drejtësinë!

18:47 Kronika

Mark Frroku: Dua t’u them atyre që janë në foto me Arbenin, se jeni nxituar kur e keni arrestuar

12:49 Kronika