Te fundit
Studimi, 1.685 futbollistë shqiptarë në klubet italiane
10 Prill 2013, 11:11Sport
TEMA
Futbolli italian po përballet gjithnjë e më shumë nga prezenca në rritje e fëmijëve të lindur nga prindër me kombësi të huaj. Kështu, në bazë të një studimi të bërë nga Federata Italiane e Futbollit, publikuar në të përditshmen prestigjioze “La Repubblica” të martën, shqiptarët mbajnë edhe numrin më të lartë të atyre që janë anëtarësuar në klube të ndryshme në kampionatin italian të futbollit përgjatë sezonit të shkuar 2011\2012.
Bëhet fjalë për 1.685 futbollistë shqiptarë të anëtarësuar në klubet italiane, një numër tejet i madh krahasuar me atë se komuniteti shqiptar nuk është ndër më të mëdhenjtë në numër në Itali, shkruan “Koha Ditore”.
Gjatë sezonit 2011\2012, sipas federatës italiane, janë bërë 9.434 anëtarësime, që i bie 23.2 për qind më shumë sesa në sezonin 2010\2011.
“Dhe teksa politika italiane prej disa vjetësh është në një ngërç institucional lidhur me mënyrën e dhënies së nënshtetësisë për të huajt, duket se futbolli nga ana tjetër po i kalon caqet, aq sa tani Pirlon, Buffonin apo De Rossin e ri po e kërkon edhe mes këtyre italianëve të rinj (fëmijët e lindur në Itali nga prindër të huaj v.j.). Një prej tyre mund të jetë edhe Elvis Kabashi, rritur dhe formuar në Itali, i cili vetëm pak kohë më parë nëpërmjet një letre dërguar Federatës Shqiptare të Futbollit refuzoi përfundimisht fanellën kuqezi. 19-vjeçari konsiderohet si ‘Marchisio i ri”‘te Juventusi, epitet të cilin ia ka vënë vetëm ky i fundit pas një interviste dhënë mediave italiane para pak muajsh. Këta futbollistë të së ardhmes vijnë nga 121 vende të botës, të udhëhequr nga Shqipëria, Maroku dhe Rumania. Po ashtu, një numër i madh të miturish që frekuentojnë fushat e futbollit vijnë nga Afrika, Amerika e Jugut dhe Azia”, thuhet në raport e Federatës Italiane të Futbollit.
Plot 12 shqiptarë në Serie A
Aktualisht janë 12 lojtarë shqiptarë që luajnë me ekipet e Serie A në Itali: Lorik Cana (Lazio), Edgar Çani (Catania), Migjen Basha (Torino), Samir Ujkani (Chievo), Shkodran Mustafi (Sampdoria), Përparim Hetemaj (Chievo), Thoma Strakosha (Lazio), Elvis Kabashi (Juventus), Blerim Xhemajli (Napoli), Valon Behrami (Napoli), Panajotis Kone (Bologna) dhe Sotir Nini (Parma).
6 komente në “Studimi, 1.685 futbollistë shqiptarë në klubet italiane”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
varferi lajmesh,keni munges te theksuar informacioni sportiv.punesoni nje njeri te hajrit dhe per ceshtjet sportive.jeta nuk eshte vetem politik!
Domethen qe ka 1685 gomere, qe do te ngelen te papune.
Kjo tregon qe klasa sociale e Shqiptareve ne Itali eshte e ulet dhe kerkojne mireqenjen jo nga Studimet Universitare , por nga topi!
ju lutem, hiqni dore nga te quajtur shqiptare te atyre qe veten nuk e quajne te tille. Berhami, Kone, Nini, Xhemaili, Hetemaj vetem shqiptare nuk jane.
C’jane keto lajme bombastike ? nuk eshte lajm ky .Ky eshte anti lajm.
Totila si tu duken ndeshjet e championsit dje?jep nje mendim per realin mos ishte e trukuar ndeshja dje se nuk ka mundesi ai kthim rezultati me pjes!?
Nuk e pashe dot ndeshjen . REALI e kishte mare kualifikimin ,por ne finale U.E.F.A do te nxjerre BAYERN -REAL .Shume i cuditshem mu duk kualifikimi i BORUSIAS ne fund te takimit .Por ne se flasim per shpirtin e PA- EPUR gjerman ,ketu nuk ka asnje cudi .Sidoqofte BORUSIA per cilindo ekip ne gjysem finae do te jete nje kafshate e lehte .Parakalimi i saj vitin e kaluar tregoi dhe njehere qe ishte aksidental . I madhi eshte i madh ,nuk ke c’ti thuash ,e kam fjalen per BAYERNIN ne advance .