Te fundit
Çelsi bëhet gati të largojë Torres
19 Maj 2013, 15:58Sport
TEMA
Çelsi është gati të pranojë një humbje të rëndë në bilanc prej 30 milion paund, për të larguar Fernando Torres nga radhët e klubit. Londinezët tashmë duan të heqin qafe lojtarin që blenë për 50 milion paund, edhe pse ky ishte sezoni më i mirë i tij te Çelsi, me 22 gola të shënuar.
Por sulmuesi spanjoll nuk ka qenë në formën e tij më të mirë në kampionat, ku ka shënuar vetëm 7 gola, i fundit në dhjetor ndaj Aston Vilës. Kjo është arsyeja pse Çelsi shpreson që ndeshja e sotme ndaj Evertonit të jetë e fundit për lojtarin spanjoll.
Po të merret totali i paraqitjeve të tij që nga janari i vitit 2011 kur u ble nga Liverpuli për 50 milion paund, Torres ka qenë absolutisht zhgënjyes, me vetëm 34 gola në 130 ndeshje, shumë pak për atë që pritej nga një lojtar i tillë.
Kjo çon shpenzimin e Çelsit në thuajse 2 milion paund për çdo gol të shënuar, nëse shifrës së blerjes së tij i shtohen edhe 22 milion paund të përfituara si rrogë.
Ndaj mendohet se Zhoze Murinjo ka bërë të qartë se lojtari duhet larguar sa më parë që të jetë e mundur, pasi me paratë e shitjes së tij, do të tentohet të blihet Edinson Kavani dhe Andre Shurle. Tashmë drejtuesit e Çelsit janë të ndërgjegjshëm se nuk do të përfitojnë më shumë se 20 milion paund për lojtarin dhe janë gati të pranojnë humbjen e 30 milion paund vetëm për shkak të kësaj lëvizje krejtësisht të gabuar që bënë në merkato dy vite e gjysmë më parë.
2 komente në “Çelsi bëhet gati të largojë Torres”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
murinjo do e shpori gjith racen spanjolle qe eshte te chelsea se e di fort mire se ca lloj intrigantesh jane.do ndertoj nje ekip te forte fiziisht dhe do na kujtoj chelsen e viteve te arta.
po ,po ,ka dhene urdher murinjo qe te largohet torresi sepse eshte spanjoll ,sepse spanjollet ja ngriten petkat murinjos . murinjo keshtu po e fillon ne menyren me te mire te mundeshme por murinjo duhet te mos harroje qe te mare dhe garbaget ( pepe,albiol kaentrao ronaldo me co ) ,sepse i duhen se ata do tja mbeshtetin deri ne rreze murinjos .