Doktori fton Elhaidën për mitingun përmbyllës

Sapo mori vesh që Elhaida Dani fitoi “The Voice of Italy”, Doktori kërkoi menjëherë telefonin e saj. Thirri si fillim Sandrin.

-Duhesh me ma gjetë këtë Elhaidën, tha, se dua me e përgëzue. Pyet pak aty në televizion se ka qenë në festival tek ju.

-Jo, nuk ka qenë tek ne Doktor. Ka fitu tek ai festivali i Top Channel. Po nejse, po kërkoj.

-Ashtu, thashë se ka qenë e jona, tha Doktori. Si me ja bë me e caktu që ai festivali i Top Channel është i yni.

-Nuk ke ça bën Doktor, po mos e përmend fare atë festival. Gjejmë ndonjë arsye tjetër.

-Ashtu…? Mirë. Po shiko Sandër më duhet me e gjetë diçka me e lidhë me ne.

-Po ja është nga Shkodra Doktor. Mjafton.

-Mirë, po pyes Jozefinën një herë, tha dhe e mbylli me Sandrin.

Mori Jozin në telefon.

-Jozi, duhet me e futë në PD atë vajzë. Ka nderu Shkodrën dhe gjithë Shqipërinë.

-Çfarë vajzet mor Doktor, boll vajza kena, njena ma budallaqe se tjetra.

-Shiko, e kam fjalën për këtë këngëtaren.

-Çfarë këngëtaret mor Doktor, se na u ka mbush partia me Qiljeta e Greta e kshtu çingijesh. Akoma do me na futë në lista a?

-Jozi, shiko, qetësohu! Nuk e du për PD-në, por duhet me thënë që është e PD-së.

-Kush asht kjo mor Doktor që nuk e njof?

-Është një këngëtare nga Shkodra që ka fitu në Itali. Duhet me e përshëndetë si e PD-së. Ka fitu dhe një festival këtu, por jo atë tonin, atë tjetrin të Topit.

-Keka si dhëndri im, tha Jozi. Po e pyes atë, ndoshta e njef. Veç për PD mos na e fut se kena boll këngëtare.

-Mirë, dakord, po kërkoj diku tjetër, tha Doktori.

E mbylli me Jozin dhe mori Myqeremin.

-Myqerem, dua me dekoru shkollën ku ka mbaru kjo Elhaida si arritje e tetë viteve të arsimit në demokraci, i tha Doktori.

-Pyeta Doktor, i tha Myqeremi, por ajo nuk paska fituar dot për kanto, i kanë thënë je e paaftë.

-Ashtu…? Nejse, gabim. Mirë, dakord, ashtu, mirë. Atëherë po shof diçka tjetër.

Thirri Flamurin.

-Dua me thirrë Elhaidën më 21 qershor në Tiranë, në mitingun përmbyllës me këndue për ne. Asht demokrate, asht prej Shkodre, nuk e don Jozefina, i plotëson krejt kushtet….

-Të pyes dhe një here këtë Gretën Doktor se i ngel qejfi kësaj po morëm ndonjë këngëtar pa pyetur…

-Flamur, shiko… Gretën e kena për Librazhd dhe Kukës, kjo na duhet për Tiranë se ka fitue në Itali…

-Dakord Doktor, thjesht kam hall se mërzitet Greta. Po e pyes një herë dhe të kthej përgjigje.

Flamuri mbledh sugjerime për mandatin e Doktorit

22:30 Antena

Përgatitjet e Laurës për të lexuar deklaratën e Berishës

23:03 Antena

Ngatërresat e Flamurit me SMS-të e Doktorit

17:59 Antena

Fahro, karshillëk Doktorit për listën e Elbasanit

20:03 Antena

Zeni interesohet për burgun privat të Halimit

20:13 Antena

Fevzo diskuton me Sandrin shkaqet e sherrit

19:55 Antena

Jari sqaron gazetarët për pikëpamjet e tij mbi fushatën

20:13 Antena

Flamuri, i mërzitur me Alketën

21:13 Antena

Baba Mondi i OSBE, axhendë neutrale për fushatën

22:02 Antena

Sondazh në CEZ për votuesit e PD dhe PS

20:05 Antena