Te fundit
Thaçi e Daçiç arrijnë "përparim konkret"
21 Qershor 2013, 11:54Rajoni
TEMA
Kosova dhe Serbia arrijnë marrëveshje të pjesshme për zbatimin e marrëveshjes së Brukselit, pas takimit që nisi të enjten mbrëma, ndërsa mbaroi në orët e para të së premtes.
Kryeministrat e dy vendeve Hashim Thaçi e Ivica Daçiç, zgjidhën detajet për disa çështje të hapura në fushën e drejtësisë, policisë dhe rreth zhvillimet të zgjedhjeve lokale në vjeshtë, raporton REL.
Mikpritësja e takimit, Përfaqësuesja e Lartë e Bashkimit Evropian për Politikë të Jashtme dhe Siguri, Catherine Ashton tha se në këto negociata është analizuar progresi i deritashëm dhe se ka “progres konkret” drejt normalizimit të raporteve.
“Është bërë punë e mirë dhe është arritur progres konkret. Kryeministrat sot shkuan tutje dhe u pajtuan për një varg çëshjesh të hapura, në veçanti në fushën e drejtësisë, policisë dhe zgjedhjeve të ardhshme komunale ”, tha Ashton.
Takimi është zhvilluar para takimit të liderëve të BE-së, i caktuar për javën e ardhshme më 28 qershor, për të vlerësuar nëse është arritur mjaft progres në pajtimin e palëve, në mënyrë që Serbia të merr datën e anëtarësimit në BE, dhe që Kosova të nis negociatat për paktin e stabilizimin asociimit.
“Në saje të takimit të Këshillit [të ministrave] dhe Këshillit Evropian javën e ardhshme, unë do të njoftoj vendet anëtare të BE-së për progresin dhe zbatimin e marrëveshjes”, ka thënë Ashton në një deklaratë që lëshoi pas takimit.
Darka e punës në Bruksel që nisi në orën nëntë të mbrëmjes të enjten, ka mbaruar rreth orës 3 pas mesnate./b.l
1 komente në “Thaçi e Daçiç arrijnë “përparim konkret””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Paguan BE, që dhjetë vite, disa bilionë në muaj për marrëveshje për ministrat nga Prishtina dhe Beogradi. Shiko fotografinë: sa të gëzuar që janë këta shokë të ngushtë për arritjen e qëllimeve të tyre.
Duhet të turpërohen qytetarët e Evropës për pagesën me taksat e tyre për luksin e ministrave tanë, në vend të mirëqenjes së kombeve tona!