Familjet kosovare strehojnë fëmijë serbë

Kanë kaluar tre vjet që kur është braktisur nga prindërit e tij biologjikë me nacionalitet serb. Pak javë pas lindjes, ai është kërkuar për strehim në një familje shqiptare, e cila ka vendosur të kujdeset deri në adaptimin e tij.

Trevjeçari A. po rritet bashkë me dy motra më të vogla se ai në moshë, njëra tremuajshe e njëra një muaj e gjysmë, që janë të nacionalitetit shqiptar, po ashtu sikurse ai, të braktisura.

A. i quan kryefamiljarët e familjes Hamdiu nga Zhegra e Gjilanit, Azizin dhe Alijen, nënë e baba.

Ky çift, i cili ka dy djem në moshë të rritur, që nga viti 2009-të merret me strehimin e fëmijëve të braktisur.

Janë nëntë fëmijë që kanë përfituar nga humaniteti i tyre dhe gjithsej 40 familje të tilla në gjithë Kosovën që po strehojnë fëmijët e braktisur.

Azizi tregon se nacionaliteti i djalit nuk i ka penguar as atij, as bashkëshortes dhe as djemve të tij.

“Ne që nga fillimi e kemi ditur që A. i përket nacionalitetit serb dhe kjo gjë nuk na ka penguar aspak. Ne nuk bëjmë asnjë lloj dallimi për fëmijët që i strehojmë, pa marrë parasysh se cilit nacionalitet i përket. Djali tash i ka tre vjet e gjysmë dhe ne jemi lidhur shumë me të”, tregon Azizi.

Këta prindër kosovarë çdo ditë e presin me ankth se kur do të dalë dikush të adaptojë djalin.

“Djali tash është rritur dhe është mësuar me neve dhe na don shumë, por edhe ne e duam shumë. A., djemtë e mi i thërret “abej” dhe është shumë i lidhur, që të dy djemtë e mi e duan shumë vogëlushin”.

Azizi ka qenë i lidhur me të gjithë fëmijët që ka pasur në shtëpinë e tij për strehim, tregojnë punëtorët socialë në komunën e Gjilanit.

Vetë Azizi e ka të vështirë të harrojë largimin e vajzës së parë nga shtëpia, që e kishin strehuar kur kishte tre javë dhe ishte larguar nga shtëpia për adoptim kur mbushi 11 muaj…/ZERI

“Bytyçët” mund të prishin marrëdhëniet SHBA– Serbi

11:00 Rajoni

FOTOT/ Kjo politikane seksi serbe do shkëlqejë në diplomaci

19:25 Rajoni

Ivanoviç: Të dielën në Mitrovicë mungonte vetëm aviacioni serb

18:29 Rajoni

Ramushi me babanë mbledhin vota në ‘odën’ e Hajredin Kuçit

18:13 Rajoni

Fyle: Serbia nuk mund ta bllokojë Kosovën në rrugën drejt BE

12:49 Rajoni

Pantiç e Ivanoviç shkojnë në balotazh për Mitrovicën veriore

10:48 Rajoni

Hoxhaj: Serbia nuk do të guxojë të përzihet më në Kosovë

18:41 Rajoni

Daçiç: Serbia nuk do të lërë kurrë veriun e Kosovës

18:32 Rajoni

Shefqet Krasniqi paralajmëron: Nuk ka marrë fund çështja e shamive

18:29 Rajoni

Fotografia e fundit e Isa Boletinit para se të vritej

18:26 Rajoni