I arratisuri i “Drenovës”/ Marashi: Jam dënuar padrejtësisht, kam bërë fushatë për PD-në në burg

Fran Marashi, njëri prej 7 të arratisurve nga burgu i sigurisë së lartë të Drenovës, tregon me detaje arratinë e tij.

I dënuari me burgim të përjetshëm për masakrën e Urës Vajgurore thotë se është “kryqëzuar” padrejtësisht nga drejtësia.

Ai rrëfen për GSH se ka pasur pistoletë në dorë, se ka kërcënuar policët e burgut, se në burg kanë qenë 5 pistoleta e 4 automatikë, duke përgënjeshtruar prokurorin, i cili kishte deklaruar në sallën e gjyqit se ishin vetëm 2 automatikë.

“Unë jam i ndërgjegjshëm që kam kryer krim. Por a janë të ndërgjegjshëm të gjithë ata që kanë kryer krime ndaj meje. Më kanë mbyllur në burg përjetë. Ma kanë marrë gjithë rininë, ma kanë shkatërruar jetën. Qëllimi i arratisjes ishte që zani em të dëgjohej, të shkonte në veshin e drejtësisë. Unë jam dënuar me burg përjetë për ngjarjen e Urës Vajgurore. Që në vitin 2006 kur jam ekstraduar, kam kërkuar që dosja ime të rihapej, të përballesha dhe unë me drejtësinë. Kërkesat e mia nuk janë marrë parasysh”, shprehet 35 vjeçari.

Se kush i ndihmoi të arratiseshin, ai tregon: “Ishim një grup të dënuarish, të pakënaqur nga vendimet e drejtësisë. Na janë mohuar të drejtat. Vendosëm të ikim. Pistoletën ma dha një bashkëvuajtës i imi. (Nuk jep emër). Dolëm deri në korridoret e burgut dhe kërcënuam rojet. U thamë ‘do t’ju vrasim’, se vetëm kështu mund të na lejonin të iknim. Nuk kam fyer asnjë prej tyre, nuk kam ofenduar dhe as nuk kam pas qëllim që të vras njeri. Mund të kisha vrarë gjithkënd, qoftë dhe rojet e burgut, se unë kisha armë në dorë. Por nuk e bana, sepse u arratisa në kërkim të një të drejte. Jo për të vrarë. Rrezikova jetën, pasi rojet e burgut edhe mund të më kishin qëllu dhe sot nuk do të isha gjallë”.

“Kur dolëm jashtë rrethimit jemi ndarë në tre drejtime. Unë kam ikur me Admir Tafilin dhe Gëzim Gurin. Jemi nisur në drejtim të Pogradecit, me një makinë. Ecëm sa mundëm dhe e braktisëm. Nuk dinim me siguri ku ishim. U futëm në një magazinë të braktisur ku dhe u arrestuam. Më besoni, nëse do doja të derdhja gjak, e të vrisja, mund ta kisha bërë me çdokënd, derisa të më mbaronin municionet. Por nuk jam një kriminel, jam babai i tre fëmijëve, që më kanë dënuar pa dëgjuar fjalën time. Pas arratisjes, unë mund të kisha ikur kudo. Mund të kisha kaluar kufirin për në Greqi, apo mund të kisha ikur në Maqedoni, qoftë dhe në këmbë. Por, jam nisur drejt Tiranës dhe doja të mbërrija sa më parë në Tiranë, të dilja në një studio televizive dhe të flisja për çdo gjë, të kërkoja publikisht të drejtën time. E përsëris, unë nuk jam kriminel. Ne u arratisëm, por as nuk fyem dhe as nuk prekëm kënd me dorë. Edhe kur njeni prej të burgosurve që ka qenë aty, që ishim duke dalë deshi me i ra, i thashë menjëherë të mos bante asgjë. Për këtë ka prova. Keni oficerin e rojes, Terpon, që ka qenë aty dhe të tjerë, që ne s’kemi tentu me vra njeri. Pyetni vetë policët se çfarë kam thanë. Jo se jam unë ma i mirë, por nuk ishte qëllimi ynë të derdhnim gjak. U arratisa për të tërhequr vëmendjen e opinionit publik dhe të gjykatës që më dënoi, për t’ju thanë se unë nuk jam kriminel. Për kry të fëmijëve, për këtë e kam bërë, nuk jam i penduar. Me kthy kohën mbrapsht e bëj prapë. U arratisa dhe do të arratisem sa herë të më jepet mundësia se po kalbem kot në burg. Është hera e tretë që tentoj të arratisem, se më kanë akuzuar kot, se më kanë dhanë dënim maksimal, ndërkohë që jam i pafajshëm për masakrën e Urës Vajgurore”.

Se si qëndron e vërteta e ngjarjes së Urës Vajgurore ai tregon: “Kam qenë minoren kur më përfshinë në atë ngjarje. Me pasë vra tërë ato njerëz, nuk kishte me jetu familja ime, me lëvizë lirshëm lart e poshtë. Ma kishin vra vëllanë, nusen, fëmijët, babën. Nuk ta fal kush gjakun në Shqipëri. Për kry të fëmijëve, s’kam qenë në ngjarjen e Urës Vajgurore ditën që ka ndodh ngjarja. Jam krejt i pafajshëm, mund t’a vërtetojnë, por s’dunë me punu. Unë sot jam prapa hekurave, pasi jam viktimë e politikës. Fatos Nano, Genc Pollo, Ylli Vejsiu e Skënder Gjinushi e dinë gjithë të vërtetën e asaj ngjarjeje. Presidenti i Republikës, Bujar Nishani, pati deklaruar se do ta rihapë dhe zbardhë dosjen e Urës Vajgurore. Është bë një masakër e unë jam i vetmi që qëndroj në burg. I vetmi që jam dënuar pa qenë përballë drejtësisë, pa u përballur me provat, faktet, me të vërtetën”, shprehet Marashi.

Ai thotë se është demokrat dhe ka bërë fushatë për PD-në në burg.

“Një gazetë që lexova, thotë se Sali Berisha i kërkoi shtetit dhe Edi Ramës të kapë vrasësit. Unë jam demokrat, e kam flamurin në qeli. Unë kam bë fushatë për PD-në në burg, tash na bëni socialistë”.

Arrestohet dhe i arratisuri i shtatë i burgut të Drenovës

10:09 Politika

Sot, të gjithë vlonjatë

23:23 Politika

Qeveria rrit pagat për mjekët e infermierët, pezullon dhënien me qira të tokave bujqësore

22:16 Politika

Vazhdon SKANDALI/ Kancelarja dhe sekretarja e gjykatës ndajnë zarfet me lekë për gjyqtarët (FOTO)

20:48 Politika

VIDEO/ Ristani flet në Kuvend në gjendje të dehur. Rama: Kjo s'është opozita, jeni më mirë se kaq

19:46 Politika

Kerry uron shqiptarët: Jemi pranë jush si partner i palëkundur. Mbështesim dhënien e statusit

18:20 Politika

Senati italian përjashton Silvio Berlusconi-n nga parlamenti

18:06 Politika

Tahiri- Berishës: Je bërë si mizë kali, ke 25 vjet që nuk e lë rehat këtë vend

15:06 Politika 1 koment

Shenasi Rama: PD, organizatë kriminale e pareformueshme

15:02 Politika

TemA TV/ Rama takon kryeministrin kinez: Prioritet bashkëpunimi në energji e transport (VIDEO)

14:45 Politika