“Çmendet” Alban Meha, gol nga kornia (VIDEO)

Super Alban Meha. Fantazisti i Kombëtares shqiptare ka qenë protagonist absolut në fitoren 4-2 të Paderbornit në fushën e Alenit në Bundesligën e Dytë gjermane: gol nga goditja e këndit, asist në rastin e golit të dytë, merr pjesë në golin e tretë dhe të avantazhit për ekipin e tij dhe në fund shënon sërish vetë, duke vulosur fitoren e Paderbornit, raporton “Panorama Sport”. Skuadra e mesfushorit shqiptar do të kalonte në avantazh në minutën e 12-të, pikërisht me “snajperin” kuqezi: kros në zonë për Paderbornin, portieri vendës tenton ta grushtojë topin, por i rrëshqet nga duart dhe përfundon te këmbët e Mehës, i cili gjuan direkt, duke shënuar.

Në fakt, avantazhi do të zgjaste vetëm 6 minuta, pasi Alen do të barazonte me anë të Klaus. Por Meha do të merrte ekipin në dorë. Si fillim provon me një goditje nga jashtë zone në minutën e 27-të, e cila u neutralizua nga portieri i Alen. Pas disa përpjekjesh, në minutën e 39-të mesfushori shqiptar do të dërgonte një top të shkëlqyer në zonë, i cili shfrytëzohet mjaft mirë nga Sane, dhe Paderborni sërish në avantazh. Mirëpo as ky avantazh nuk do të zgjaste shumë: tri minuta më vonë Gresh do të barazonte dhe ky do të ishte rezultati i pjesës së parë, me Mehën që i shpëtoi paq një ndërhyrjeje tepër të rrezikshme ndaj tij në minutën e 45-të.

Fraksioni i dytë i lojës do të niste sërish me Padebornin përpara dhe, natyrisht, me Alban Mehën protagonist. Minuta e 54-t, shqiptari krijon një korridor të shkëlqyer në të hyrë të zonës për Deme, i cili dërgon topin te Vurtc dhe ky i fundit e shtyn për në rrjetë, 2-3 për Paderbornin. Nuk mbaron me kaq. Në minutën e 65-të Meha provon nga një goditje dënimi prej 30 metrash, me topin që përfundon vetëm pak centimetra larg shtyllës së djathtë. Por në minutën e 72-të do të vinte dhe goli i fitores: Alban Meha do të merrte përsipër si gjithmonë goditjen e këndit në anën e majtë të fushës, por topi nuk shkoi thjesht në zonë. Falë edhe gafës së portierit Fejziç, i cili tentoi që ta grushtonte, topi i kalon mes duarve dhe përfundon direkt në rrjetë. Supergol nga goditja e këndit dhe një pasdite për t’u mbajtur mend nga mesfushori i përfaqësueses shqiptare. Në minutën e 90-të, 26-vjeçari do të dilte nga fusha për t’ia lënë vendin Vuçinoviçit.

Pas kësaj fitoreje Paderborni merr vendin e 8-të në klasifikim me pikë të barabarta (nga 23) me Sandauzenin. Ndërkohë për këtë sezon Meha ka shënuar katër gola: dopietë në takimin e djeshëm, një gol ndaj Sandauzenit në humbjen 3-2 dhe një ndaj FSV Frankfurtit në fitoren 4-2. Por kujtojmë që mesfushori ka nisur të luajë vetëm në fund të shtatorit, pasi pësoi një dëmtim të rëndë në gju që në maj, në takimet e fundit të sezonit të shkuar.

Besart Berisha premton: Kthehem në Europë dhe rifitoj Kombëtaren

15:06 Sport

FOTO LAJM/ Një ftesë publike në Old Trafford

19:35 Sport

Degjeneron sërish futbolli, tifozët kuksianë mbajnë peng për minuta të tëra arbitrin

15:32 Sport

Kombëtarja nga viti 2014 me uniformë të zezë

14:48 Sport

FSHF: Nuk kemi kërkuar mos-afrimin e lojtarëve nga Kosova

14:46 Sport

Shorti i “Brazil 2014”, grupe ferri për Spanjën, Italinë e Gjermaninë

18:22 Sport

Kapelo: Fati i Italisë në Botëror varet nga Rosi dhe Baloteli

16:00 Sport

Ja 15 mesfushorët më të mirë, sipas FIFA-s

15:57 Sport

De Biazi në hall, te Kombëtarja po luan vetëm mbrojtja

15:55 Sport

Mbërrin oferta për stadiumin e ri/ Kostoja totale e impiantit sportiv shkon në 130 milionë euro

15:36 Sport