Rama takon homologun italian/ Letta: Do lobojmë për statusin (VIDEO)

Kryeministri shqiptar, Edi Rama, takoi në Romë homologun e tij italian, Enrico Letta.

Të dy dolën në një konferencë të përbashkët për shtyp.

Letta deklaroi se Italia jo vetëm mbështet marrjen e statusit për Shqipërinë, por do lobojë tek shtetet që janë skeptike, që të mbështesin integrimin e Shqipërisë.

“Së pari, dua ta falënderoj kryeministrin Rama për praninë e tij këtu. Kjo është hera e dytë në Romë. E para ishte në periudhën kur kryeministri priste të bëhej edhe formalisht kryeministër dhe më pas u takuam në Nju Jork. Pra, kemi një marrëdhënie të konsoliduar, një marrëdhënie edhe personale dhe ne do vazhdojmë ta forcojmë atë në të ardhmen, jo vetëm këtu në Romë, por edhe në Tiranë, së shpejti.

I kushtuam vëmendje të madhe dhe arsyetuam për diskutimin që po bëhet në nivel evropian për statusin kandidat. Për ne nuk ka asnjë dyshim, për Italinë, se sot ekzistojnë kushtet që ne të kemi një rezultat pozitiv. Ne e kemi thënë dhe Shqipëria e di që ka mbështetjen tonë të plotë. Gjithashtu, vlerësuam së bashku format dhe mënyrat si të vazhdojmë punën në ditët që vijnë për të bindur edhe vendet e tjera, të cilat po bëjnë një lloj rezistence që lidhet me disa aspekte të veçanta. Nga ana tjetër, kryeministri Rama e di që familja evropiane është një familje shumë e gjerë dhe shumë komplekse, shumë komplekse. Dhe kur të bëheni pjesë e BE-së, edhe ju do ta kuptoni se çdo të thotë komplekse. Ne dimë diçka për të. Natyrisht, puna bindëse që do të bëjmë këto ditë është absolutisht e rëndësishme,” tha Letta.

“Folëm edhe për marrëdhëniet dypalëshe. Ne jemi dy vende miq, të lidhur ngushtë. Ne folëm edhe për mundësitë që ekzistojnë për sipërmarrjet italiane, për sipërmarrjet e vogla e të mëdha, në Shqipëri. Besojmë se ka shumë mundësi për këtë. Kryeministri Rama është sot për vizitë në Itali, ishte edhe në Pulia, pikërisht për të prezantuar këto mundësi dhe kemi vënë piketat edhe për disa mundësi të tjera të rëndësishme në Shqipëri, në të cilat ai do të mund të prezantojë këto mundësi.

Neve duam të ndihmojmë në këtë drejtim, sepse jemi të bindur Shqipëria është sot një partner strategjik thelbësor. Dhe, natyrisht, afërsia gjeografike është një ndihmë e madhe në këtë drejtim. Ne duam të punojmë në këtë drejtim. Kemi shumë aspekte të një bashkëpunimi potencial dhe në disa aspekte ka dhënë tashmë fryte, si p.sh puna që është bërë në kuadrin e bashkëpunimit multilateral, që ka të bëjë me konsorciumin Shah Deniz që do të ndërtojë TAP, gazsjellësin Trans-Adriatik, një infrastrukturë energjetike themelore për ne dhe siç e dini, në mes të gushtit isha në Baku për të finalizuar këtë rrugëtim dhe që javën e ardhshme në Baku do të marrë firmën, ku qeveria italiane do të përfaqësohet. Jam shumë i kënaqur me këtë bashkëpunim mes vendeve tona. Edhe parlamenti ynë e ka ratifikuar marrëveshjen. Kjo është një pikë e rëndësishme që gjërat po shkojnë  në drejtim e duhur,” vijoi kryeministri italian.

Kurse Rama u shpreh: “Sigurisht të vizitosh Italinë është gjithnjë, një nder e kënaqësi e veçantë. Por kësaj here ishte një kënaqësi vërtet e veçantë të vizitoja edhe sipërmarrjet italiane në Pulia dhe Konfindustrinë, këtu në Romë, një rrugëtim që do të vazhdojë në janar në Veri të Italisë, për të dhënë një mesazh të fortë e të qartë që Shqipëria është e gatshme të mirëpresë investime të reja italiane, me kushte që unë besoj se për ta, janë optimale: jemi një vend që flet gjuhën italiane, kemi një forcë pune ende me kosto të lirë, krahasuar me atë në Itali dhe në vendet e BE-së, kostot e punës në përgjithësi janë shumë të ulëta, taksim shumë i ulët, kemi vullnetin e plotë për të lehtësuar dhe për të thjeshtëzuar në maksimum burokracinë dhe për t’i dhënë sipërmarrjeve italiane që vijnë në Shqipëri, hapësirat dhe strukturat në dispozicion, për të filluar aktivitetin e tyre dhe për të krijuar vende të reja pune. Unë besoj që kjo jo vetëm është e mundur, por është edhe në interesin e të dyja palëve, një mundësi për çdo sipërmarrjeje që do të ndërkombëtarizohet dhe që do të krijojë më shumë pasuri dhe të kontribuojë më shumë në të ardhmen tonë”.

“Për të përfunduar, unë i jam shumë mirënjohës Italisë, edhe nga një tjetër pikëvështrim. Italia na ka shoqëruar e ndihmuar shumë në rrugëtim të vështirë, në kalimin nga një regjim diktatorial dhe izolimi në një sistem të ri, në një sistem demokratik dhe sigurisht, duke na ndihmuar për të ndërtuar struktura efikase siç janë duke bërë edhe tani në orët e fundit, me ndihmën ndaj policisë sonë, forcave tona të rendit. Besoj se është shumë e rëndësishme që në këtë fazë, ky bashkëpunim të intensifikohet, për të lehtësuar më shumë punën e saj si këtu dhe atje, kundër krimit të organizuar që është një e keqe që është gjithnjë e më e keqe, të cilën duhet ta luftojmë së bashku. Bashkë jo vetëm midis dy vendeve, por midis shumë vendeve, sepse me botën të re, edhe forma e kriminalitetit është pak e ndryshme, është shumë më i ndërlidhur. Ne u jemi mirënjohës për këtë, sepse ndihma që Italia po na jep në këtë drejtim, na ndihmon të jemi shumë më efikase në një luftë që, siç e tha edhe Kryeministri, bën pjesë në paketën e reformave që Shqipëria duhet ta shohë me shumë vëmendje, për t’u bërë pjesë e Bashkimit Europian”.

FOTO LAJM/ Gjithë entuziazmi shkon për Berishën, por ai deklaron: S'rikthehem në krye të PD

19:01 Politika

Më në fund një gjyqtar në pranga/ Shtjefën Lleshi arrestohet në lokal

17:27 Politika

Tatimi për rrogën/ Ja sa ulen taksat për pagat deri në 130 mijë lekë

17:19 Politika

Raporti tronditës/ 201 milionë euro dolën brenda një viti nga Shqipëria drejt strehave fiskale

17:15 Politika

PE miraton rezolutën/ I rekomandohet Këshillit të Ministrave të BE dhënia e statusit

15:37 Politika

Hollanda lobon kundër marrjes së statusit nga Shqipëria

14:40 Politika

Meta: Sa të jem në krye të Kuvendit, foto e Topallit nuk hiqet nga muri

14:24 Politika 1 koment

Njihuni me kryeministren e pazakontë, që flirtoi me Obamën (FOTO)

11:48 Politika 2 komente

TemA TV/ Kodheli: Imami zbriti nga tanku dhe iu gjunjëzua Berishës. Imami: I çoje letrën higjienike Ramës (VIDEO)

11:42 Politika

Ekspertiza: Vëllezërit nuk janë torturuar/ Xhaxhai: Policin grek e kishim mik

10:27 Politika