Te fundit
Rritja e akcizës nuk ka hyrë ende në fuqi, por shitësit rrisin çmimin e duhanit
21 Dhjetor 2013, 09:03Sociale
TEMA
Ndonëse rritja e akcizës për produktet e duhanit është ende një propozim, tregtarët duket se e kanë vënë atë në zbatim, duke rritur kështu çmimet e paketave të cigareve.
Sipas drejtorit të Zyrës për Mbrojtjen e Konsumatorit, Hasan Stafa, ky spekulim po dëmton rëndë xhepat e qytetarëve, ndërsa i bën thirrje autoriteteve përkatëse të ndërhyjnë menjëherë.
“Pas mbledhjes së datës 2 dhjetor të Komisionit të Ekonomisë dhe Financave, ku u mor në konsideratë se nga 10 janari mund të rritet akciza për një sërë produktesh si: alkooli, duhani apo karburantet, reagimi fatkeqësisht ishte shumë i shpejtë dhe shumë i rëndë, në dëm të xhepit të konsumatorit. Menjëherë kjo rritje apo kjo tendencë ishte shumë e madhe te cigaret. Ajo u vu re te importuesit e produkteve të cigareve, pra që kanë ekskluzivitetin e këtyre produkteve në Republikën e Shqipërisë”, shprehet ai.
“Rritja varion nga 14%-42%. Është një rritje vërtet spekulative dhe shumë e rëndë. Edhe në projektin e qeverisë, ajo që u propozua ishte që çmimi të rritej deri në 12%, ndërsa abuzimi që po bëhet tani është 3-fishi, dhe kjo pa hyrë ende në fuqi ligji, apo pa u bërë një ligj i veçantë për rritjen e këtyre produkteve”.
Ai apelon në GSH: “Ne i bëjmë thirrje Autoritetit të Konkurrencës, Inspektoratit të Shëndetësisë që mbikëqyr zbatimin e “Ligjit për Duhanin dhe Alkoolin” të ndërhyjë menjëherë sepse nëse rritja arrin sot nga 14-42%, imagjino kur rritja e akcizës të vendoset me ligj. Do të ndodhë një vjedhje e dytë, një spekulim i dytë në kundërshtim me gjithë legjislacionin shqiptar dhe në kundërshtim me gjithë interesat e konsumatorëve”.
5 komente në “Rritja e akcizës nuk ka hyrë ende në fuqi, por shitësit rrisin çmimin e duhanit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O “drejtor ziu”,po si nuk ka per tu rritun cmimi i cigareve dhe i te gjithe mallnave te tjera ,kur ekzistojne firma qi kane ekskluzivitetin per ato mallna?
Ti drejtor i Mbrojtjes se Konsumatorit e ke ligjerue vete rritjen e cmimeve,per deri sa ekziston monopoli i tregtimit te artikujve te vecante nga kaq pak firma.
Jepini te drejten te sjellin gigare te gjithe cigareshitesve te Shqipnise dhe keni me pa shembjen e menjhershme te monopoleve .
Liberalizoni tregtine e jashtme per te shembe monopolet.
Sakt! Kjo qendron edhe per karburantet, ilacet, ushqimet dhe shume gjera te tjera.
Po nuk u liberalizua tregu nga duart e disa batakcinjeve, ne do te vazhdojme qe te vuajme cmimet stratosferike.
Kjo qe thote ky drejtori tregon tamam arsyen perse nuk duhen ritur akcizat
Ne kemi tregetare palaco dhe te pashpirt ….Kushedi sa do veje cmimi i naftes kur te vendoset ritja e akcizes …
Ndaj nuk duheshin ngacmuar keto mallrat e konsumit te gjere –Mire do ishte qe keto te hiqeshin nga duart e monopoleve …dhe pasta shikoje si do shkonte cmimi …dhe ne vartesi te kesaj mund edhe te beje ndonje ritje akcize
Ne Janar e me pas do shihet qarte rritja e cmimeve, natyrisht per ata qe kane sy sepse kush do mbaje syze saldatori nuk do shohe gje. Ja kesaj i thone Rilindje. Me Cim Cani dhe Cac Angjel kemi te garantuar ekonomine. Do shohim.
RRisin çmimin perpara kohe, sekuestroini mallin, ose verini gjob qe te qaj ter diten e perendis,shum e thjesht.