Milanovic takon Nishanin: Kushtet për marrjen e statusit janë plotësuar

Kryeministri kroat Zoran Milanovic ripërsërit mbështetjen e vendit të tij ndaj Shqipërisë për integrimin në Bashkimin Europian, ndërsa vë theksin në shtimin e bashkëpunimit midis dy vendeve në fushat me interes reciprok.

Në kuadër të vizitës që po zhvillon në Tiranë, Milanovic u prit në një takim nga Presidentin Bujar Nishani, ku u shpreh se Shqipëria i ka plotësuar kushtet për të fituar statusin e vendit kandidat për në BE. Kryeministri kroat tha gjithashtu se bashkëpunimi dy dhe shumëpalësh mes vendeve tona mbetet në vëmendjen e qeverisë kroate dhe e konsideroi realizimin e Projektit Adriatiko-Jonian si me shumë interes për daljen e vendeve të rajonit në tregun evropian.

Presidenti Nishani tha se kjo vizitë ka një rëndësi shumëdimensionale, sepse Kroacia është një vend mik, bashkudhëtare në procesin e anëtarësimit në NATO dhe një bashkëpunëtore e afërt në procesin e integrimit evropian dhe shtoi se, Kroacia është një aleate e rëndësishme për Shqipërinë në rajon, dhe, për këtë arsye, ne i kushtojmë një vëmendje të veçantë marrëdhënieve tona me këtë vend.

Ai  u shpreh se Shqipëria e konsideron anëtarësimin e Kroacisë në Bashkimin Evropian, si një portë më afër Evropës për vendin tonë, ndërsa shprehu bindjen se Kroacia do të vazhdojë ta mbështesë më fort Shqipërinë në procesin e integrimit evropian.  Kreu i Shtetit më tej, vlerësoi lart edhe mbështetjen kroate ndaj gjithë rajonit, duke theksuar se Procesi i Brdos, ku Kroaci ka rol drejtues, po i shërben rritjes së frymës së dialogut, mirëbesimit dhe bashkëpunimit mes vendeve të rajonit, shkëmbimit të eksperiencave dhe kontakteve me vendet partnere të BE-së.

Si fusha të rëndësishme, ku mund të thellohet bashkëpunimi dypalësh, Presidenti veçoi, energjetikën, turizmin dhe bujqësinë, ndërsa nënvizoi se zbatimi i projekteve të rëndësishme si ai Adriatiko-Jonian duhet të jenë prioritet i këtij bashkëpunimi dhe bashkëpunimit me vendet e interesuara dhe Bashkimin Evropian.

Rokanas paraqet prioritetet e Presidencës greke të BE në Kuvend: Shqipëria mund t’ia dalë

12:40 Politika

Atentati ndaj kryekomunarit/ Basha e dënon, Berisha kërcënon: Rama do vuajë pasoja të rënda

18:34 Politika

FOTO LAJM/ Një ceremoni ndryshe dhe një deklaratë që nuk anashkalohet nga serbët

18:08 Politika

“21 janari”/ Kryeprokurori Llalla: Është një çështje shumë komplekse

17:02 Politika

Basha: Dyshja Rama-Meta na shpalli luftë, por ne kemi bërë një opozitë cilësore dhe të fortë

14:58 Politika

Shpërthim në Vlorë, plagoset kryetari i komunës Qendër

14:38 Politika

KQZ shpërndan fondin për partitë, PD-PS përfitojnë mbi 65 % të fondit

12:55 Politika

LSI dhe PD akuzojnë qeverinë për mungesë transparence në devijimin e lumit Radika

12:04 Politika

Milanoviç: S'është e drejtë që Serbia ka nisur negociatat për anëtarësim në BE, ndërsa Shqipërisë iu mohua kjo mundësi (VIDEO)

11:56 Politika

Kuvendi rikthehet pas pushimeve të gjata/ Deputetët e PS fitojnë gjyqin për pagat e ‘bojkotit’

11:36 Politika