Milanoviç: S'është e drejtë që Serbia ka nisur negociatat për anëtarësim në BE, ndërsa Shqipërisë iu mohua kjo mundësi (VIDEO)

Kryeministri kroat, Zoran Milanoviç, duke folur në një konferencë për shtyp me kryeministrin Edi Rama, ka thënë se Shqipëria duhej të merrte statusin e vendit kandidat për në BE. Ai ka thënë se nuk është e drejtë që Serbia ka nisur negociatat për anëtarësimin në BE, ndërsa Shqipërisë kjo gjë iu mohua.

Në konferencën e përbashkët për mediat, të zhvilluar në Tiranë, të dy kryeministrat vunë theksin në marrëdhëniet shumë të mira që ekzistojnë mes Shqipërisë dhe Kroacisë, ndërsa deklaruan thellimin e bashkëpunimit ekonomik dhe atë në fushën e turizmit.

Ndërkohë mundësinë për zhvillimin e një mbledhjeje të përbashkët mes Qeverisë së Shqipërisë dhe asaj të Kroacisë, kryeministrat nuk e përjashtuan, megjithëse pohuan se kjo çështje nuk është diskutuar.

“Natyrisht, dua që të jem krejtësisht i sinqertë, Shqipëria përjetohet edhe si shtet i cili ende në rrugën e tij drejt Evropës ballafaqohet me pengesa të caktuara, ku disa prej tyre janë subjektive, që Shqipëria duhet t’i ndryshojë, por disa janë jo korrekte ndaj Shqipërisë. Kur ju flisni për mbështetjen tonë ndaj Shqipërisë për kandidaturën e saj në BE, kjo nga ana e jonë është e sinqertë. Po aq e sinqertë sa ka qenë mbështetja jonë ndaj  Serbisë. Nuk e konsideroj të drejtë faktin se Serbia i ka filluar negociatat  për anëtarësim, gjë që e kemi përkrahur, ndërkaq që Shqipëria nuk i ka filluar negociatat për anëtarësim. Pra, qëndrimi ynë është se Shqipëria, si edhe vendet tjera të rajonit, do të duhet që sa më parë të fitojë statusin e kandidatit dhe të filloj negociatat me BE-në. Ky është qëndrimi ynë aktual dhe i tillë do të mbetet edhe më tej. Por, tek kjo duhet të kihet parasysh se ne kemi vetëm në zë (votë) dhe jo më tepër. Por ky zë do të dëgjohet me një racionalitet të matur, por gjithsesi qartë! Dhe sa më parë që do të filloni, më parë edhe do të përfundoni integrimin, sepse ky është një proces i gjatë dhe i vështirë.  P.sh kriteret që i janë parashtruar Kroacisë kanë qenë më të ashpra se ato që është dashur që t’i plotësojnë anëtaret e mëparshme të BE-së!  Duke e mbyllur këtë temë që për mua është më e rëndësishmja, thjesht duhet të filloni sa më parë negociatat, sepse çdo zgjidhje tjetër është lojë joserioze. Dhe atëherë do të shihni se ja të vështira janë këto negociata. Por ne zotohemi se do t’ju japim, nëse e kërkoni,  çdo ndihmë dhe asistencë që është në mundësitë tona“, tha kryeministri kroat.

Bashkëpunimi

Kryeministrat Rama dhe Milanovic rikonfirmuan bashkëpunimin dhe thelimin e tij në fushat me interes të përbashkët, ndërsa vunë theksin se rajoni duhet parë si një tërësi në funksion të një të ardhmeje të përbashkët.

“Kroacia është për ne një model suksesi, shembull frymëzues dhe një partner që na inkurajon në rrugën e integrimit në BE. Por gjithashtu Kroacia është histori suksesi për të gjithë rajonin. Ne besojmë se anëtarësim i i Kroacisë në BE dhe paralelisht dhe marrëveshja e nënshkruar mes Kosovës dhe Serbisë janë dy ngjarje të mëdha në funksion të një kohe të re për rajonin tonë”, theksoi Rama.

Në vijim, Kreu i Qeverisë shqiptare shtoi se “ne dëshirojmë shumë forcimin e bashkëpunimit në të gjitha planet dhe jam shumë i kënaqur që nga Kroacia lexojmë një vullnet të qartë për të shkuar mnë tutje dhe ta forcojmë këtë bashkëpunim”.  “Sigurisht që e konsiderojmë pjesëmarrjen e përbashkët në projektin shumë të rëndësishëm të TAP, si një nisëm me potencial të lartë jo vetëm në zhvillimin energjitik, por edhe përsa i takon bashkëpunimit midis vendeve tona. Po ashtu edhe profili i dy vendeve tona, duke ndarë një vijë të mrekullueshme bregdetare të Mesdheut përbëjn një arsye të fortë për të bashkëpunuar së bashku dhe për të lexuar sëbashku perspektivën në këtë rajon”, tha Rama.

I pyetur nëse ambasada shqiptare në Zagreb do të mbyllej në kuadrin e ristrukturimit të diplomacisë shqiptare, Rama e cilësoi këtë si një lajm të rremë gazetash.

“Ne duam të forcojmë sa më shumë lidhjet. E kundërta është e vërtetë, ne po reformojmë shërbimin diplomatik, do ketë shkurtime, por do të ketë fuqizim të prezencës tonë në shumë nga vendet, ku përfshihet edhe Kroacia”, tha Rama.

Ndërsa Kryeministri kroat u shpreh se megjithëse dy vendet nuk kufizohen si fqinjë, ne i shohim shqiptarët nëpërmjet një minoriteti shqiptar që i përket Maqedonisë perëndimore dhe Kosovës.

“Jeni popull që keni merita të mëdha, sepse e doni punën. Jeni një popull shumë i suksesshëm”, tha Milanoviç.

Në vijim ai theksoi se hapësira për bashkëpunim midis dy vendeve është shumë e madhe.

Kuvendi rikthehet pas pushimeve të gjata/ Deputetët e PS fitojnë gjyqin për pagat e ‘bojkotit’

11:36 Politika

Grabitet dhe digjet zyra e PD-së në Manzë/ Halimi: Vepër e Edi Ramës

11:01 Politika

Vdekja e ish-ministres/ Familja padit qeverinë: S'na dhanë 6.6 milionë lekë

09:52 Politika

Legisi: Lënia e Blushit e Majkos jashtë qeverisë është një karaxhozllëk i Ramës

09:33 Politika

Nënkomisari: Më pushuan nga puna se shoqërova babanë e Tahirit në polici

09:21 Politika

Jep dorëheqjen pas betimit deputetja e PS-së në Lezhë: Jam sëmurë, bëj dializë

09:08 Politika

Lëkundje të forta tërmeti në Tiranë e Durrës, nuk raportohet pë dëme

08:50 Politika

Çudirat e ligjeve shqiptare/ 5 vjet burg për 5 gram hashash

19:51 Politika

INTERVISTA/ Meta: Ka ardhur koha për ndryshime Kushtetuese. Ja pse e toleroj Berishën në Kuvend

18:37 Politika

Bamir Topi: Sali Berisha, një njeri që është duke u shpërbërë si qenie

15:53 Politika