Shqipëri- Mali i Zi, së shpejti marrëveshje për njohjen e lejeve të drejtimit të automjeteve

Thellimi i bashkëpunimit ekonomik, infrastrukturor, heqja e barrierave jofizike dhe nënshkrimi së shpejti i një marrëveshjeje dypalëshe për njohjen e lejeve të drejtimit të automjteve ishin në qendër të takimeve që ministri i Jashtëm Ditmir Bushati ka zhvilluar me autoritetet më të larta malazeze, gjatë një vizite zyrtare të zhvilluar në Malin e Zi.

I shoqëruar nga dy deputetë të Qarkut të Shkodrës,  Mimoza Hafizi dhe Paulin Sterkaj, Bushati është pritur në takime të vecanta nga Presidenti malazez Filip Vujanoviç, Kryetari i Kuvendit, Ranko Krivokapiç, dhe zv.Kryeministri dhe Ministri i Punëve të Jashtme e Integrimit Evropian të Malit të Zi,  Igor Lukshiç.

Gjithashtu ministri Bushati u takua me drejtuesit kryesorë të partive parlamentare shqiptare dhe me përfaqësues të Këshillit Nacional Shqiptar.

Në takimin zyrtar me ministrin Lukshiç u diskutua mbi marrëdhëniet dypalëshe, me theks të veçantë bashkëpunimin ekonomik dhe projektet konkrete në infrastrukturë, energjetike, turizëm; për bashkëpunimin ndërkufitar dhe atë rajonal, si dhe proceset integruese evropiane dhe euroatlantike.

Bashkëbiseduesit nënvizuan se ekziston një përputhje e plotë e objektivave strategjike të të dy vendeve në rrugën drejt integrimit në BE dhe NATO. Ministri Bushati rikonfirmoi mbështetjen e Shqipërisë për anëtarësimin e Malit të Zi në NATO. Bushati tha se infrastruktura mbetet një prioritet për bashkëpunimin  dypalësh.

Ndër projektet konkrete u diskutuan: rrugët lidhëse në të dy anët e kufirit, vecanërisht ajo Velipojë-Ulqin, Korridori Adriatiko-Jonian, rruga Plavë-Podgoricë nëpërmjet territorit shqiptar, projekte të liqenit të Shkodrës dhe lumit Buna. Në energjetikë u veçua gazsjellësi Trans Adriatik dhe lidhja e tij me IAP, për të cilin dy bashkëbiseduesit shprehën mbështetjen e plotë dhe u angazhuan për të bashkëpunuar në të ardhmen.

Në kuadër të lëvizjes së lirë dhe të plotësimit të paketës për t’i bërë kufijtë të padukshëm duke eliminuar barrierat jofizike, palët ranë dakord për nënshkrimin së afërmi të marrëveshjes për Njohjen e Lejeve të Drejtimit të automjeteve dhe diskutuan për hapjen e një pike të re të kalimit kufitar në Zogaj-Hutaj.

Ministri Bushati nënvizoi nevojën e ratifikimit nga pala malazeze të marrëveshjes së firmosur në fushën e Arsimit, me qëllim që t’i hapet rruga nënshkrimit të Protokollit për njohjen reciproke të diplomave universitare.

Gjatë bisedimeve u shkëmbyen gjithashtu pikëpamje për bashkëpunimin rajonal. Ministri Bushati theksoi se bashkëpunimi në kuadër të nismave rajonale është një proces komplementar dhe në funksion të integrimit evropian dhe atij euro-atlantik. Shqipëria ka presidencën e Nismës Adriatiko-Joniane dhe të Kartës së Adriatikut (A5) dhe pret të marrë presidencën e rradhës së SEECP-së

Ministri Bushati theksoi se shqiptarët që jetojnë në Mal të Zi janë një urë miqësie dhe bazë e sigurt për marrëdhëniet midis dy vendeve. Ata kanë kontribuar për pavarësinë e Malit të Zi dhe kontribuojnë sot për proceset integruese në NATO dhe BE. Ministri Bushati kërkoi trajtimin e çështjeve të decentralizimit të pushtetit vendor, veçanërisht zgjidhjen e statusit të Komunës së Tuzit me konsensus dhe frymë evropiane. Gjithashtu Ministri Bushati shprehu nevojen per nje perfaqesim me te denje te Shqiptareve ne te gjitha institucionet kushtetuese te vendit.

Ministri Bushati vlerësoi qendrimin konstruktiv të qeverisë së Malit të Zi në rajon, dhe për Kosovën, duke shprehur bindjen se një Kosovë e pavarur dhe demokratike dhe e përfshirë në të gjithë nismat rajonale i jep më shumë sinergji e dinamizëm marrëdhënieve të fqinjësisë së mirë dhe stabilitetit  në rajon.

Gjatë vizitës zyrtare në Mal të Zi, Ministri Bushati pati një takim me Presidentin e Malit të zi, Filip Vujanoviq. Në takim me të, Bushati siguroi bashkëbiseduesin se Shqipëria mbështet anëtarësimin e  Malit të Zi dhe gjithe rajonit në NATO.

Në takim me Kryetarin e Parlamentit Ranko Krivokapiç u theksua rëndësia e diplomacisë parlamentare. Bashkëbiseduesit ndanë mendimin se te gjitha projektet e përbashkëta krijojnë një rrjet rajonal që pergatit vendet tona për një integrim më të shpejtë në BE, si dhe rrit konkurueshmërinë në tregjet rajonale dhe ato globale.

Gjatë vizitës zyrtare Ministri Bushati bëri një takim me përfaqësues të faktorit shqiptar në Mal të Zi. Duke vlerësuar rolin e shqiptarëve të Malit të Zi në proceset integruese të vendit në BE dhe NATO, Ministri Bushati theksoi se qeveria shqiptare është angazhuar seriozisht për hartuar projekte të reja ndërkufitare, si per shembull hapjen e pikave të reja kufitare. Gjate ketij takimi, bashkebiseduesit ndane mendimin se respektimi i te drejtave te Shqiptareve eshte ne interes te vete Malit te Zi. Ministri Bushati i garantoi bashkebiseduesit per mbeshtetje te vazhdueshme te qeverise Shqiptare ne kete drejtim.

Freedom House: Shqipëria dhe Kosova, pjesërisht të lira. Sllovenia, Serbia dhe Mali i Zi, vende të lira

20:10 Rajoni

Hagë: Ulen dënimet e zyrtarëve serbë të dënuar për krime lufte në Kosovë

19:40 Rajoni

Banka Botërore: Po punojmë për projektin energjetik të Fushë Lukovës

19:35 Rajoni

Si këndej, si andej/ Ambasadori gjerman: Politikanët u telefonojnë prokurorëve

12:04 Rajoni

Bushati në Malin e Zi, takime me autoritetet dhe drejtuesit e partive shqiptare

09:58 Rajoni

Rroga e Shpendit dhe të tjerëve në Komunë

19:46 Rajoni

BE nis negociatat me Serbinë me kapitullin për Kosovën

19:40 Rajoni

FOTOT/ Evolucioni estetik i Ramush Haradinajt

19:46 Rajoni

Shqipëri-Kosovë, nënshkruhet marrëveshja për tregun e përbashkët të punës

14:20 Rajoni

FOTOT/ Evolucioni estetik i Hashim Thaçit

19:41 Rajoni