Homazhe për mjeshtrin e shquar të violinës, Ibrahim Madhi

Familjarë, të afërm, miq, personalitete të kulturës e politikës i kanë dhënë lamtumirën Artistit të Popullit, violinistit Ibrahim Madhi. Homazhet u zhvilluan tek Akademia e Arteve.

“Telat i u bënë rrugë ku rrëshqisnin virtuozisht si rrallë kush, gishtërinjtë e tij, veprat e autorët më përfaqësues të trashëgimisë së vyer botërore e asaj shqiptare, tastiera hapësirë ku këndoi ëmbëlsisht shpirti i tij i butë e fisnik, harku i u bë një hark triumfi ku kalonin sukseset e tij, violina njëdimension admirimi të madh i publikut, botës muzikore, e cila do ta ruajë thellë në memorien e kulturës kombëtare kontributin e shquar 50- vjeçar të Mjeshtrit Ibrahim Madhi”, shprehet kompozitori Aleksandër Peçi për violinistin Madhi që u nda nga jeta ditën e djeshme.

Ruaj kujtime të mbrekullueshme nga bashkëpunimi me Bimin siç e quanim, vazhdon Peçi, me rapsodinë nr 2 për violon e orkestër vallet për violon, një moment nga filmi si gjith të tjerët e kur xhirohej një film me formacionin e harqeve që mjeshtri ngriti e lartësoi profesionalisht.

“Ne këto raste për çdo njeri që largohet nga jeta themi shprehjen standarte i paharuar qoftë kujtimi, por së pari duhet që media televizive e radiofonike nëpërmjet programeve te saj ti sjelli realisht në ekran per publikun figura të tilla të mëdha. Kjo obligon në mënyrën më urgjente TVSH të bejë dixhitalizimin e gjithë arkivës së Ibrahim Madhit dhe artistëve të tjere duke i mbajtur të gjalla e të paharuara për publikun, dhe pikë reference për profesionistët”, shprehet Peçi.

I njohur si një ndër themeluesit e muzikës shqiptare, Ibrahim Madhi vlerësohet nga kolegët e tij si një figurë me peshë të madhe në jetën muzikore shqiptare. Në një prononcim për Agjencinë Telegrafike Shqiptare, muzikologu Sokol Shupo vlerëson figurën shumëdimensionale të profesor Madhit me një karrierë brilante prej 50 vitesh në fushën e krijimtarisë dhe pedagogjisë.

“Profesor Madhi krijoi një model në interpretim, tingull dhe përkthimin e veprave shqiptare. Ai ishte një nga ata njerëz që ka interpretuar një pjesë të madhe të veprave shqiptare në premiere, ishte një profesor, një pedagog, që ka lënë një trashëgimni të madhe jo vetëm në kuptimin e brezave të studenteve që ka nxjerrë, por edhe në pedagogjinë e instrumentit”, thotë Dekani i Fakultetit të Muzikës, muzikologu Sokol Shupo. Në vlerësimin e profesor Shupos, Ibrahim Madhi ishte një nga njerëzit më të pjekur që ka njohur jo vetëm në aspektin artistik.

Profesor Ibrahim Madhi u nda nga jeta dje, në moshën 69 vjeçare, pas një sëmundje të rëndë Veprimtaria e tij artistike shënon dhjetëra koncerte të suksesshme, si solist pranë Orkestrës së Radio Tiranës, në Teatrin e Operës dhe Baletit dhe në Ansamblin Shtetëror të Këngëve dhe Valleve Popullore. Ibrahim Madhi ka dhënë një kontribut të jashtëzakonshëm në fushën e pedagogjisë, me formimin e brezave të tërë ndër vite në Akademinë e Arteve në Tiranë.

Libri "Forma, përmbajtja, arkitektura",udhëtim në banesën popullore shqiptare‏

12:02 Kulturë

“Pikëllimi i netëve kosovare”, piktura e Edi Ramës e realizuar më 1989-tën

10:14 Kulturë

Shuhet Ibrahim Madhi/ Rama: Iku pa zhurmë violinisti virtuoz

18:30 Kulturë

KALAJA E VIGUT,po e merr lumi

10:59 Kulturë

VIDEO/Nxënësit amerikanë mësojnë “Vallen shqiptare”

11:39 Kulturë

“Gjuha e gjakut”,roman i ri nga Kiço Blushi

10:32 Kulturë

Sot në Teatrin Kombëtar shfaqja “Kur njihesh në internet”, Çuli:Do të vemë ngrohjen në salla

11:01 Kulturë

FOTOT/ Rëndësia e të shëmtuarës në Shqipëri

10:30 Kulturë

Kumbaro, për një Shqipëri europiane

20:04 Kulturë

Ana e panjohur e Ismail Kadaresë në fotografi

10:20 Kulturë