Debate për energjinë. Berisha: Të mos rritet çmimi. Reagon Braçe: Ke përgjegjësi penale/ Replikat e plota

Kuvendi i Shqipërisë u përfshi nga debate dhe akuza të forta mes pozitës dhe opozitës. Replikat nisën me ndërprerjen e fjalës që iu bë ish- kryeministrit nga Kryetari i Kuvendit pas një replike. Në vijim debatet vijuan për çmimin e energjisë, apo për çështjen e tatimeve, duke kaluar tek fyerjet mes palëve.

Replika Meta-Berisha

Ish-Kryeministri Sali Berisha dhe Kryetari i Kuvendit Ilir Meta debatuan në sallën e Kuvendit në lidhje me minutazhin e replikave dhe fjalimeve në Kuvend. Shkak u bë ndërprerja e fjalës për ish-Kryeministrin, pasi konsumoi kohën dy minutëshe të replikës. “Bëtë gjë të shëmtuar që më pretë fjalën”, iu drejtua Berisha Kryetarit të Kuvendit. Ndërkohë Meta në një përgjigje të shpejtë tha se edhe ju bëni gjëra të shëmtuara duke ndërhyrë pas cdo fjalimi që mbahet nga mazhoranca në Kuvend. Kjo situatë solli reagimin e Kryetarit të Grupit Parlamentar demokrat Edi Paloka, i cili kërkoi respektimin e ish-Kryeministrit. “Berisha ka qenë ish-Kryeministër dhe ne kërkojmë që të respektohet duke mos i ndërprerë fjalën. Socialistët mund ti përdorin si të duan ish-Kryeministrat e tyre, ndërsa ne kërkojmë respekt. Kur zoti Ruci merrte fjalën në Kuvend, sa herë që i tekej, në emër të grupit të PS-së, askush nuk ia ndërpriste fjalimin”, tha Paloka. Por Kryetari i Kuvendit tha se në bazë të Rregullores, replikat janë dy minuta dhe zoti Berisha nuk është Kryetar i Grupit Parlamentar të PD-së. “Të gjithë e dinë respektin që kam unë për zotin Berisha”, tha Meta. Ndërkohë që ish-Kryeparlamentarja Jozefina Topalli, iu referua kohës kur drejtonte Kuvendin e Shqipërisë, duke u shprehur se “për 8 vite, po të mblidhen minutat e fjalimeve të opozitës së atëhershme, rezulton se jamë shumë më tepër se ato të mazhorancës që qeveriste vendin.

Berisha-Brace-Gjiknuri

Çështja e energjisë elektrike shkaktoi debate në Kuvend, pas akuzave të hedhura nga ish-Kryeministri. Berisha i kërkoi Kuvendit të marrë vendim për të mos lejuar rritjen e cmimit të energjisë. Berisha paralajmëroi se rritja e cmimit të energjisë do të ketë ndikim tejet negativ jo vetëm për xhepat e shqiptarëve, por edhe për ekonominë e vendit. “Do të jetë fundi i qeverisë, nëse vijohet me rritjen e cmimit”, tha Berisha. “Sapo dëgjuat një mashtrim disa herë më të madh sesa zëdhënësi dhe kryekreu  marrë sëbashku. i bëri peshqesh shqiptarëve gjobën politike, afrofenë. Ky njeri del këtu dhe me dëshmitarë të rremë kërkojnë t`u mashtrojnë dhe ju me dëshmitarë të rremë, por dëshmitarët e rremë i kanë këmbët e shkurtra sa vetë  rrena”, tha Berisha. Ndërsa ministri i Energjisë Damian Gjiknuri në reagimin e tij ironizoi mbi deklaratat e ish-Kryeministrit që e cilësonte Shqipërinë një superfuqi energjitike, duke u shprehur se etiketime të tilla janë bërë vetëm prej tij. Ministrat akuzuan ish-Kryeministrin Berisha se ka penguar linjën e interkonjeksionit me Kosovën. Ata e akuzojnë qeverinë e kaluar se është fajtore për gjëndjen në të cilën ndodhet sot sistemi energjetik. Gjiknuri sqaroi se ka një problem real me energjinë, por s’kemi folur për cmimit e energjisë dhe fatura e qytetarit nuk do të preket. “Thelbi i debatit që po degradon ka të bëjë vetëm me emërimin e dy anëtarëve të ERE-s dhe asgjë më shumë”, tha ministri Gjiknuri. Kryetari i Komisionit të Ekonomisë Erion Braçe në një reagim ndaj fjalës së Berishës, tha se i vetmi person që minimalisht duhet të mbajë përgjegjësi morale në këtë sallë për situatën është Ish-Kryeministri. “Një pyetje kam unë nëse Berisha mban përgjegjësi pë privatizimin e CEZ? Ky është privatizim politik klientelist.  Ne na kërkoni të zbatojmë kontratat tuaja korruptive. KESH ka akumuluar një borxh dramatik dhe është kompani me humbje. Nëse duhet të kërkohet përgjegësi, duhet të kërkohet përgjegjësi penale për ty. Cfarë të shqetëson tek skema e grabitjes së tatimeve? Vetëm nga 5 skema korruptive me TVSH që u zbuluan rezulton se dëmi ishte mbi 100 milionë. Një këshillë kam  nese i akuzon ministrat jepi fakte ke 4 muaj që flet për korrupsion ndërkohë që ata ende nuk kanë marrë një vendim. Nuk jep një fakt. Thuaji këtu ose coji në prokurori”, tha Brace.

Berisha-Balla

Një tjetër debat ishte ai mes ish-Kryeministrit Berisha dhe deputetit socialist Taulant Balla. Ligjvënësi socialist akuzoi ish-Kryeministrin në lidhje me skemën e mashtrimit me TVSH në tatime. “Hetimet do të shkojnë deri tek ai Drejtori yt i Tatimeve dhe të jesh i bindur që ajo skema e mashtrimit me tatimet do të vijë deri tek ti”, iu drejtua Balla, ish-Kryeministrit Berisha, duke shtuar se po hahet përsheshi që është gatuar nga ty. Ndërsa ky i fundit e cilësoi Ballën një horr që po përdoret nga kryehorri. “Je i përndjekur për përdhunimin e një vajze me AIDS, je ndaluar në kufi në kohën e Fatos Nanos, ke favorizuar drogën. Je horr”, iu drejtua Berisha deputetit socialist Balla.

Bare-Berishës

Ligjvënësi tjetër socialist Besnik Bare referuar fjalorit të ish-Kryeministrit tha se “nuk e di është i pirë apo jo kur përdor një fjalor të tillë, por po e kthen Kuvendin që ti vendosim një pullë të kuqe dhe të mos shihet nga ata që janë nën 18 vjec. Je i cmendur, ç’është ky fjalor që përdor këtu.

Berisha-Ramës

Vila në Dajt po ndërtohet pa asnjë lekë. Po i detyron njerëzit me dosje të lehin si qen në këtë platformë. Nuk ka më turp sesa të shërbehesh nga fytyra të tilla. Është turp i madh atë që ky po i bën vendit, je një turp i vogël në krahasim me turpin e madh. Ndërtoni vila dhe pallate pa asnjë qindarkë. Jeni sharës të paguar, po rrisni cmimin e energjisë elektrike dhe kjo është vepër kriminale.

Kuvendi, 1 minutë heshtje për nder të ikonës së muzikës, Vaçe Zela

11:29 Politika

FOTO LAJM/ Një brez i ri i fiksuar pas armëve...

10:52 Politika

Gryka: Kaseta e plakut të Haklajve është shumëfishuar dhe do dalë shumë shpejt në dritë

10:38 Politika

Thaçi e refuzoi ftesën për “Mëngjesin e Lutjeve” për shkak të agjendës, por Nishani i fut një rrugë për në SHBA

10:18 Politika

Julian Sinanaj nuk ‘zhgënjen’ policinë: Është qitës perfekt, qëllon me dy duart

10:11 Politika

Naço-Lidington: Do ndërhyjmë në refomimin e KLD, Gjykatës së Lartë, Kushtetuese

08:04 Politika

Policia merr në ruajtje familjet e ‘sekserëve’ të vrasësit/ Gruaja e Mëhillit, nëndrejtoreshë e ISHP

10:06 Politika

PDIU largohet akoma më shumë nga PD, jep konsensus për Reformën Territoriale

09:57 Politika

Burns-Nishani: Ruani dialogun politik, ju mbështesim për integrimin në BE

09:07 Politika

Reforma Territoriale/ Rama: Suksesi i vështirë, pa një bashkëpunim mes të gjitha palëve (VIDEO)

09:43 Politika