VIDEO/ Protestat bëhen më të dhunshme në Prishtinë, të hënën rifillojnë

Policia e Kosovës përdori gazin lotsjellës për të shpërndarë grupe studentësh dhe pjesëtarësh të organizatave joqeveritare, që po protestojnë në hyrje të rektoratit të Universitetit Publik të Prishtinës, duke kërkuar dorëheqjen e menjëhershme të rektorit të këtij Universiteti, Ibrahim Gashi.

Protestuesit hodhën sende të forta mbi pjesëtarët e policisë që penguan përpjekjet për të hyrë brenda oborrit të godinës së rektoratit. Policia tha se janë arrestuar 33 protestues gjatë përleshjeve ndërsa 29 policë janë lënduar. Korrespondentët thonë se një numër i konsiderueshëm i protestuesve janë lënduar gjithashtu gjatë përleshjeve.

Që nga java e kaluar grupe studentësh janë hedhur në protesta duke kërkuar hetimin e siç thuhet keqpërdorimeve në këtë universitet, vërtetimin e gradave shkencore të mësimdhënësve dhe largimin e ndikimeve politike në këtë institucion. Reagimet u shtuan pas raportimeve në mediat lokale se një pjesë e punimeve shkencore që rektorit Gashi i janë njohur si mbështetje për gradimin e tij akademik, janë të botuara në një revistë të falsifikuar në Indi.

Këshilli Drejtues i Universitetit të Prishtinës kërkoi javën që lamë pas që punimet e diskutueshme shkencore të tërhiqen dhe paralajmëroi se është duke punuar për normalizimin e situatës në Universitet. Madje ai caktoi një afat prej 45 ditësh për sqarimin e të gjitha çështjeve të hapura në Universitet dhe përcaktimin e përgjegjësisë për të gjitha shkeljet e pretenduara.

Ndërkohë, deputetët e Parlamentit të Kosovës dështuan të merren vesh për propozimet e tyre për tejkalimin e situatës në Universitetin e Prishtinës, që është institucioni më i madh e më i vjetër i arsimit të lartë në Kosovë.

Lidhja Demokratike që ishte nismëtare e debatit dhe dy partitë tjera në opozitë lëvizja Vetëvendosje dhe Aleanca për Ardhmërinë e Kosovës, kërkojnë largimin e menjëhershëm të rektorit Ibrahim Gashi, ndërsa Partia Demokratike kërkon hetimin e të gjitha shkeljeve në Universitetin e Prishtinës, por jo nëpërmjet protestave, që ata i cilësojnë me motive politike./VOA

Maliqi flet për protestat në Prishtinë: Rektori të shkarkohet, politika jashtë Universitetit

19:04 Rajoni

VIDEO/ Arsim Syla fal gjakun e djalit të vrarë në shkollë

18:03 Rajoni

Si do quhet ushtria e Kosovës: FUK apo... FAK

10:23 Rajoni

Ukë Rugovës iu gjendën qindra dokumente inkriminuese në shtëpi

10:20 Rajoni

Kuvendi nuk miraton rezolutë për UP/ Thaçi: Ka deputetë që pa fakultet kanë bërë magjistraturën

19:08 Rajoni

Shqipëri-Kosovë, marrëveshje në fushën e turizmit

14:27 Rajoni

Samaras- Bushati: Të dy vendet të mos mbeten pengje të së shkuarës

12:11 Rajoni

Krasniqi: Prokuroria të hetojë se kush punon akoma për UDB-në

11:57 Rajoni

Ka edhe kështu/ Presidenti maqedonas pranon se ka shpenzuar 5800 euro në një vit për kravata

10:32 Rajoni

Në aeroportin e Prishtinës arrestohen dy vullnetarë që do shkonin në Siri

19:50 Rajoni