Te fundit
Truproja e Fatmir Limajt negocionte tenderat dhe ryshfetin
21 Shkurt 2014, 11:34Rajoni
TEMA
Një hetim për shpërthimin në lokalin “Sekiraça” në Dardani i ka çuar hetuesit në zyrën e Fatmir Limajt në Ministrinë e Transporteve.
Përgjimet telefonike i kishte kryer Policia e UNMIK-ut qysh në vitin 2008 kundër Ali Aliut, një i dyshuar për përfshirje në këtë shpërthim, që la dy të vdekur e 11 të plagosur.
Asokohe u zbulua se Aliu se po komunikonte me truprojën e Fatmir Limajt, Shpëtim Telaku, për tenderat që jepte kjo ministri.
“Koha Ditore” ka siguruar aktakuzën e dytë për korrupsion kundër ish-ministrit Limaj.
Ai akuzohet së bashku me shefin e prokurimit, Nexhat Krasniqi dhe Shpëtim Telakun për krim të organizuar, përvetësim gjatë ushtrimit të detyrës, lidhje të kontratës së dëmshme, keqpërdorim të detyrës zyrtare, marrje të ryshfetit.
Ali Aliu dhe Beqir Deda, përfaqësues kompanish, akuzohen për keqpërdorim të autorizimeve në ekonomi dhe dhënie të ryshfetit.
Njëra prej firmave fituese, “Burimi”, gjatë kohës që Limaj ishte në Hagë, pretendohet se kishte mbledhur 12 mijë euro për pagesën e avokatëve të tij.
Prokurori gjerman i EULEX-it, Johannes Pickert, e ka cilësuar këtë si grup kriminal me drejtues Fatmir Limajn.
Limaj akuzohet se në vitin 2008 themeloi këtë grup me pjesëmarrjen edhe të vëllezërve Demir e Florim Limaj.
Veprat penale dyshohet se janë kryer me nënshkrimin e kontratave me dy firma, “Eskavatori” dhe “Burimi”. Njëra kontratë ishte për mirëmbajtjen e rrugëve e tjetra për ndërtim.
Prokurori ka hetuar 50 tenderë rrugësh.
Pretendon se ka gjetur prova për dy prej tyre në rajonin e Ferizajt. Dyshimet i ka materializuar me përgjime telefonike kryesisht në mes të Ali Aliut dhe Shpëtim Telakut.
Herë me kode e herë hapur, se ata flisnin për tenderë.
Përmendet edhe Limaj, i cili i takonte përfaqësuesit e kompanive tenderuese.
Një takim të tillë e kishte pasur në një restorant.
Aty kishte shkruar detaje të tenderit në një faturë.
Fatura ishte gjetur më vonë në shtëpinë e Limajt gjatë bastisjes.
Prokurori pretendon se Fatmir Limaj dhe Nexhat Krasniqi kanë keqpërdorur detyrën zyrtare duke negociuar, premtuar dhe duke vendosur dhënien e tenderëve për mirëmbajtje/ndërtim të rrugëve mbi bazë të favorizimit politik dhe përfitimit material.
8 komente në “Truproja e Fatmir Limajt negocionte tenderat dhe ryshfetin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
aaaaaaaaaaaa qenka prokuror gjerman!? Ta dini mire se ai nuk ka asnje interes qe ju te paguani per gjera qe nuk i keni bere! Nuk ju njeh dhe as nuk ka hasmeri me ju! Sipas hetimeve te deritanishme,ju jo vetem paskeni vjedhur, por paskeni lyer duart me gjak!!!!??????? Per kete arsye duhet te paguani njeqind fish, te paguani per lotet e pathare te nenave e baballareve qe u keni vrare locken e zemres, per lotet e pafund te motrave per vellezerit, per femijet qe mund te kene lene dhe rritjen e tyre pa dashurine e pafund te babait, per vejushat me te zeza me zemra te vrara, per gjithen te dashurit e tyre…….!! Nese jeni fajtore duhet te paguani sa me shtrenjte! FORCA EULEX ! JU mirepresim edhe ne SHQIPERI!
O e kane shume frike kete Limajn, ose nuk dine se cfar te bejne me te..??
Lume akuzash pa fund, arrestime te shpeshta, gjykime te perfunduara: i pafajshem. Ky ose eshte nje shqiptar i mire dhe serbet duan ta eliminojne me cdo kusht, ose eshte anti-europian dhe Euleksi insiston kaq fort ta demaskoje… Ndoshta eshte vetem shqiptar i vertete… Une ketu ne Tirane nuk e di.!!
Sikur te ishte shqiptar i mire nuk do ta vidhte popullin fukara te Kosoves!
Ti po e dishe fort mirë, plako!
Ky tipik hajdut eshte,mjafton vetem te shikosh se kush vajti ta perkrahte ne fushaten elektorale
sado te perpiqet ky limaj lulit te saliut nuk ja kalon dot
me nje dore ne rrugen kalimash morine luli me salin vodhen 220 milion euro
madje edhe ilir blloku deri 700 mije ka vjedhur me nje dore
Korrupsionit me vare kokes.
E sikur te kishim disa si kyte gjermanin ne Tirane