Miratohet ligji anti-mafia/ Rastet kur do të veprojë dhe kategoritë që përfshihen nën hetim

Kuvendi miraton ligjin anti-mafia, në të cilin parashikohet që korrupsioni të trajtohet si krim i rëndë dhe të hetohet e gjykohet nga Prokuroria dhe Gjykata e Krimeve të Rënda, si dhe sekuestrimin e pasurive që javë vendosur përmes akteve korruptive. Duke iu drejtuar seancës plenare, ministri i Drejtësisë theksoi se fenomeni i korrupsionit vlerësohet si një pengesë reale për progresin e vendit, ku ndërkohë  konstatimet e ndërkombëtarëve, duhet të shërbejnë si këmbanë alarmi.

“Masat e ndërmarra kundër korrupsionit, ndër vite, nuk kanë arritur të sjellin efektet e dëshiruara, në hetimin dhe ndëshkimin e praktikave korruptive, përsa kohë korrupsioni vazhdon të jetë i pranishëm në kuota të larta. Përpos ndryshimeve të bëra në vitin 2012, në nenin 52 të Kodit Penal, që synon nxitjen e përfshirjes së bashkëpunëtorëve të drejtësisë në rastet e korrupsionit, si dhe ndryshimet e nenit 75/a të K.Pr. Penale, të sapo miratuara, ku në kompetencën lëndore të Gjykatës së Krimeve të Rënda janë shtuar rastet e korrupsionit të zyrtarëve të lartë, si dhe të gjyqtarëve dhe prokurorëve; lind si domosdoshmëri marrja e masave plotësuese, ku përpos sanksioneve penale, të aplikohen masat e tjera që lidhen me konfiskimin dhe sekuestrimin e pasurive që burojnë nga veprimtaria kriminale të korrupsionit”, theksoi Naço në fjalën e tij.

Dispozitat e këtij ligji zbatohen për pasuritë e personave; për pjesëmarrje në organizata kriminale/ose grupe të strukturuara kriminale; pjesëmarrje në organizata terroriste ose në banda të armatosura; shfrytëzimin e prostitucionit në rrethana rënduese; trafikimin e femrave; trafikimin e narkotikëve; pastrimin e produkteve të veprave penale.

Gjithashtu drafti parashikon luftën ndaj korrupsionit në sektorin privat, ku në bazë të nenit 164/a përfshihen personat që ushtrojne funksion drejtues në shoqëri tregtare. Në nenin 244/a parashikon luftën ndaj korrupsionit aktiv të personave që ushtrojnë funksione publike”;

Personat që ushtrojne funksione në administratën shtetërore, dhe që gëzojnë statusin e nëpunësit civil, ku përfshihen: sekretar i përgjithshëm; drejtor departamenti; drejtor drejtorie të përgjithshme; pozicionet e barasvlershme, etj.

Në vijim ministri i Drejtësisë sqaroi se  neni 245 dhe 260 parashikojnë korrupsionin aktiv të funksionarëve të lartë shtetërorë, përfshi këtu Presidentin, Kryeministrin, ministrat, deputetët, drejtuesit e institucioneve të emëruar prej Kuvendit, Kryetarët e Bashkive dhe Komunave, sikundër në nenin 319 dhe 320 parashikohen rastet e korrupsionit pasiv ose aktiv të anëtarëve të Gjykatës së lartë, Kushtetuese, gjyqtarëve, prokurorëve dhe subjektet e tjera që ushtrojnë detyrën në drejtesi, si: oficerët e policisë gjyqësore, etj.

Dispozitat e këtij ligji, siç zbatohen për bandat dhe organizatat kriminale, do të zbatohen dhe ndaj veprave penale të korrupsionit për pasuritë e personave të afërm sikurse janë bashkëshorti, fëmijët, të paralindurit, të paslindurit, vëllezërit, motrat, ungjërit, nipërit, mbesat, fëmijët e vëllezërve dhe të motrave, vjehrri, vjehrra, dhëndri, nusja, kunata, kunati, bashkëjetuesi, thjeshtri, thjeshtra, njerku dhe njerka. Sipas nenit 6 të këtij ligji, siç zbatohen dispozitat për bandat dhe organizatat kriminale për sekuestrimin dhe konfiskimin e pasurisë do të zbatohen dhe për veprat penale të korrupsionit dhe janë objekt verifikimi: mjetet financiare, pasuritë, veprimtaritë ekonomike, tregtare dhe profesionale, niveli ekonomik, si dhe burimet e të ardhurave të tyre.

Synimi i këtij projektligji është rritja e përpjekjeve për të dekurajuar në maksimum  korrupsionin, nëpërmjet sekuestrimit apo konfiskimit të të gjitha pasurive të paligjshme, që burojnë nga veprat penale të korrupsionit. Në nenin 21, paragrafi i tretë i këtij Ligji parashikohet se: “Barra e provës, për të vërtetuar se pasuritë janë fituar në mënyrë të ligjshme, i përket personit, kundër pasurive të të cilit kërkohet konfiskimi”.

Në këtë kuptim, vlera reale e këtij ligji qëndron në faktin se, nuk do të jetë prokurori që do të provojë paligjshmërinë e vënies së pasurisë, por do të jetë individi, i cili duhet të provojë të kundërtën përpara gjykatës me prova dhe fakte konkrete sesi e ka vënë pasurinë e sekuestruar dhe konfiskuar edhe në rastet e korrupsionit.

Rama: Mbi 8 mijë vrasje për çështje pronash. Dëmshpërblim për të gjithë ish-të përndjekurit (VIDEO)

13:38 Politika

PD largohet nga Kuvendi/ Berisha: Mazhoranca nuk na pranon asnjë propozim

12:30 Politika

Ambasadori rus në Tiranë: Keqardhje për Shqipërinë, ju e dini parimin e vetëvendosjes

12:13 Politika

Vasili: Ligji për SHISH mund të ndryshojë

09:57 Politika

Kuvend/ Berisha-Ramës: Je i padenjë dhe i palarë. Kryeministri: Je bërë si Shaban Qosja (VIDEO)

11:49 Politika

Një arrestim që turpëron qeverinë shqiptare

11:39 Politika

Lubonja komenton debatin për Skënderbeun: Na duhen simbole të paqes e harmonisë, jo simbole nacionaliste

10:07 Politika

Propozimet e FMN: Ngrin rritja e pagave, rritet mosha e pensionit dhe shtohen taksat për makinat e shtëpitë

09:49 Politika

“Prindërit e burrit nuk e donin Antonetën, i thoshin ‘maloke’”

09:38 Politika

Australia: Mund të kemi gjetur vendin ku është rrëzuar avioni

09:30 Politika