Partia Demokratike vijon akuzat ndaj Kryeministrit Edi Rama përsa i takon fshehjes nga Kryeministri Edi Rama të termave të marrëveshjes me Fondin Monetar. Ish-ministri i Financave Ridvan Bode theksoi se kjo marrëveshje parashikon rritje të reja të taksave dhe futjen e taksave të reja, për shkak të performancës së dobët të qeverisë dhe përkeqësimit të shpejtë të ekonomisë.

“Mbarë opinion publik përcolli me shqetësim deklaratën e bordit të drejtorëve të FMN lidhur me konsideratat dhe propozimet për marrëveshjen aq shumë të reklamuar si sukses nga ana e qeverisë Shqiptare. Qeveria, që kishte mbajtur në fshehtësi termat e kësaj marrëveshje, që kishte folur vetëm për përfitimin e 330 ml eurove në 3 vjet dhe jo termat dhe shqetësimet e FMN për zhvillimet në vend, u mundua të mohojë dhe përgënjeshtrojë atë që për muaj me radhë negocioi po vetë. Evërteta është se Bordi i Drejtorëve të FMN shpreh me të drejtë shqetësimin alarmues të përkeqësimit të shpejtë dhe futjes në recesion, të ekonomisë që po sipas Bordit në 2009-2012 u arrit “të mënjanohet me sukses rënia në recesion në kulmin e krizës globale dhe që pati një rënie të ritmit të saj më të lehtin në rajon””, u shpreh Bode në një konferencë për mediat.

Sipas tij, e vërteta është se FMN është i alarmuar për risqet e mëdha që paraqet borxhi i rritur me aq lehtësi nga qeveria Rama vetëm në harkun e pak muajve duke qenë “më i larti ndër vendet e Europës Qendrore, Lindore e Juglindore”.

“Kjo paaftësi për të vendosur disiplinën fiskale është shkaku i propozimeve të FMN për rritjen apo vendosjen e plot 10 taksave të reja mbi qytetarët dhe ekonominë. Në fakt përgënjeshtrimi i Ramës është i turpshëm për qytetarët e këtij vendi, pasi në faqe 29 të raportit, paragrafi i 3, janë propozuar si mundësi: vendosja e TVSH në arsim; vendosja e pagesave toll në rrugët e vendit; rritjen me 50% të taksës mbi tregtimin e makinave të përdorura; futjen e TVSH për ndërtimet-banesat e reja; futja e një takes për hyrje daljet nga Shqipëria të popullsisë vendase; vendosja e taksës mbi pronën (shtëpi, tokë) sipas vlerës; futja e një takse vjetore për përdorimin e makinave bazuar në vlerën e tyre; rritjen e tatimit mbi të ardhurat e individëve, përfshi dhe interesat e depozitave dhe dividendin nga 10 në 12% (rritje 20%); Vendosjen e një akcize mbi të ashtuquajtur mallrat e luksit”, tha Bode.

2 komente në “Bode: Rama fshehu termat e marrëveshjes me FMN”

ela says:

21 Mars, 2014 14:48 te 2:48 pm

o bode ti je ushtari armik nr 1 i FMN. ne 96 kur te THANE MOS BEJ FIRMA PIRAMIDALE SE PO INFORMALIZON PARANE JU E ZHYTET VENDIN NE KAOS! TURP TJU VI JUVE QE DONI TE KRIJONI ARMIQ NDERKOMBETARE PER TE KRIJUAR KAOS! TURP TJU VI.

Përgjigjjuni
Denonco says:

21 Mars, 2014 15:05 te 3:05 pm

eh more kur te kane lene ty te flasesh, po si ske turp qe del akoma rrugeve tek shikon kaosin e bjelle ne 23 vjet nga ty e shohet e ty, po ju sjeni shqiperate por e shikoni kete vend vetem per ta plackitur. Faj ka Rama i lodhuri qe vjen verdalle si pordha neper breke e nuk jua fut juve horrave kembet ne nje kepuce…

Përgjigjjuni