Diktatori arreston të bijën/ Gulnara: Më kanë rrahur

Gulnara Karimova, vajza e presidentit të Uzbekistanit, ka qenë një nga njerëzit më të fuqishëm në Azinë Qendrore. Vitin e shkuar ajo e humbi këtë pushtet- por mbeti aktive online deri përpara pesë javësh. Që prej atëherësh, ajo ka heshtur

Nga Natalia Antelava, BBC

Letra e gjatë në inbox-in tim është e mbushur me të dhëna shqetësuese.

“Jam nën presion të rëndë psikologjik. Më kanë rrahur, shenjat në krahët e mi e tregojnë këtë,” thuhet në një rresht.

Një tjetër paragraf përshkruan se si është jeta në arrest shtëpie, me kërcënime të përditshme dhe nën vëzhgimin e vazhdueshëm të kamerave dhe policisë.

Letra është dërguar nga Uzbekistani, një prej vendeve më të izoluara dhe një nga shtetet më shtypës në botë. Ajo është dërguar nga një person anonim, që e përshkruan veten si dikush që po përpiqet që të rikthejë drejtësinë. Dërguesi thotë se letra është shkruar ditët e fundit dhe i është dërguar tinëz atij, por nuk jep më shumë detaje.

Letra nuk ka ndonjë firmë, por niveli i detajeve dhe të dhënave, stili dhe shkrimi i dorës, të bëjnë të besosh se nuk është ndonjë disident, por vetë Gulnara Karimova, dikur e përfolur si pasuesja e mundeshme e babait të saj, presidentit uzbek, Islam Karimov.

“Sa naive isha që besoja se në këtë vend ekziston sundimi i ligjit,” thuhet në letër.

Një analizë e shkrimit të dorës, me shkrime të tjera nga Karimova, arrin në përfundimin se ajo është shkruar me një probabilitet të lartë (75 përqind) nga ajo.

Letra hedh dritë mbi rënien spektakolare të një prej figurave me më shumë ndikim në Uzbekistan dhe betejën e saj kundër anëtarëve kryesorë të regjimit, që është zhvilluar në sytë e mbarë botës përmes rrjetit social, Twitter.

Për 14 muajt e fundit, Karimova, të cilën një kabllogram amerikan dikur e quante si “baronesha hajdute” dhe “personi më i urryer në Uzbekistan”, ka dërguar mesazhë në Twitter në lidhje me përplasjet me babain e saj dhe pasojat, mbyllja e bizneseve të saj dhe stacioneve televizive, mbyllja e fondacionit të saj të bamirësisë dhe arrestimin e mbështetësve të saj.

Ndërsa perandoria e saj po shembej, ajo u bë kritike e hapur e figurave kyçe të regjimit, dhe veçanërisht ndaj Rustam Innoyatov, njeriut kryesor për sigurinë në vend, të cilin e akuzon se po përpiqet që të fitojë pushtetin.

Prej kohësh unë dhe ajo kemi shkëmbyer mesazhe në Twitter.

Në një vend ku interneti dhe media është e censuruar, adresa e saj në Twitter të ofronte një pamje të paprecedent në ngjarje, për të cilat më parë vetëm supozohej. Por më 16 shkurt, ajo heshti. Adresa e saj në Twitter është pezulluar prej atëherë.

Mesazhi i saj i fundit ishte pikërisht në ditën kur policia uzbeke bastisi një apartament luksoz në kryeqytetin Tashkent, duke arrestuar një grup njerëzish, të cilët më parë asnjë oficer i policisë nuk do i prekte me dorë.

Letra ofron informacion të dorës së parë për këtë operacion policor dhe pasojat.

“Ajo që e bën më të rëndë këtë, është se nuk mund të jetosh si njeri kur të vëzhgojnë me kamera, kur njerëz të armatosur janë kudo dhe kur ti je e depresionuar nga ajo që sheh: forca speciale që kërcejnë nga çatia, gjërat e tua rrëmujë, dritare dhe dyer të thyera dhe mbi të gjitha, një person me sytë e lidhur, që tërhiqet zvarrë në dysheme,” thuhet në letër.

Personi me sytë e lidhur duket se është Rustam Madumarov, partneri në biznes i Karimova-s, dhe, siç raportohet, i dashuri i saj, që u arrestua atë natë së bashku me disa njerëz të afërt të tij. Atë ditë tre persona u akuzuan për përvetësim, mashtrim me taksat, zotërim të paligjshëm të valutës së huaj dhe pastrim parash.

Karimova përshkruan në letër se si kohët e fundit, qindra, në mos mijëra mbështetës të saj janë kërcënuar e arrestuar.

Një burim në Tashkent, pranë Karimova-s, konfirmon se ajo është aktualisht në arrest shtëpie, dhe vajza e saj 16- vjeçare, Iman, po qëndron bashkë me të. Personi, që nuk do të identifikohet, thotë se stafi i ambasadës amerikane ka vizituar vajzën, Iman, që thuhet se ka nënshtetësi amerikane. Babai i saj është ish- bashkëshorti i Karimova-s, Mansur Maqsudi, një amerikan me origjinë afgane.

Ambasada amerikane në Tashkent ka refuzuar që të konfirmojë vizitën duke thënë se e ka të pamundur të komentojë për këtë çështje.

Në letër, Karimova hedh akuza ndaj nënës, motrës dhe disa prej aleatëve të afërt të babait të saj. Ajo i akuzon për kërcënime, shantazh dhe torturë.

“Arsyeja për këtë persekutim të tipit Pinochet është se unë kam guxuar që të flas, ndërsa miliona të tjerë heshtin,” shkruan ajo.

Por për shumë njerëz, këto sulme të Karimov për familjen e saj dhe të tjerët janë një hipokrizi. Gulnara, siç e quajnë uzbekët, ka qenë fytyra e bukur e regjimit, të cilin e kritikon tani. Ajo ka pasur një perandori biznesi, u bë një këngëtare e muzikës pop dhe kishte një linjë veshjesh, parfumi dhe dizajni. Arriti të ishte edhe filantropistja kryesore në vend dhe u caktua ambasadore në Kombet e Bashkuara në Gjenevë.

Përgjatë viteve kam takuar shumë njerëz që kanë humbur pasurinë e tyre për shkak të gjobëvënësve që veprojnë në emër të saj.

Në vitin 2012, një grup gazetarësh suedezë zbuloi prova se një firmë suedezo- finlandeze, TeliaSenora, kishte paguar 300 milionë dollarë ryshfet në vitin 2008 për të hyrë në tregun fitimprurës uzbek të telefonisë celulare. Paratë u transferuan në një kompani offshore në Gjibraltar, në pronësi të 25- vjeçares Gayane Avakyan, që ishte një nga dy ndihmëset femra të të dashurit të Karimova-s dhe yllit të muzikës pop, Rustam Madumarov.

Që prej atëherë, ky është rasti më i madh korruptiv në historinë e Suedisë dhe të hënën Gulnara Karimova u bë zyrtarisht e dyshuar.

Hetimi ka përfshirë dhjetë vende të Europës dhe SHBA. Dy javë më parë, autoritetet zvicerane thanë se kanë nisur një hetim për pastrim parash ndaj Karimova-s.

Gulnara i ka mohuar këto akuza. Ajo thotë se fushata kundër saj është nxitur nga shefi i sigurisë i babait të saj, Innoyatov.

“Ajo e përshkruan veten si viktimë dhe babain e saj si dikush, që është manipuluar,” thotë Daniil Kislov, redaktor i faqes Ferghana.ru.

Kislov thotë se askush përveç babait të saj nuk mund të ketë dhënë urdhër që ajo të vihet në arrest shtëpiak. Ai shton se babai po e ndëshkon të bijën për stilin e tepruar të jetesës.

“15 vitet e fundit kanë treguar se Karimov nuk e çan kokën për kritikat ndërkombëtare për të drejtat e njeriut në Uzbekistan, për torturën dhe burgjet, sterilizimin e detyruar apo fëmijët që punojnë në fushat e pambukut,” thotë Kislov.

Por ajo që e shqetëson Karimov, thotë Kislov, është dëmi që i ka bërë Gulnara aftësisë së Uzbekistanit për të tërhequr investime të huaja, të cilat duket se i kishte monopolizuar.

Arrestimi i saj, shton Kislov, është një mënyrë për të treguar se kush është njëshi.

Pavarësisht se ka një dekadë që spekulohet se Karimov vuan nga një sëmundje vdekjeprurëse, 76- vjeçari dukej në formë dhe energjik kur mori pjesë në ceremoninë e hapjes së Lojërave Olimpike në Sochi.

Por a është vendimi për arrestimin e Gulnarës një shenjë e dobësisë së tij?

Sigurisht që kjo tregon se ai është i shqetësuar për dëmin që po bën vajza e tij.

Por pavarësisht faktit se Gulnara nuk ka internet, ajo sërish ia del që zëri i saj të dëgjohet. Që kur ajo më dërgoi mua mesazh, të tjera letra kanë dalë në median uzbeke, ku ajo i kërkon babait që ta lërë të dalë për kurim jashtë vendit.
“Nuk e mendoja kurrë se kjo do ndodhte në një vend të civilizuar, siç e përshkruan veten Uzbekistani,” shkruan ajo.

“Por një vështrim më afër, tregon se kjo shëmti ka ndodhur prej shumë kohësh”.

Edhe pse shumë pak uzbekë besojnë te transformimi i Karimova-s në një mbrojtëse të të drejtave të tyre, mesazhi i saj do rezonojë me shumë.

Udhēzimi i ministrit tē Brendshēm/ Automjetet qē kanē gjoba, sekuestrohen deri nē shlyerjen e detyrimeve

11:45 Politika

Gërveni refuzon Kodhelin: Zbatoj vetëm urdhra ligjorë/ Reagon ministrja e Mbrojtjes (VIDEO)

09:29 Politika

Idrizi: Grup pune me Greqinë për çështjet pronësore ose do radikalizojmë qëndrimet

09:12 Politika

Atentati në Bllok/ Dokushi: Jam i shokuar, mund të jetë paralajmërim

09:04 Politika

FOTOT/ Ushtria e fëmijëve, gati që të mbrojë Nënën Rusi

21:21 Politika

Rinasi - Monopoli i qiellit

19:56 Politika

FOTOT/ Obama hyn në aksion në samitin e armëve bërthamore

18:47 Politika

Berisha: 24 Marsi, ditē e madhe pēr historinē popullin shqiptar dhe NATO-n

14:06 Politika

VIDEO LAJM/ Momenti i shpërthimit të tritolit në Bashkinë e Fushë- Krujës

17:50 Politika

Familjarët e 5 të vrarëve, pengje lufte në Siri/ Shqiptarët, në krah të “Al-Kaeda-s”

17:07 Politika